الموضوع: الأهلي يفوز علي القطن الكاميروني بهدفين دون مقابل

اتنططوا براحتكم عندكم حق
معلش سيبتكم على راحكتم في الموضوع ده لأني كنت مشغول شوية في الانتخابات الامريكية مع أوباما ( شفتوا الكذب ) و ربنا مضيعش تعبي .
المهم الصبح كلمني و بيشكرني جدا لمسنتدته و ده نص الحوار اللي دار بيننا :-
أوباما : صبح صبح يا بو الولد ( اللي هوه أنا ) .
أنا : صباحو عسل ان شاء الله يا أبو ( الأباويم ) .
أوباما : أنا نفسي أشكرك على اللي عملته معايا و مساندتك ليه طول الفترة دي .
أنا : عيب عليك يا وله دا احنا أخوات يا جدع . و أي خدمة احنا حاضرين بس ( أشر )انته . و ان شاء الله أقابلك في ( أربعين ) الحاجة ستك .
أوباما : تشكر يا أبو الواجب . و رحمة ستي في نومتها ما أنا عارف أرد لك الواجب دا ازاي .
أنا : انته بتقول ايه يا عم دا انته ابت حتتي ( باعتباره أفريقي )
أوباما : طيب مفيش حتة كده انته عايزها أقدر أخدمك فيها .
أنا : أهم حاجة عندي يا معلم اسمك الأولاني ده ( باراك ) حاول تغيره أصل بيجيب لي أرتيكاريا و أنا زهقان منه ( اسم باراك معناه مبارك ) .
أوباما : هههههههههه ياعم دا كل المصريين كفروا م الاسم ده بس و لا يهمك أقعد كده و أترستق على الكرسي و أنا أغيرك اسمي و أغير لك اللي مزهقك ده احنا عندنا كم وليد.
أنا : قشطه عليك يا معلم هاعتبره وعد .
أوباما : انته جيت في جمل يا حج . علم و سينفذ يا أفندم . مفيش حاجة تانية .
أنا : كمان فيه واحد أهلاوي اسمه كيمو و معاه كمان واحدة أهلاوية اسمها بوسي هروني تريقه بس هوه أكتر شوية يا ريت تتعامل معاهم .
أوباما : يا سلام نحطهم لك على قائمة أعداء أمريكا في أسرع وقت و لا يهمك .
أنا : بس بوسي طيبة بالراحة عليها أما كيمو بالنسبة لي زي سمسم ( أسامة بن لادن ) بالنسبة لك كده و كمان بيقول هيبيع عربيته و محدش هيقدر يجيبه.
أوباما : عيب عليك يا جدع أجيبه لك و لو كان في بطن الحوت .
أنا : تسلم يا كبير . أما بالنسبة للشرء ( الشرق يعني ) الأوسط هتعمل ايه .
أوباما : واحدة واحدة بس خلينا نخلص من كيمو و بوسي و بعدين نتكلم :
أنا : ماشي يا مان و خد بالك م الأهلاوية شوية .
أوباما : يا عم لو تؤمر نقفل لك النادي بالضبة و المفتاح .
أنا : لا يا عم دول أهلنا برضه و أخلاق الزمالكاوية متسمحش بكده .
أوباما : خلاص سيب لي كيمو و بوسي و أنا هاتصرف معاهم .
أنا : بس مش هاوصيك على كيمو .
أوباما : كلها أيام و تلاقيه مشرف في جوانتانامو و أحلق له زلبطة .
أنا : طيب و مجلس إدارة الزمالك تعرف تحل مشاكله .
أوياما : لا يا عم أحل لك الشرء ( الشرق ) الأوسط أسهل . بس نحاول يا معلم . طلباتك أوامر .
أنا : طيب أسيبك ترتاح شوية بقى .
أوباما : ماشي يا مان هاتصل بيك تاني و تكون ارتحت لك شوية بعد السهرة الجامدة دي .

المشاركة الأصلية كتبت بواسطة kodak_gti

ههههههههههه جامد انت يا مان وربنا

هو مقلكش انى كنت قاعد جمبه وانت بتكلمه ؟؟؟:k48:

قال طبعا يا سمسم بس بص أنا مرضيتش أجيب سيرتك أنك كنت مشترك مع كيمو و بتقول له اتنطط براحتك .