الموضوع: للبدل اجهزة توشيبا (تلفزيون - ثلاجة - واجهزة اخرى بعلبة لبن بخيره خالى الدسم

المشاركة الأصلية كتبت بواسطة mmtronic

مبروك و عقبالى انا كمان لما اشوفه - بقالى شهر مستنيه :)))

الى عرفته إن اكتر حاجة ممكن تعمل قلق شديد لشركة العربى هى ارسال اميل شكوى إلى توشيبا اليابان
ده بيمثل ليهم خط أحمر
للأسف أنا عرفت الحكاية ديه بعد القصة ما خلصت والا كنت بعت شكوى شرحت فيها الوضع
حضرتك خش على الموقع بتاع توشيبا وابعت ميل بالشكوى بتعاتك وإن شاء الله - على حسب ما فهمت مؤخرا - هتلاقى نتيجة سريعة جدا

المشاركة الأصلية كتبت بواسطة mesaharaty

طبعا شىء محزن إنك تفضل مستنى الفنى يتكرم ويتعطف وييجى يشوف الجهاز العطلان وبدون إعتذار أو حتى تحديد ميعاد جديد .
للأسف (تقبل عذرى) هناك بعض الحالات يجب أن تخرج فيها عن عباءة الأدب .
فإذا كنت لا تجيد مثل هذه الأمور فيجب أن تتعلمها لمقابلة مثل هذه المواقف المستفزة .
يعنى ده حقك وبتطلب فنى وجاهز لسداد الرسوم والمصنعية وكمان فى الأخر ماحدش يرد علينا رد كويس أو مفيد .
حكاية حضرتك دى خلتنى أشعر بغليان وضيق شديد والله .

شكرا لحضرتك على الاهتمام جزاك الله خير على تعاطفك

المشاركة الأصلية كتبت بواسطة wmz

الى عرفته إن اكتر حاجة ممكن تعمل قلق شديد لشركة العربى هى ارسال اميل شكوى إلى توشيبا اليابان
ده بيمثل ليهم خط أحمر

للأسف - للأسف مش حينفع لانى شارى الماركة الهلاميه ( تور نادو ) الى بيبيعها للناس على حس سمعه تو شيبا القديمة

اما نشوف جهاز حمايه المستهلك حيعمل ايه

المشاركة الأصلية كتبت بواسطة mmtronic

للأسف - للأسف مش حينفع لانى شارى الماركة الهلاميه ( تور نادو ) الى بيبيعها للناس على حس سمعه تو شيبا القديمة

اما نشوف جهاز حمايه المستهلك حيعمل ايه

طمنا ايه الى حصل ؟

المشاركة الأصلية كتبت بواسطة wmz

طمنا ايه الى حصل ؟

جهاز حمايه المستهلك عمل شغل و الله

بعد يومين من تقديم الشكوى لقيتهم ( العربى ) بيتصلو بيا يقولولى نجيلك دلوقتى نصلح الفرن .... ممكن ؟ طبعا قلتلهم يا اهلا و سهلا لقيتهم عندى بعد ربع ساعه :)))))

تحيه و الله لحمايه المستهلك

بعد ما دردشت مع الفنى قالى ان سبب المشكله ان العربى كان عامل عقد صيانه مع صيانكو لخدمه العملاء لاكن صيانكو قلت معاهم و هجست و بقو يشتغلو بمزاجهم فلغو التعاقد

المشاركة الأصلية كتبت بواسطة mmtronic

جهاز حمايه المستهلك عمل شغل و الله

بعد يومين من تقديم الشكوى لقيتهم ( العربى ) بيتصلو بيا يقولولى نجيلك دلوقتى نصلح الفرن .... ممكن ؟ طبعا قلتلهم يا اهلا و سهلا لقيتهم عندى بعد ربع ساعه :)))))

تحيه و الله لحمايه المستهلك

بعد ما دردشت مع الفنى قالى ان سبب المشكله ان العربى كان عامل عقد صيانه مع صيانكو لخدمه العملاء لاكن صيانكو قلت معاهم و هجست و بقو يشتغلو بمزاجهم فلغو التعاقد

اتفق مع حضرتك جهاز حماية المستهلك يمكن من الحاجات القليلة اللى بتقول لسه ممكن يكون في امل. تجربتى كانت في نيسان تيدا وبعد مكان مهندس الصيانة بطل يرد على نمرتى . هم اللي كلموني على طول و المشكلة اتحلت بسهولة .

انا كنت من اكبر مشجعين شركة العربي اتمنى ان تكون هذه مجرد هفوة . مش بس علشان عندي اجهزة من عندهم ولكن علشان مزعلش اكتر علي البلد

المشاركة الأصلية كتبت بواسطة fatalerror9

اتفق مع حضرتك جهاز حماية المستهلك يمكن من الحاجات القليلة اللى بتقول لسه ممكن يكون في امل. تجربتى كانت في نيسان تيدا وبعد مكان مهندس الصيانة بطل يرد على نمرتى . هم اللي كلموني على طول و المشكلة اتحلت بسهولة .

انا كنت من اكبر مشجعين شركة العربي اتمنى ان تكون هذه مجرد هفوة . مش بس علشان عندي اجهزة من عندهم ولكن علشان مزعلش اكتر علي البلد

هيه حاجه إيجابيه فعلا وسط كم من السلبيات و المصائب

انا جربت حمايه المستهلك مرتين لحد دلوقتى

مره فى كارت البنزين و مره مع العربى و فى المرتين جابلى حقى معزز مكرم

يا رب يا رب يفضل عدل أحسن انحنا معندهاش حاجه بتقعد عدله - أقصى حاجه تقعد عندنا كويسه سنتين و بعدين باى باى

الى عرفته و محزنى اكتر ان ماركه تورنادو الى هيه تمثل فخر الصناعه المصريه بيعاملوها كابن غير شرعى درجه خامسه

سالت الفنى هوه انا لو تلفزيون تورنادو من الى انا جايبه باظ حتدوخونى علشان تيجو زى ما عملتو

كان الرد ظريف قوى - ركز فى الرد

" لا انت محدش حيجىلك فى تورنادو - انت تاخده توديه العباسية فى مركز الصيانة " - نوكته مش كده

فكان تأكيد لقرارى - مفيش تورنادو تانى و يا حسرتاه على الشركه الى كانت فى يوم من الأيام محترمه