استفسار عن تغيير من موبيل xhp المعدني الى تخليقي - byd l3

**Moe Khodairy** · 25-12-2014 03:32 AM

السلام عليكم جميعا...

دي اول مشاركة ليا هنا في قسم الزيوت اللي اتعلمت منه كتير جدا في الفترة اللي فاتت بعد ما كنت ما اعرفش حاجة خالص عن الزيوت!

انا معايا BYD L3 2015 من شهر سبتمبر اللي فات و في صيانة الألف التوكيل نزل زيت الفابريقة و حط موبيل XHP المعدني و انا كسرت بيه ال 5000 كيلو و المفروض أغيره ، و انا قريت هنا في المنتدى عن الزيوت التخليقية و عن ضرورة استخدامها في المحركات الحديثة لانها افضل و ان خطأ اننا نهلكها بالزيوت المعدنية.

بعد استشارة الاخوة على جروب الفيس بوك نصحوني بشل الترا او كاسترول ايدج الاتنين لزوجتهم 5w-40 و اللي مكتوب عندي في الكتالوج 5w-30....

انا فعلا روحت اشتريت الكاسترول ايدج من بنزينة طاقة اللي في المريوطية، السؤال هنا .. هل الزيت ده فعلا مناسب للعربية؟ و هل استخدم Flush عند غيار الزيت ولا مش لازم؟ مع العلم ان العربية عاملة 5200 كيلو.

شكرا للجميع...

**Moe Khodairy** · 25-12-2014 03:36 PM

ممكن مساعدة ضروري علشان عايز اعمل الصيانة واغير الزيت في اقرب وقت

**Moe Khodairy** · 26-12-2014 10:52 PM

طب اي حاجة!

**مواطن مصرى** · 26-12-2014 11:05 PM

اسمح لى ارد عليك مع انى مش من ملاك العربيه ..

اى زيت فى الدنيا هايكون احسن من موبيل xhp او حتى موبيل 1 لانهم باتفاق اغلب الناس بقوا زيوت سيئه جداً جداً ..

المفروض اى عربيه زيرو تستخدم لها زيت تخليقى مش معدنى علشان تحافظ على الموتور الجديد .. الزيوت المعدنيه مناسبه اكثر للعربيات و المواتير القديمه اللى اتهلكت خلاص لانه بيكون ثقيل من ناحيه اللزوجه

و ياريت فى المرات القادمه تلتزم بتغيير الزيت بزيت تخليقى مره كل 10 الاف كيلو .. اى زيت تخليقى 5-40 او 5-30 هايكون مناسب لعربيتك و زيت كاسترول ممتاز على فكره ..

ممكن تتفاهم مع التوكيل و تقولهم انا هاجيب جركن الزيت معايا و انتو تغيروه و تاخدوا مصنعيه الصيانه عادى و مش هايمانعوا ..

طبعاً ياريت ماتستخدمش اى فلاش زيت او اى اضافه زيوت فى عربيه جديده لسه مكملتش حاجه ..

**borio1704** · 26-12-2014 11:30 PM

الزيوت المعدنية مش سيئة للدرجة اللي تخلينا نتصور إن الموتور هيتهلك لو حطيناها..

ميزة الزيوت النخليقية عموما إنها ما بتتحللش بسهولة وبالتالي عمرها أطول.. والميزة الأهم هي إنها بتوصل للأجزاء الداخلية في الموتور بسرعة وقت بداية التشغيل عالبارد.

ولو حضرتك من النوع اللي بيستخدم عرببته في مشاوير طويلة أو عربيته شغالة وقت طويل من اليوم.. فموضوع تخليقي ومعدني ده تأثيره على الموتور بيبقى أقل.

عموما.. ياريت تلتزم بالكتالوج وما تحطش أي زيت مخالف للمواصفات اللي فيه..

لو الكتالوج قاللك 5W-30 ما تحطش 5w-40

إنما لو الكتالوج ادالك كذا اختيار.. هنا ممكن نتكلم.

على فكرة .. مفيش زيت وحش وزيت حلو.. فيه زيت مناسب وزيت غير مناسب.

**تامر راغب** · 27-12-2014 01:56 AM

أعتقد كمان زيت وولفر هيكون كويس معاك قوى
وكله هنا بيشكر فيه وأنا اشتريته بالفعل من منفذهم
فى اسكندرية لكن هغيره بعد بكره ان شاء الله
وبالتوفيق

**Eng.Omar_karem** · 27-12-2014 01:59 AM

الفلاش ملوش لازمة وبلاش منه خالص عربيتك ماشاءالله لسه جديدة ..اتكل على الله وحط الزيت علطول من غير حاجة 5w40 او 5w30 زى الكتالوج ما بيقول و زيت كاسترول ايدج محترم جدا وانا لسه حطه في عربيتي :)

**Moe Khodairy** · 27-12-2014 02:07 AM

دي صورة المانيوال

**borio1704** · 27-12-2014 08:58 AM

المشاركة الأصلية كتبت بواسطة moe khodairy

دي صورة المانيوال

حسب الكتالوج... لزوجة 5w-30 ما تنفعش .. ﻷنها مخصصة للجو شديد البرودة.. وبحد أقصى 10 مئوية.

لزوجة 10w-30 هي الأنسب.. وإن شاء الله تلاقي منها زيت تخليقي أو نصف تخليقي.

طبعا.. كود الapi المطلوب في الكتالوج (sg) يعتبر منخفض مقارنة بالزيوت الموجودة في السوق.. وبالتالي تقدر تستخدم أي زيت تخليقي أو نصف تخليقي بدون قلق.

تقدر بردو تستخدم لزوجة 15w-40 أو 20w-50.. ودي موجودة بسهولة في الزيوت المعدنية.

بالنسبة للفلش.. أكيد حضرتك مش محتاجه.. ويفضل عدم استخدامه إلا بعد مدة طويلة لإزالة الترسبات الداخلية .. واللي عادة بتظهر بعد سنين من الاستخدام .

الموضوع: استفسار عن تغيير من موبيل xhp المعدني الى تخليقي - byd l3

LinkBack

أدوات الموضوع

عرض

-

-

-

-

-

المواضيع المتشابهه

استفسار بخصوص التغيير من معدني الى تخليقي !!

ينفع تغيير الزيت المعدني مستخدم لسياره من الزيرو ل نصف تخليقي او تخليقي

تغيير الزيت من تخليقي إلى معدني

★★★★.. فالفولين المعدني هل يصبح بلالين واخص بالذكر المعدني فقـــــــط ........

تغيير الزيت من معدني الى تخليقي ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة