تعديل على مروحة التبريد .... بجد عملى جداً وفارق

**hazemawad** · 25-03-2015 06:32 AM

كلكم يمكن احتكيتوا بموضوع التبريد وخصوصا لان الكل بيقول ان مؤشر الحراره مابيسبش الاحمر وبيصعب عليه فراقه ... ويمكن اتكلمت مع وزمايلنا كتير على الموضوع ده وقولنا ان المشكله فى ظبط الكاربيراتير والكهراباء ولكن لن استطيع نكران اهمية كل من طلمبة المياه و مروحة التبريد ...
بصراحة انا وقعت فى نفس المشكله دى من فتره واحتكيت بحاجتين اولهم الطلمبه اللى زعلتنى بصراحه لانها كانت بيصدر عنها ضوضاء جامده و بتنشع جامد و التانيه المروحتين اللى سقطوا واحده ورا التانيه ....
المهم مايلت على الخواجه مشيل بسأله على الطلمبه فورانى تلات انواع ايطالى واسبانى ويابانى والايطالى والاسبانى الاتنين زى بعض فى الخامه والفرق فى التشطيب والسعر ولكن افوقهم بصراحه اليابانى واغلاهم ولكن تستاهل الفارق من ناحية الخامه والتصميم لان الريش بتاعتها اساتنليس استيل وريش مروحه مش مخروطيه زى القديمه.
وبالنسبه للمروحه اتكعبلت فى مروحه ضخمه بجد وبالظبط على مقاس الريدياتير و بقميص صاج وسرعتين بس مشكلتها انها هاتلدع الترموستات فكان ولابد من تركيب 2كتاوت على المروحه بس فرقت جامد والله...

**pepo2011** · 25-03-2015 09:50 AM

مبروك ياباشا

**hazemawad** · 25-03-2015 04:25 PM

الله يبارك فيك ياباشا

**hazemawad** · 25-03-2015 04:32 PM

..... جارى استبدال ال2 كتاوت ب كتاوت نور تركى ب 36 جنيها لان المروحه امبيرها عالى على قدرة الكتاوت الصغيره

**كرم الحمصي** · 06-04-2015 12:33 AM

والله يا عم حازم انا كنت عملت حاجة قريبه من كدا السنة اللي فاتت في الصيف وكانت النتيجة ما شاء الله تمام.
- استغنيت عن المروحتين الصغيرين وجبت مروحة واحدة استيراد وبحجم أكبر شوية
- وغيرت الثرموستات بواحد تاني اقل تقريبا 60 - 85 أو حاجة قريبه من كدا

ومشكله الحرارة اختفت

بس انا مقابلني مشكلة اليومين دول كنت قربت اتعود عليها وخلاص
وهي الفتيس في قفش في الغيارات وتطور الان إن العربية خدت الغيار الاول ومش عاوزه تسيبه

الموضوع بقاله يومين واللاسف النهاردة الاحد والكل قافل.
يا ريت لو ممكن تليفونك للاستفادة من خبرتك

وشكرا