الموضوع: اوبترا في السعودية

ا

اخواني الكرام
السلام عليكم ورحمة الله وبركاته
انا مقيم في السعوديه و معايا اوبترا 2007 أوتوماتيك
من العربيه كانت زي الفل و فراملها على الشعره زي ما بيقولوا
و شويه بشويه الفرامل بدأت تضعف لغاية ما وصلت مؤخراً
انك لازم تضغط اوي على دواسة الفرامل عشان تهدي العربيه
ولو راكب معاك حد و الفرامل بتخف اكتر
الملحوظ اوي كمان ان العجل ماعدش بيكلبش في الارض
يعني بتبقى ماشي مثلاً على سرعة 60 و تدوس فرامل للآخر
مبتسمعش صوت صريخ الكاوتش على الاسفلت
و أحياناً العجله الشمال الخلفيه هي الوحيده اللي بتقفش و بالتالي
ضهر العربيه بيلف
اقولوكوا بقى اللي اتعمل
تيل جديد
الطنابير كويسه
الزيت اتغير
و أخيراً واحد قاللي السيرفو محتاج يتغير
المشكله هنا ان مفيش صنايعيه يعني محدش فاهم اي حاجه كله بيفتي
طبعاً انا سألت على السيرفو هنا لقيت بيتباع طقم الفرامل كامل على بعضه
بحوالي 800 ريال يعني 1600 جنيه و مش بيتباع مفرد
المهم انا عايز رأيكوا لو العيب من السيرفو فعلاً ممكن اجيبه من مصر
و هل يركب عندي ولا قطع الغيار ممكن يبقى فيها اختلاف
عموماً مستني رأيكوا و اسف على الاطاله