تقرير ترخيص القاشقاي الجديده + صيانة اول 1000 كيلو

**Hamada Basha** · 02-04-2015 03:40 AM

المشاركة الأصلية كتبت بواسطة nadernabil

صباح الخير حمادة باشا

ملاحظات حضرتك مش في محلها قوي و لا تستدعي الخوف أو القلق إطلاقاً

نبدأ بموضوع الكاوتش:

أولاً مقاسات الكاوتش اللي بتنزل في مصر هي 215/60 r17 للفئتين الأولى و الثانية و 225/45 r19 للفئة التوب لاين و الإستبن مقاسه 215/65 r16 (و عادي جداً ان الاستبن نازل جنط عادي مش سبور) و ده بروشور العربية فيه المقاسات:

http://www.nissan.com.eg/en/web/nscu...ew_qashqai.pdf

نيجي بقى للمقارنة بين المقاسات من حيث القطر و الإرتفاع:

المقارنة بين الإستبن مقاس 16 و الجنط مقاس 17:

المقارنة بين الإستبن مقاس 16 و الجنط مقاس 19:

طبعاً زي ما حضرتك شايف ...الفرق يكاد يكون معدوم...الفرق من ال 16 لل 17 0.5% و الفرق بين ال16 و ال19 0.15%....و لو أخدت بالك هتلاقي انه لا ينصح بأكتر من 2.5% فرق :))

الجزئية التانية بتاعة حوض الشنطة...دي حاجة عادية جداً انها ماتكنش متبطنة و كل العربيات كده و مش طبيعي ان يتحط عليها مواد صلبة زي التابلوه

الحاجة الثالثة بخصوص كارت الميموري...مافيهاش مشاكل إطلاقاً لأن الوكيل المصري بيختار أوبشن معين ينزل بيه العربية في مصر علشان يقدر يحافظ على سعر مناسب يبيع بيه...لو فضل يزود الأوبشن هاتوصل لأسعار فلكية و ماحدش هايشتريها في الأخر...السوق هو اللي بيحكمه في الأخر ....لو انت فارق معاك كارت الميموري...جرب كده شوف البروشور بتاع القاشقاي اللي بره و شوف فيها أيه مقارنة باللي هنا :)

http://www.nissan.nl/content/dam/ser...qashqai_nl.pdf

تحياتي لحضرتك

ماشي يا باشا ،
بس اعتقد الكلام ده لو ح اغير الأربع عجلات اللي ع الأرض مع بعض
مش احط واحد بمقاس مختلف مع تلاتة ع الأرض .. ولا اييييه !!
ياريت تشوف المصدر بتاعك بيتكلم ع انهي حالة بالظبط .

**bsam2** · 10-04-2015 03:46 PM

يا ريت يا جماعه المساعده انا خلاص قررت اشترى قشقاى 2015 والتنفيذ خلال الاسبوع دا
كنت سامع عيب من الجنط ال19 فى الsport
هل فعلا الكلام دا حقيقه عشان شوارع مصر والبروفايل اقل من 55
يا ريت الرد لو امكن ممكن لو حد اشترى الفئه التانيه او التالته اخد رقمه عشان استفسر منه عنها اتمنى الرد

**bsam2** · 10-04-2015 04:29 PM

هل ينفع اغير بروفايل كاوتش جنط 19 ولا لا
عشان العفشه وطرق مصر

**mhmdabdo** · 10-04-2015 06:33 PM

علي فكره العربيه حجز 12 شهر و اساسا قفلين الحجز
اوفر برايس بقا لو في نيه يعني تستغنا عن الماتور 1600 تربو عشان يوفرو فلوس للزبون وفي الاخر قفلين الحجز وتدفع اوفر برايس
اساسا اكتر عربيه مبيعا في مصر كان التوكيل حجز شهرين
نيسان حجز 12 شهر وقفلين الحجز مع + فانوس العربيه غير متاح حاليا ولا الرفرف ولا المساعدين
ضيف علي ذلك فضيحه الصني

