العربية بتحدف يمين لانوس 2

**taysir2010** · 24-12-2014 12:02 PM

المشاركة الأصلية كتبت بواسطة أشرف عاشور

الموضوع كله ان اللي ركب لك المساعدين ركب البطاحة بتاعت المساعد غلط لأن ليها اتجاه معين واللي هايعرفها اكتر بتاع الزوايا

لا ياباشا مركبهم صح
كل حاجة ركبة صح مفيش حاجة غلط
انا هتجنن

**taysir2010** · 24-12-2014 12:08 PM

المشاركة الأصلية كتبت بواسطة eng_amg

:) مينفعش طبعا.. المساعد متحدد اليمين يمين والشمال شمال. أو دا إلي أنا أعرفه لما غيرت مساعدين اللانسر .. لقيت المساعدين الجديدة مكتوب عليها يمين وشمال.

بس السؤال هنا.. ها الكبالن ممكن يكون ليها دور في إن كوبلن يكون مفوت وبالتالي عزم الكوبلن السليم يكون أقوى من عزم المفوت علشان كدا بتحدف منك وأنت دايس بنزين فقط؟؟

ياباشا انا بقلك قبل ما اركب حاجة خالص كانت ماشية زي الاف مكنش في عندي مشكلة خالص
فا لو موضوع الكبلن كان هيبان معايا قبل ما اركب المسعدين
انا هتجنن خلاص مش عارف فية اية

**eng_amg** · 24-12-2014 12:34 PM

طيب يا باشا مفيش كدا غير المساعدين نفسهم...
لو في نساعد أطول من التاني حيعمل الحركة دي لأن العزم في العجل الأمامي.
فلإما المساعد فعلا أطول. أو مثبت خطأ.
وكدا كدا المساعدين المونرو في الضمان.
روح بلغ الكلام دا للوكيل - أعتقد هشام لهيطة - وحيقولك تعمل إيه..
وطمنا

**taysir2010** · 25-12-2014 07:01 PM

المشاركة الأصلية كتبت بواسطة eng_amg

طيب يا باشا مفيش كدا غير المساعدين نفسهم...
لو في نساعد أطول من التاني حيعمل الحركة دي لأن العزم في العجل الأمامي.
فلإما المساعد فعلا أطول. أو مثبت خطأ.
وكدا كدا المساعدين المونرو في الضمان.
روح بلغ الكلام دا للوكيل - أعتقد هشام لهيطة - وحيقولك تعمل إيه..
وطمنا

ياباشا المسعدين زي الفل
انا رحت لواحد بتاع عفشة فك العفشة كلها
وكشف علي كل حاجة وقلي انها زي الفل وركبلي حاجة غريبة اسمها صدادة طويلة وشال الي موجودة القصيرة
الكلام ده صح ولي غلط؟؟؟
والعيب طلع محدش هيسدقة بجد حاجة مستحيلة تحصل بس غريبة جداجدا

**amirock** · 26-12-2014 11:09 AM

يا باشا معرفناش برضة العيب من اية

**pelo** · 26-12-2014 11:25 AM

راجع على جهاز الفرامل

**داود1977** · 26-12-2014 02:45 PM

المشاركة الأصلية كتبت بواسطة أشرف عاشور

الموضوع كله ان اللي ركب لك المساعدين ركب البطاحة بتاعت المساعد غلط لأن ليها اتجاه معين واللي هايعرفها اكتر بتاع الزوايا

فعلا الكلام دة
البطاحة ممكن قوي تكون السبب

**taysir2010** · 02-01-2015 06:18 PM

المشاركة الأصلية كتبت بواسطة amirock

يا باشا معرفناش برضة العيب من اية

العيب طلع بيض المقصات
طيبعا الحمار الي فك خبط علي بيض المقصات عشان يفك الجمب كلة فا طبعا هيا كان ابتدت تتعب وهوا مستخدمش سبشيل تولز
لما فكيت حتة حتة اكتشفت الموضوع ده وطبعا كانت بترقص كنها ملهاش لزمة
المهم طبعا انا كنت عاوز اعرف السبب وطبعا مغيرتهاش لكن حطيت فيها شحم وكبستها علي المكبس
طبعا انا مش مسدق الي حصل بس الحمد لله
بس انا مسبتش حقي انا رحتلة وسيحتلة لحد كان فية ناس كانت بتعمل عندوا شغل مشيوا طبعا عشان هوا حمار مش بيفهم وجنني
وال غصني انة كان وثق انة مركب كل حاجة صحة وحاجة كمان تثبت انة حمار لما ركب البطحات ركب ومشحمش من تحت البليل حط من فوق بس
وهوا مكنش قادر يقلي حاجة وقلتلة منك لله وقلتة سدقني انت مش هتشتغل تاني في الشغلانة ده ومن الاخز انا مشردلة

**eng_amg** · 02-01-2015 06:51 PM

قدر الله ما شاء ... يعني اديك اتعلمت وعلمتنا معاك والتعليم مش ببلاش.
عادي كل يوم بنقابل حاجات زي دي.

في مرة غيرت سكاترا وعلبة دريكسيون للسيينا بناء علي كلام الميكانيكي كانت 1700 جنيه ولا يعت يوم كامل في الشراء وبعد مجبتها البيه اكتشف انه مش رابط خرطوم الباور كويس بالافيز ولما ربطه اتحل العيب.

عادي يا باشا الواحد بيتعلم.

المهم الف مبروك علي تصليح العيب وترييح دماغك.