النهاردة دفعت مقدمة الـ Frv بس قلقان منها بسبب بعض الناس اللى بيشككوا فى الصينى!!

**MoDyBeNz2008** · 03-11-2008 07:59 PM

مش عارف الكلام اللى فوق موجه الى مين :)

فـ انا لم اقل انى جربتها ولا بعمل دعاية لـ شئ!! هذا ان كان الاخ صاحب الجن تو يقصدنى اصلا :)

تقصد انهي كلام

**Rafraf** · 03-11-2008 08:12 PM

اقصد كلام الاخ mohamed_alshafie

**M.Alshafie** · 04-11-2008 07:52 PM

انت زعلت و لا ايه يا باشا انا مش قصدى انا بس فعلا كنت عاوز اعرف الثقه اللى عندك دى منين عشان تطمنى

**Rafraf** · 04-11-2008 10:17 PM

لا يا حبى ولا زعلت ولا شئ

بس انا اصلا كاتب انى عايز اعرف لو حد جربها ولا لأ عشان اشتريها :)

بالتالى اكيد انا ماعرفش عنها شئ

المهم ايه رأيك فى الجن تو! مش عارف ليه ناس كتير بتخوفنى منها؟

**M.Alshafie** · 05-11-2008 06:38 PM

انا على فكره كان كلامى موجه ل zimofox و مستنى منه رد بجد هو جرب العربيه ازاى و فين و الثقه اللى بيتكلم بيها دى منين عشان يطمنا
اما بالنسبه لجين 2 حلوه بس ناس كتير بيقواوا فيها حاجات مش كويسه و الله اعلم
و فى انتظار رد zimofox

**ahmad--ezzat** · 06-11-2008 07:18 AM

يا جماعة طيب محدش سئل نفسو عربية بالشكل دة وبالشياكة دى وبالفخامة دى سعرها منخفض اوى كدة لية مهى دى حاجة تشكك لواحد (شبيهة با byd)

**M.Nabil** · 06-11-2008 01:50 PM

المشاركة الأصلية كتبت بواسطة ahmed21015

يا جماعة طيب محدش سئل نفسو عربية بالشكل دة وبالشياكة دى وبالفخامة دى سعرها منخفض اوى كدة لية مهى دى حاجة تشكك لواحد (شبيهة با byd)

اكيد علشان عربيةاولا صيني ثانيا لسه نازلة لسه مخدتش سوقها , ومع ذلك المبيعات بتاعتها عالية جدا, وبمجرد ان العربية دي تثبت نفسها هتنيم سوق عربيات تانية كتير جدا وممكن توكيلات يتخرب بيتها بسبب الهبوط في الاسعار.

**ahmad--ezzat** · 06-11-2008 02:03 PM

طيب ما الاسبرانزا خدت سوقها الله ينور وشغالة وبقت زى الفيرنا فى الشوارع ولسا سعرها واطى ومش غالية انا اظن يا جماعة عشان ال marerial التصنيع رخيصة ومش بتستحمل
يا جماعة عربية زى البرليانس دى مش اقل من 140 اللف

**ahmedsiyam** · 06-11-2008 03:26 PM

السلام عليكم

الاخ الفاضل صاحب الموضوع

انا اتفرجت على العربية بنفسى و عجبتنى جدا بكمالياتها و تقفيلها المحترم و صالونها الجميل و لا تعليق عن موضوع الصناعة الصينى لان البلد ده متقدم جدا بس المستوردين المصريين هم اللى بيجيبوا اسؤ شغل من هناك
العربية لا ينقصها شيئ سوى التجربة فقط و لو اتيحت لك الفرصة انك تجرب العربية قبل ماتشتريها هاتبقى حاجة كويسة جدا
بالنسبة لسمعة السيارة نفسها و التوكيل اعتقد من كلام الناس انه لا غبار عليها و انا باتكلم عن ناس ركبت العربية واحد صديقى قابلته فى التوكيل و كان والد بيعمل صيانة عادية لعربيته الجالينا و شكر فى العربية جدا
اضف لذلك اسم البافارية برضه لا يستهان بيه
عموما الف مبروك مقدما يا سيدى و مستنين تقييمك للسيارة و ان شاء الله تطلع حلوة و تعجبك بامر الله