ياجماعة عندى مشكلة فى البولو2001

**shosny** · 02-11-2008 02:26 PM

انا فى خلال شهرين مغير 3 اطقم بوجيهات جبت جميع انواع البوجيهات المهم يادوب امشي اسبوعين وبعدين احس بنتشة كدة
نيجى نيكشف على البوجيهات نلاقى البوجيه معرق زيت على الرغم من كدة مفيش اى دخنة او اى عادم بل بلاعكس اما بدورها صباحا
الشيكمان بنقط مايه روحت للمكانيكى بتاع الفولكس كشف على كبس الموتور لاقها 80% قالى ديه مشكله جلب صباب وهاتاخد شغل يومين قولت اروح عند واحد تانى\ قالى ديه عايزة طقم شنبر وجلب صباب وهاتاخد شغل خمس ايام المشكلة انى بحس و هما بكشفو على العربية مستغربين من المشكلة ويعدو يشمو فى البوجيه المهم الحقيقة انا محتار اعمل ايه وايه الصح معلش يا جماعة طولت عليكم اعزرونى .

**snakeson2** · 03-11-2008 01:45 AM

طيب انت متاكد من مكان تسريب الزيت ولا لأ؟؟؟
انا كان عندي مشكلة مشابهة بس طلع الجوان بيسرب زيت وروحت الورشة ورا حديقة بدر الراجل شال السيلكون القديم وحط سيلكون اصلي ومجابتش زيت تاني

**dr_3eshoo** · 04-11-2008 04:18 PM

غير سلك البوجيهات
كانت عندي في البسات و طلع المشكله من سلوك البوجيهات
او ممكن الاويسل سيه عاوز يتغيير

**dr_3eshoo** · 04-11-2008 04:19 PM

او ممكن الموبينه

**iBiZa** · 16-11-2008 01:01 PM

المشاركة الأصلية كتبت بواسطة snakeson2

طيب انت متاكد من مكان تسريب الزيت ولا لأ؟؟؟
انا كان عندي مشكلة مشابهة بس طلع الجوان بيسرب زيت وروحت الورشة ورا حديقة بدر الراجل شال السيلكون القديم وحط سيلكون اصلي ومجابتش زيت تاني

بالظبط كدة, انا رحت امبارح اغير بوجيهات لاقيت زيت واقع حواليهم, و فعلا طلع جوان الهيد (او اسمة جوان التاكيات) و استنينا لما العربية بردت خالص و فك وش التاكيهات و اتنضف و اتسنفر و بعدين جاب السيلكون الابيض الاصلى (مينفعش الاحمر عشان مش بيستحمل حرارة موتور الVW) و اداها و قفلنا و كلة بقى تمام.

المشاركة الأصلية كتبت بواسطة shosny

انا فى خلال شهرين مغير 3 اطقم بوجيهات جبت جميع انواع البوجيهات المهم يادوب امشي اسبوعين وبعدين احس بنتشة كدة
نيجى نيكشف على البوجيهات نلاقى البوجيه معرق زيت على الرغم من كدة مفيش اى دخنة او اى عادم بل بلاعكس اما بدورها صباحا .

المهم طمنا انت عملت اية ؟؟