انا جبت الاضافه دى ومحتاج مساعدة

**mido_soliman** · 23-12-2014 05:36 AM

من فتره كنت متابع للاضافات والمحسنات اللى بتتحط على زيت الموتور ومعرفش مدى كفاءتها او لاء وهل هى حقيقه ولا وهم باختلاف الاراء ولكن انا بطبيعه الحال بحب اجرب اى حاجة اقتنع بيها وشايف انها لو محققتش افادة مش حتضر والله اعلم
المهم قريت عن اضافات شركه XADO ومنها الماكسيموم كونديشنر اللى بيحسن من اداء الموتور وبيعالج التشوهات اللى بتحصل على سطح غرف احتراقه نتيجه الاحتكاك بتقنيه النانو

وبما ان عربيتى كورولا 2008 MMT ومعروف الفتيس دة ان نسب نقله صغيره و الار بى ام دايما بيبقى عالى ودة طبعا بياثرش على العمر الافتراضى للمكنه خصوصا لو قارنتها بمكنه بفتيس نسب نقله عريضه او واسعه بيريح المكنه اكتر ........
المهم انا فكرت انى اجرب المنتج دة ف تغييرة الزيت الجايه ان شاء الله وكنت عايز اعرف رأيكوا اية وخصوصا استاذنا borio واستاذنا mecha

انا التغييره الجايه ناوى اجرب شل الجديد وانا حاليا على بيزول جرين اويل وهوه ممتاز بصراحه لحد دلوقتى بس حاسس ان شل حيكون افضل لانى كنت مرتاح عليه جدا ف الجين 2 وكنت مفضله عن كاسترول ايدج كمان
تنصجونى اجرب الاضافه على زيت غير زادو ولا لازم زادو ؟ لانى مش حابب اجرب زادو دلوقتى بصراحه متحمش لشل اكتر .
ورأيكوا بصفه خاصه عن الاضافه دى تحديدا هل وهم ولا ممكن يبقى ليها نتيجه ايجابيه فعلا
شكرا ليكوا جدا
ملحوظه هامه : العربيه عامله 110 الف ومفيهاش مشاكل ف المكنه ولله الحمد بس كل ما هنالك انى بعد طول المشاوير والحرق بحس صوت المكنه بينعر شوية وفى الصباح اثناء التدوير بسمع صوت خشونه لمده ثانيتين تلاته ويختفى ولو بطلت ودورت تانى بعد التسخين دقيقة مبسمعش الصوت دة خالص فبيتهيالى دى مشكله تزييت ولا اية . المهم انى فكرت ف الاضافه كنوع من انواع الحمايه ف الاول وتحسين الاداء ان امكن .

**akmm** · 23-12-2014 10:06 AM

متابع باهتمام ..................

**mido_soliman** · 24-12-2014 02:52 PM

انا مش فاهم 129 واحد ولا رد واحد !!!!!

**borio1704** · 24-12-2014 07:39 PM

الأفضل إنك تستخدم نفس الماركة للزيت وللإضافات..

كل الزيوت فعليا عليها إضافات... بمعنى إن مفيش زيت في السوق بدون إضافات إطلاقا... وأول الإضافات اللي لا يمكن الزيت ينزل من غيرها هي محسنات مؤشر اللزوجة.. ودي اللي بتخلي الزيت له رقمين لزوجة زي ما احنا متعودين.

المشكلة الكبيرة.. إن الإضافات لها أنواع كتير.. وممكن أكتر من نوع يأدوا نفس الغرض.. وكل شركة ليها مواد معينة بتستخدمها غير الشركات التانية.

فيه بعض أنواع من الإضافات بتتفاعل مع بعض وممكن تدينا نتائج إيجابية أو سلبية.. والنتائج دي تختلف حسب المادة المتفاعلة...

هل حضرتك عندك فكرة عن نوع الإضافات دي إيه تركيبها الكيماوي؟؟
طيب هل عند حضرتك فكرة عن التركيب الكيماوي للإضافات الموجودة فعلا في الزيت اللي حضرتك بتستخدمه؟؟

أكيد ﻷ

يبقى لو احنا عايزين نحسن من أداء الزيت.. فالأفضل نستخدم نفس الماركة للزيت والإضافات.. علشان نبقى ضامنين - إلى حد ما - إن الإضافات اللي هنحطها مش هتتفاعل بشكل سلبي مع الزيت.

مع العلم...

بعض شركات الزيوت بتقوللك إن زيوتها مش محتاجة إضافات.. بمعنى إن الزيت فيه ما يكفي من الإضافات فعلا.. واحتمال ظهور نتائج سلبية لو حطينا إضافات من عندنا هيبقى عالي... وتخسر الزيت وتخسر موتورك.

...

