حبيت أنقل تجربتي في تغيير زيت فيتيس CVT للبومة لأن في إختلاف علي الموضوع دا

- ناس بتقول لازم زيت CVT بتاع ميتسوبيشي وفي التوكيل علشان الجهاز إلي بيشفط الزيت القديم بالكامل وبالتالي بيحط 8 ليتر.

- وناس بتغير في محطات البنزين عن طريف فك الطبة وبالتالي بينزل 5 ليتر فقط وبتعبي 5 ليتر
__________________________________________________ _______________

أول تغيير ليا أول مجبت العربية عن طريق البنزينة وحطيت زيت Mobil ATF وطبعا كان 5 ليتر
وخلال الفترة إلي فاتت كنت حاسس إن أداء العربية وتسارعها قليل فعلا بالمقارنة بنفس الموديل من زملائي.

فلما كلمت الميكانيكي إلي هو كان شغال في التوكيل قالي غلط طبعا لأنه ممكن يبوظ الفيتيس علي المدى الطويل.
وطلب مني إن تغيير الزيت القادم أعمله عنده.. ودا إلي أنا عملته قبل ميعاد تغيير الزيت لأن أداء العربية فقعلا مكنش عاجبتي.

عمل إيه بقى.. فضى الزيت بالكامل عن طريق فك النصف السفلي من الفيتيس وتصفية الزيت بالكامل.
وفك المصافي وتنظيفها جيدا
وتنظيف جنب الفيتيس من الداخل (توجد مجموعة من الصبابات مش فاكر إسمها)
وطلب مني 8 ليتر زيت Mobil ATF
وطبعا لما حط الزيت أخدت 8 ليتر كاملين.

الملاحظات:
- إن لزيت القديم كان خارج أسود ومتسخ جدااا رغم إنه ماشي فقط 35000 كم
- أداء العربية والتسارع أصبح متحسن بشكل ملحوظ جداااا
- نقلة الغيار من عصاية الفيتيس حسيت أنها أصبحت محكومة شوية عن الأول...