الموضوع: معانا هنا مهندس بترول يفهمنا يعنى اية بترول صخرى اللى طالع دة

المشاركة الأصلية كتبت بواسطة ahmed_eng2001

كلام اكثر من رائع ... ربنا يزيدك من علمه ..

كلام حضرتك كدة ان دى طريقة جديدة فى المعالجة الكيميائية لخام فقير فى الهيدروكربونات الى مركب غنى بالهيدروكربونات و يحل محل الخام الخفيف ..!!! .. الله ينور عليك

معلومة جانبية كدة .... shale ده من اسوأ انواع التربة .... متعب جدا فى عملية الحفر .. و متعب جدا فى استخراج البترول .. بس اكيد shale الى انا اقصده غير ال shale الى حضرتك ذكرته

و للأسف ... امريكا ممكن تلعب بالعالم كله و معندهاش اى مشكلة ..

الظريف ان التكلفة الفعلية لاستخراج برميل البترول اقل حتى من 40 دولار للبرميل فى ظروف الانتاج العادية
فالدول التى تملك بترول اراضيها ... زى السعودية و فنزويلا و سلطنة عمان .. برضو لسة كسبانة .... مش كسبانة زى ما كان البرميل ب 115 .. بس لسة كسبانة
الدول التى باعت بترولها و هو لسة فى باطن الارض ... زى اغلب دول العالم ... .و منهم مصر طبعا .. ستكون تحت رحمة الشركات المنتجة .. زى شل و بى بى و شيفرون و موبيل
و التى بدأت بالفعل فى تقليل انتاجها ... و تقليل عمليات التنقيب و الحفر و الاستخراج ... عملا بمبدأ خليه متخزن فى الارض لغاية لما يغلى

كلامك كله تمام
الخطير فى الموضوع انه كده عمليا بقى فيه سقف لسعر البترول يعنى اخره 70-80 دولار للبرميل و ده متغير جديد يمثل تحول خطير هيخدم بعدين فى اوقات الازمات. . . زى حرب كبيرة فى منطقتنا الموبوءة بالاضطرابات السياسية. . . و ده مستقبلا هيمنع ان السعر يطير مهما كان حجم الازمة
فاكر كلامى عن ايران. . . هبقى افكرك بموضوع ال shale oil ده ساعتها :-)
امريكا تعمل جاهدة على ضمان ان يستمر القرن ال 21 امريكيا كما كان النصف الثانى من القرن العشرين امريكيا. . . و واضح انها بتستف ورقها و ادواتها لكده. . . و النفط الصخرى ده احد اهم الادوات الجديدة دى

المشاركة الأصلية كتبت بواسطة ahmed_eng2001

معلومة صغيرة خالص و لكن فارقة جدا .....

لو البترول الصخرى هو ال Oil Shale تكون عملية استخراجه عن طريق التعدين و ليس الحفر
التعدين زى استخراج الفحم و الذهب ....
استخراج البترول العادى يتم عن طريق حفر ابار عميقة متدرجة القطر حتى 7 بوصة فى الغالب liner ... و يتم الانتاج من مواسير من اقطار 2 بوصة و حتى 7 بوصة فى الغالب

فعلا فى فرق بين ال oil shale و ال shale oil:
The Difference Between Oil Shale and Shale Oil - The Energy Report