القاضى القاتل جانى ام ضحية

**abdulkhaleq** · 21-12-2014 04:19 PM

ايوه مصر عموما غابه والقاهره تحديدا
هل ليه انه يطلع سلاح ويضرب نار ؟
نظريا لأ
على ارض الواقع, بلطجيه وشمامين كلّه ماشيين كده في الشارع حوالينا وبيتنفسوا نفس الهوا اللي بنتنفسه
تخيل ؟
لو حد فيهم حس انك صيده هياكلك
ولو حس انك اقوى منه مش هيفكر ييجي جنبك
هي ماشيه كده رؤوس فوق بعضيها
على قد ماتقدر انت بس ماتظلمش حد
ولو قدرت تتجنب البشر يبقى عملت معروف في نفسك وفي اعصابك

**حسام الغرباوي** · 21-12-2014 04:59 PM

المشاركة الأصلية كتبت بواسطة ali ashraf

تحقيقا لكلام حضرتك فى شئ مريب حدث, الخبر قرأته أمس فى اليوم السابع الالكترونى و سمعته فى احدى برامج التوك شو و كان بالتفصيل ( تفاصيل الحادث, بين القاضى و فردين على دراجة نارية , المصاب بالطلق النارى رجل فى العشرينات كان جالس على قهوة راح يخلص الخناقة , القاضى اطلق طلقتين واحدة فى الهواء و الثانية اصابت المجنى عليه لحد امس حسب الخبر " يصارع الموت" فى العناية المركزة.......الشئ المريب ان الخبر غير مذكور بالمرة فى وسائل الأعلام.....شئ غير مطمئن.....خايف يكون كلامك صح

خد مني ومتدورش ورايا ههههههههههههههه

اصل دا اللي هيحصل فعلا

اصلا قصة مفبركة وباينة ...اصل مين اللي الشهامة وخداه اوي اوي كدا وشايف ضرب نار وهيروح يحوش ..وطلقة اية اللي في الهوا وترشق في دماغ واحد دي

**mmolazem** · 21-12-2014 05:21 PM

التلخيص المُفيد فى شرح نظرية الأسياد والعبيد ( للعلامه الصنديد / أحمد بن أبى زند ) .

https://www.youtube.com/watch?v=YR5REV8gPMo

**Mecha** · 21-12-2014 05:35 PM

النزاع بين القاضي وقائد دراجه ناريه,والقاضي طخ قائدها,انا شايف انه دفاع عن النفس والناس مبتعرفش تسوق ولابتحترم قانون او بعضها فدا الطبيعي
ومن كام شهر سواق لودرمشي في نص مصر اسماعيليه وقفل الطريق علي ظابط ,ورفض يعديه رغم المحاولات وانه سايق معده تقيله المفروض يركن وياعالم مرخص والا لا واشتبك مع الظابط, والظابط طخو بردو طبيعي ولازم يحصل

**Mecha** · 21-12-2014 05:53 PM

المشاركة الأصلية كتبت بواسطة ali ashraf

الأستاذ الفاضل: انا مش قصدى الرأى القانونى طبعا قتل خطأ , أنا قصدى على المستوى الأنسانى ضغوط الزحام و السيرك اللى احنا فيه و الذى يطلق عليه الشارع و المرور عمل كده فى قاضى محكمة و غير مسار حياته 360 درجة امال شخص بسيط و نال حظ ضئيل من الثقافه و التعليم ممكن يعمل ايه؟ اكيد فيه خطأ جسيم حدث و يحدث هل هى أخلاق الزحام , مش عارف ؟

حضرتك شوف الصين واليابان ,وطوكيو ازحم مدينة في العالم ومعاها نيويورك,وعربياتهم اكتر مننا بكتيييييييييييييييييييييي يييييير
ومفيش الانحطاط دا