**memo_p910** · 12-01-2015 04:36 PM

بكام وبيتباع فين انا لقيته على النت ب 54 دولار

**akmm** · 29-01-2015 02:45 PM

الكلام ده كله محترم ومنطقى ........................ ولكن معنى كده ان اى إضافه للزيوت متتحطش الا لذات النوعيه من الزيت المطابق للاضافه ؟؟ وهل الشركه المنتجه للاضافات دى ومثلا زى سوناكس وهى لاتنتج الزيوت ولكنها تنتج الاضافات لكافه سوائل السيارات من بنزين وزيوت وماء رادياتير وماء مساحات وخلافه وهى شركه المانيه سمعتها ممتازه ... هل معنى كده ان إضافات الزيوت بتاعتها حامله الماركه بتاعتها سوناكس متنفعش لان الشركه لاتنتجد زيوت باسمها ؟؟؟؟ مش عارف محتاج توضيح اكتر ... تحياتى .

**Mecha** · 29-01-2015 03:11 PM

المشاركة الأصلية كتبت بواسطة mido_soliman

من فتره كنت متابع للاضافات والمحسنات اللى بتتحط على زيت الموتور ومعرفش مدى كفاءتها او لاء وهل هى حقيقه ولا وهم باختلاف الاراء ولكن انا بطبيعه الحال بحب اجرب اى حاجة اقتنع بيها وشايف انها لو محققتش افادة مش حتضر والله اعلم
المهم قريت عن اضافات شركه XADO ومنها الماكسيموم كونديشنر اللى بيحسن من اداء الموتور وبيعالج التشوهات اللى بتحصل على سطح غرف احتراقه نتيجه الاحتكاك بتقنيه النانو

وبما ان عربيتى كورولا 2008 MMT ومعروف الفتيس دة ان نسب نقله صغيره و الار بى ام دايما بيبقى عالى ودة طبعا بياثرش على العمر الافتراضى للمكنه خصوصا لو قارنتها بمكنه بفتيس نسب نقله عريضه او واسعه بيريح المكنه اكتر ........
المهم انا فكرت انى اجرب المنتج دة ف تغييرة الزيت الجايه ان شاء الله وكنت عايز اعرف رأيكوا اية وخصوصا استاذنا borio واستاذنا mecha

انا التغييره الجايه ناوى اجرب شل الجديد وانا حاليا على بيزول جرين اويل وهوه ممتاز بصراحه لحد دلوقتى بس حاسس ان شل حيكون افضل لانى كنت مرتاح عليه جدا ف الجين 2 وكنت مفضله عن كاسترول ايدج كمان
تنصجونى اجرب الاضافه على زيت غير زادو ولا لازم زادو ؟ لانى مش حابب اجرب زادو دلوقتى بصراحه متحمش لشل اكتر .
ورأيكوا بصفه خاصه عن الاضافه دى تحديدا هل وهم ولا ممكن يبقى ليها نتيجه ايجابيه فعلا
شكرا ليكوا جدا
ملحوظه هامه : العربيه عامله 110 الف ومفيهاش مشاكل ف المكنه ولله الحمد بس كل ما هنالك انى بعد طول المشاوير والحرق بحس صوت المكنه بينعر شوية وفى الصباح اثناء التدوير بسمع صوت خشونه لمده ثانيتين تلاته ويختفى ولو بطلت ودورت تانى بعد التسخين دقيقة مبسمعش الصوت دة خالص فبيتهيالى دى مشكله تزييت ولا اية . المهم انى فكرت ف الاضافه كنوع من انواع الحمايه ف الاول وتحسين الاداء ان امكن .

شوف اللي حضرتك بتسال عليه وموضوع revitalisation تجديد الاجزاء المتاكلة بردك نفس المنتج XADO حير الناس من 2012 ومفيش تاكيد ايجابي ليه عدا الصانع وادي لينك للموضوع

XADO 1 Stage Maximum Atomic Metal Conditioner - Real thing or snake oil? - Drive Accord Honda Forums

**عبدالله برعى** · 31-01-2015 11:53 AM

جربت الإضافات في السيراتو حوالي 15 الف كم

وهي: لمنع الاحتكاك.. مانع ترشيح.. مرمم للنوتوربتكنولوجيا النانو.. تسليس المحرك.. 4 انواع من تجربة صدام المواطن.. والموتور كبسة ارتفع وكفائتة ارتفعت بشكل ملحوظ.. السيارة 80 الف كم. والتكلفة بالزيت حوالي 800 جنية
وهذا لنقل التجربة والمشاركة

**akmm** · 02-02-2015 03:16 PM

مازلت متابع .............. لجدوى تلك الاضافات للزيوت ام لعدم جدواها .....................

الموضوع: انا جبت الاضافه دى ومحتاج مساعدة

LinkBack

أدوات الموضوع

عرض

انا جبت الاضافه دى ومحتاج مساعدة - انشر الموضوع فى :

-

-

-

-

-

-

-

المواضيع المتشابهه

عطل فى السيارة ومحتاج مساعدة

أنا غلب حمارى ومحتاج مساعدة

فى مشكلة ومحتاج مساعدة

عايز أشترى مازدا 3 ومحتاج شوية معلومات عنها ومحتاج مساعدة الوحوش

حرش حزام ومحتاج مساعدة

الكلمات الدلالية لهذا الموضوع

المفضلات

المفضلات

ضوابط المشاركة