**Cairo lion** · 13-04-2015 07:53 PM

المشاركة الأصلية كتبت بواسطة mhmdabdo

علي فكره العربيه حجز 12 شهر و اساسا قفلين الحجز
اوفر برايس بقا لو في نيه يعني تستغنا عن الماتور 1600 تربو عشان يوفرو فلوس للزبون وفي الاخر قفلين الحجز وتدفع اوفر برايس
اساسا اكتر عربيه مبيعا في مصر كان التوكيل حجز شهرين
نيسان حجز 12 شهر وقفلين الحجز مع + فانوس العربيه غير متاح حاليا ولا الرفرف ولا المساعدين
ضيف علي ذلك فضيحه الصني

انا موافقك ان لو في حاجة مش موجودة مشكلة كبيرة
بس للأسف كل العربيات اللي بتبقي لسا نازل الموديل بتعها اول سنة بيبقي في شوية نواقص بس ده في اي توكيل عربيّات في مصر .
انا اشتريت العربية الفئة الاول من شهر ب ١٢٠٠٠٠ و كنت مضايق من الأوفر برايس ... بس لما تلاقي الكوري بنفس السعر يبقي أكيد تمنها فيها ...

و للامانة انا كنت رايح علي السوبارو xv و لفيت عليها مصر ملقتش ولا عربية !!
و مع احترامي لكل الناس مش هركب كوري
و فكرت في بيجو ٣٠٠٨ بصراحة سيارة تحفة و القعدة بداخلها ملوكي و مش قادر أنساها بس مشكلتي كانت في حاجتين
١- شكلها بقاله شوية يعني سنة و هيبقي الموديل قديم .
٢- خفت من توكيل بيجو رغم ان العربية اعتمادية جدا .

و في النهاية تمنياتي بالخير للجميع

**ramykimo** · 13-04-2015 11:58 PM

المشاركة الأصلية كتبت بواسطة cairo lion

انا موافقك ان لو في حاجة مش موجودة مشكلة كبيرة
بس للأسف كل العربيات اللي بتبقي لسا نازل الموديل بتعها اول سنة بيبقي في شوية نواقص بس ده في اي توكيل عربيّات في مصر .
انا اشتريت العربية الفئة الاول من شهر ب ١٢٠٠٠٠ و كنت مضايق من الأوفر برايس ... بس لما تلاقي الكوري بنفس السعر يبقي أكيد تمنها فيها ...

و للامانة انا كنت رايح علي السوبارو xv و لفيت عليها مصر ملقتش ولا عربية !!
و مع احترامي لكل الناس مش هركب كوري
و فكرت في بيجو ٣٠٠٨ بصراحة سيارة تحفة و القعدة بداخلها ملوكي و مش قادر أنساها بس مشكلتي كانت في حاجتين
١- شكلها بقاله شوية يعني سنة و هيبقي الموديل قديم .
٢- خفت من توكيل بيجو رغم ان العربية اعتمادية جدا .

و في النهاية تمنياتي بالخير للجميع

الشباب و انا محتاجين منك تقرير عن العربية عيوب و مميزات. شكرا مقدما

**ahmed foxxx** · 14-04-2015 12:12 AM

ياباشا ألف شكر عايزين كلام أكثر عنا ، أنا برده كنت بفكر في عربية بيجو 3008 للأسف اعادة بيعها هيبقى مشكلة ولكن مع احترامي هي مفيش زيها ، وان كنت أميل للقاشقاي بسبب ثقتي في الياباني .

**Hamada Basha** · 14-04-2015 01:28 AM

المشاركة الأصلية كتبت بواسطة cairo lion

انا موافقك ان لو في حاجة مش موجودة مشكلة كبيرة
بس للأسف كل العربيات اللي بتبقي لسا نازل الموديل بتعها اول سنة بيبقي في شوية نواقص بس ده في اي توكيل عربيّات في مصر .
انا اشتريت العربية الفئة الاول من شهر ب ١٢٠٠٠٠ و كنت مضايق من الأوفر برايس ... بس لما تلاقي الكوري بنفس السعر يبقي أكيد تمنها فيها ...

و للامانة انا كنت رايح علي السوبارو xv و لفيت عليها مصر ملقتش ولا عربية !!
و مع احترامي لكل الناس مش هركب كوري
و فكرت في بيجو ٣٠٠٨ بصراحة سيارة تحفة و القعدة بداخلها ملوكي و مش قادر أنساها بس مشكلتي كانت في حاجتين
١- شكلها بقاله شوية يعني سنة و هيبقي الموديل قديم .
٢- خفت من توكيل بيجو رغم ان العربية اعتمادية جدا .

و في النهاية تمنياتي بالخير للجميع

تمااااام
الف الف مبروك يا باشا...
تقرير ك و صورك بقى و كل اللي تقدر عليه...
هي الفئة الأولى فيها سبويلر و مساحة ورا؟؟؟
ياريت كل التفاصيل
و ربنا يباركلك فيها

**Cairo lion** · 25-04-2015 07:03 PM

المشاركة الأصلية كتبت بواسطة shady.shaheed

حبايبي اولا احب اشكركم بجد علي مباركتم الغاليه لشراء السياره :) و عقبالكم كلكم جميعا ان شاء الله

اولا : تقرير الترخيص السياره
اكبر مفاجاءه في الترخيص انهم احتسبوا السياره 1600 cc مع اني كنت موتوقع انها هتكون 1200cc بس شكلهم حبوا التربوا ب 400cc ولا ايه مش فاهم الصراحه

مصاريف الترخيص 3 سنين حوالي 2000 جنيه بالحلاوه و الشاي :d :d و الباركينج ابوا 70 جنيه في مرور الجزيره علشان العربيه لونها خطر يا بيه :c_laugh[1]:

ثانيا : تقرير صيانة الاف في مركز اوتو ايجبت ابو رواش

مهندس الاستقبال : للاسف الشديد مش متذكر اسموا بس من اكتر الناس المحترمه اللي ممكن تقابلها هناك هو كان شباك 4
للاسف كنت اول عربيه قاشقاي ترحلهم و كانوا متفأجين لانهم مكانوش لسه واصلهم المانيوال بتاع العربيه و مكانوش حتي عارفين بتاخد كام لتر زيت بس بصراحه المهندس المحترم اللي مش متذكر اسمه اقعد يدور في الكتالوج بتاع العربيه اللي كان معايا بس ملقاش كام لتر مكتوبه و كمان قالي احنا مش عارفين فلتر الزيت موجود ولا لأ
انا كنت واخد معايا زيت موبيل وان 10000 كيلو 4 لتر 5w50 و جبنا ورحت جبت لتر كمان علشان طلعت بتاخد 5 لتر زيت .
وللاسف و هما بيعملوا صيانه قالي لقينا كاوتشه مش عارف ايه كده جنب الفتيس مقطوعه و مسربه شحم و قالي غيرناهالك و زودنا الشحم اللي نزل منها ( الحمد لله :) )

فلتر الزيت كان لسا واصل المصنع و بعتوا جابهولي وللعلم مختلف عن فلتر القاشقاي القديمه
فلتر الزيت 150 جنيه
تكلفة الصيانه + فلتر الزيت = 270 جنيه
التكلفة بدون الزيت لاني كنت واخد معايا الزيت

مستوي الموتووووووووووووور بعد الزيت
الحمد لله مخيبش ظني و بدأ يشد و يجري و قريب ان شاء الله هنزل فيديو عن تسارع العربيه بعد اول صيانه
استهلاك البنزين متوسط المعدل 11 لتر لكل 100 كيلو في الزحمه
في الجري بيقل شويه عن كده
تانك العربيه تقريا 60 ليتر يمشي حوالي 700 كيلو مع اختلاف الاستخدام من جري و زحمه و وقفات متعدده .

اي اسئله انا تحت امركوا :)

على فكرة لازم تصلح الرخصة
انا عملو معى نفس الحركة و عملو المحرك ١٦٠٠ سي سي و خليتهم غيرو الرخصة و انا واقف و عملوها ١٢٠٠ سي سي
كدة ممكن تعملك مشاكل

**Cairo lion** · 25-04-2015 07:09 PM

المشاركة الأصلية كتبت بواسطة ramykimo

الشباب و انا محتاجين منك تقرير عن العربية عيوب و مميزات. شكرا مقدما

حاضر يا زعيم انا تحت امرك و امر المنتدى
و هحضر للتقرير لاني فعلا كنت محتاج تقرير و انا بشترى العربية
فان شاء الله هعما تقرير بكل اللى ممكن يكون مفيد فى السيارة