ارجوكم ، طالب مساعدتكم فى شراء داتشيا 98

**Tito79** · 24-12-2014 07:50 PM

قدامى داتشيا 98 عربيه الماظه بس خايف من صيانتها، هل صيانتها صعبه ولا سهله وقطع غيارها اخبارها ايه واشكركم جميعا

**mohsen128** · 01-01-2015 10:14 AM

اولاً بعتذر على التاخير في الرد ، العربية صيانتها مش صعبة بسيطه جداً بالنسبه لقطع الغيار موجوده كلها ( لحد دلوقتي موقفتش على حاجه مش موجوده وكله بيتوفق مع رينو 9 ) بس عند ناس معينين وديه المشكله مش منتشره ذي 128 مثلا بس متوفره هتتعب شويه لحد ما تعرف الناس فين وبعد كده خلاص بس نصيحه لازم العربيه تكون حاله محترمه عشان متتعبكش معاها .

**Tito79** · 03-01-2015 11:32 PM

انا شاكر لحضرتك جداً, العربيه محترمه الحمد لله هى رشه كابوت فقط و عداد عامل 60000 كيلو بس انا لغاية دلوقتى بشاور نفسى و ما خدتش قرار انى اشتريها لانى قاعد فى طنطا وقطع غيارها قليله جداً

**mohsen128** · 06-01-2015 11:25 AM

Tito79 لا شكر على واجب . . بالصدفه انا شوفت العربيه ديه لو لونها نبيتي يبقي هي لاني شوفةوحده نبيتي عند دكتور شريف البساطي الاسبوع الي فات وبطاسات المصنع كمان وماشيه بردو 60000

**ismailali** · 06-01-2015 11:53 PM

السلام عليكم ورحمه الله وبركاته
انا عضو جديد فى المنتدى واحب اوضح اماكن قطع الغيار للعربيه دى انا معايا نوفا 97 من 3 سنين تقريبا بس احسن حاجه عملتها انى مغيرتش فيها ولا عدلت فيها اى حاجه لدرجه الفتيس عندى اتكسر وجيبت فتيسها من الوكاله ب500 جنيه بالتركيب
ومرضتش اغير لفتيس الرينو 9 لان فتيس النوفا جبار و بيستحمل جداااا
قطع الغيار موجوده فى رينو بورسعيد عند سامح الضبع 01001027750 /26835596 اسعاره مقبوله
رينو جادالله فى حلوان 27641964 عند حاجتها برضه
فى الوكاله احمد اووفه استيراد 01223172963 اساله على اى حاجه انت عايزها
حسن عوض فى الوكاله ممعيش نمرته للاسف بس هوة مشهور فى الوكاله

**Tito79** · 08-01-2015 02:29 AM

المشاركة الأصلية كتبت بواسطة mohsen128

tito79 لا شكر على واجب . . بالصدفه انا شوفت العربيه ديه لو لونها نبيتي يبقي هي لاني شوفةوحده نبيتي عند دكتور شريف البساطي الاسبوع الي فات وبطاسات المصنع كمان وماشيه بردو 60000

متشكر جدا استاذ محسن مره تانيه, فيه عربيه زى اللى حضرتك اتكلمت عليها بس عندنا فى طنطا

**Tito79** · 08-01-2015 02:31 AM

المشاركة الأصلية كتبت بواسطة ismailali

السلام عليكم ورحمه الله وبركاته
انا عضو جديد فى المنتدى واحب اوضح اماكن قطع الغيار للعربيه دى انا معايا نوفا 97 من 3 سنين تقريبا بس احسن حاجه عملتها انى مغيرتش فيها ولا عدلت فيها اى حاجه لدرجه الفتيس عندى اتكسر وجيبت فتيسها من الوكاله ب500 جنيه بالتركيب
ومرضتش اغير لفتيس الرينو 9 لان فتيس النوفا جبار و بيستحمل جداااا
قطع الغيار موجوده فى رينو بورسعيد عند سامح الضبع 01001027750 /26835596 اسعاره مقبوله
رينو جادالله فى حلوان 27641964 عند حاجتها برضه
فى الوكاله احمد اووفه استيراد 01223172963 اساله على اى حاجه انت عايزها
حسن عوض فى الوكاله ممعيش نمرته للاسف بس هوة مشهور فى الوكاله

شكرا استاذ اسماعيل, يعنى رايك اتوكل على الله واشتريها؟ هى لسه موجوده بس عايز اعرف سعرها كام هى حالتها حلوه و موديل 98 و رشه كبوت على حسب كلامه. تساوى كام العربيه دى؟

**ismailali** · 11-01-2015 12:16 AM

المشاركة الأصلية كتبت بواسطة tito79

شكرا استاذ اسماعيل, يعنى رايك اتوكل على الله واشتريها؟ هى لسه موجوده بس عايز اعرف سعرها كام هى حالتها حلوه و موديل 98 و رشه كبوت على حسب كلامه. تساوى كام العربيه دى؟

السعر على حسب الحاله والداتشويا القدام اعتقد يفيدوك اكتر منى هيه معروضه عليك بكام؟