الموضوع: رعشة رهيبة فى الكيا سبكترا

شوف سرة العجل

شوف يا باشا.. المشكلة دي كانت عندي وكنت حبيع العربية بسببها.. والحمد لله لسة حاللها من كام يوم.


الحل إن شاء الله مش حيطلع خارج الإحتمالات التالية.

تعمل الآتي وتبدأ بالأسهل كالتالي:

1) ممكن الماستر بيمسك مع الفرامل لكن لما تشيل رجلك لا يعود بنفس الدرجة وبالتالي بياكل الطنابير.
- الحل: مراجعة كل من مساتر العجل الأربعة، خراطيم الفرامل، والراجع بتاع الماستر، وكاوتش المساتر وتجيبله طقم إصلاح لو متهالك.

2) ممكن سرة العجلة تكون ملووحة.
- الحل: فتكشف عليها عند خراط يبص عليها وهي دايره وتشوف فيها ريجة ولا لا.

3) ممكن بلية من بلي العجل تكون ثقيلة (مش قافشة ولكن ثقيلة)
- الحل: تفك السرة وتلفها بإيدك وهي مفكوكة وتشوف ثلثة في اللف ولا بتثقل في جزء من اللفة. وطبعا لو فيها مشكلة تتغير.

4) ممكن يكون في إعوجاج في الكبالن.
- الحل: هل الرعشة دي بتستمر معاك في حالة إنك ممور العربية (يعني لو مش مديها غيار والفيتيس علي المور) لأن لو الرعشة بتختفي مع الفيتيس في وضع المور يبقى كبالن.
وعموما ممكن تفك الكبالن وتكشف عليها تشوف فيها بوش ولا سليمة.

** ملحوظة** آخر حاجة تعملها موضوع الكبالن لأنه آخر إحتكمال وبعيد جدا.
وإبقى طمنا