الموضوع: الأهلي يفوز علي القطن الكاميروني بهدفين دون مقابل

المشاركة الأصلية كتبت بواسطة kimo-nubira

يعلن اوبما من موقعه الجديد بالنادي الاهلى عن سعادته البالغه بمنصبه

الجديد واعلن سعادته بلم الكور خلف مرمي امير عبد الحميد كما اعلن ايضا عن

تكذيب ما يقوله بعض الاخوه المتطرفين من الزملكاويه عن علاقتهم به وعلم ايضا

مندوبنا بالنادي الاهلى عن ان جون هذا يعد من افضل الشخصيات الكرتونيه الى قلبه

كما اعلن الحرب على القطن الكميروني وقال انه سيحوله من طويل التيله الى قصير التيله

هذا وبالله التوفيق

كان معكم كيمو نوبيرا من قلب الاحداث بالنادي الاهلى المصري

طيب شوف الاتصال ده :-
جون : ازيك يا باشا .
أنا : الحمد لله . مين معايا .
جون : خدامك جون يا باشا .
أنا : أهلا بالغالي . ازيك يا وله ؟ و ازي الكتاكيت حبايبي ؟ سلمت لي عليهم و لا لأ يا وحش ؟
جون : و دي تفوتني برضه يا مدير دا انا سلمت لك عليهم واحد واحد و دايما بيسألوني عليك .
أنا : و أم العيال عاملة إيه ؟
جون : و النعمة بتسالني عنك كتير و بتقولي لازم يجي يتغدا عندا يوم .
أنا : ان شاء الله . بس انته ساكن في أمريكا البلد و لا أمريكا المحطة .
جون : لأ يا باشا . أنا بالظبط ساكن بعد البرج اللي وقع بتلات محطات . تيجي بس عند كشك النور اللي جنب البرج و تسأل أي حد عن محطة الميه . أنا بالعمارة اللي في ضهر المحطة بالظبط .
أنا : ان شاء الله يا جون . و انته طمني عن أخبارك ؟
جون : و الله رضا من عند ربنا . آهيه ماشية . الدنيا بتشيلنا و تحطنا آدينا عايشيين .
أنا : لا حول و لا قوة الا بالله . مالك يا جون يا حبيبي ؟ شكلك متضايق يا وله ؟ هتخبي عن أبو خالد و لا إيه ؟ لألألألأ كده ازعل منك . قول لي . محتاج حاجة .
جون : أنا يعني ليا مين غيرك . و رحمة خالي بول لو محتاج حاجة لأكلمك على طول .
أنا : ماشي يا جون . براحتك . انته عارف الموبايل . بس اديني مزد كول و انا أتصل عليك متكلفش نفسك .
جون : ما هو دا عشمنا فيك يا باشا .
أنا : خير قول لي اتصلت عليا .
جون : بس حبيت أقولك ان الواد كيمو بيطلع إشاعات و مش ناوي يجيبها لبر .
أنا : يا رااااااااااجل إشاعات ايه ؟
جون : عمال يهرتل و يقول ان الكبير اتعين عامل في نادي الأهلي و بيلم كور من ورا أمير و حاجات زي كده و بيقول انهم عملوا له يومية محترمة في النادي و قال عني أنني شخصية كرتونية و ان الكلام ده كله على لسان الكبير و عامل لي فيها مراسل النادي زي خميس أبو العافية بتاع MBC و بيقول حاجات كتير ميصحش أقولها .
أنا : لا عادي يا جون قول لي قال ايه ؟
جون : بيقول كمان ان الكبير قال تصريحات عن ان بعض المتطرفين بيطيروا أخبار مش مظبوطة و هوه يقصدك بالكلام ده . و الخيبة الكبيرة بيقول ان الكبير أعلن الحرب على القطن و هيحوله من طويل التيلة لقصير التيلة .
أنا : و بعدين ؟
جون : بس يا باشا .
أنا : يعني ده اللي مزعلك و مخليك شايل هم الدنيا على راسك . بجد براوة عليك ياد يا جون يخرب بيتك عرفت الحاجات دي ازاي دي لسه وصلاني من ربع ساعة .
جون : يا باشا احنا المخابرات اللي بنعرف كل حاجة .
أنا : يعني هتعمل معاه ايه الوقتي .
جون : خلاص اعتبر الله يرحمه .
أنا : لأ يا عم مش كده .
جون : ازاي يغلط فيا و يقول عني شخصية كرتونية . أنا بعد الخدمة دي كلها يطلع واحد أهلاوي و يقول عني كده . و رحمة خالي بول ما انا عاتقه .
أنا : خلاص يا جون بس هدي نفسك علشان انت عندك الضغط و اعمل معاه الواجب خلاص بقى مش كده .
جون : ماشي يا ريس بس لي عندك رجاء أخير .
أنا : اتفضل يا حبيبي .
جون : سيبني مني ليه . مشكلته الوقتي بقت معايا أنا .
أنا : ماشي يا جون براحتك أنا هاطلع منها خالص .
جون : تسلم يا ريس .
أنا : تؤمرني بحاجة تانية . قول يا وله متتكسفش .
جون : و الله لو عزت حاجة هاكلمك على طول .
أنا : ماشي يا جبيبي رقمي عندك . متنساش تسلم لي ع الكبير .
جون : حاضر أول ما يصحى هابغله سلامك .
أنا : يلا سلاااااااااام .
جون : سلام يا ريس .
تيت تيت تيت تيت ( أصله قفل الخط قبلي ) .