حد يعرف ايه الاعراض دى

**elpasha1** · 26-12-2014 05:21 PM

روح لدكتور انف واذن خلية يغسل لك ودانك

**ahmad--ezzat** · 26-12-2014 06:59 PM

المشاركة الأصلية كتبت بواسطة dr_smart

قيس الضغط كل يوم زي ماقلتلك لمدة اسبوع وسجل القرايات

وماتاخدش دوا من الصيدلي .. مسموحلك بس ب أمبول لازكس عضل لو ضغطك فوق ١٥٠

لو كان عالي في معظم الأيام هتحتاج تاخد دوا ضغط بواسطة دكتور باطنه او قلب .. ويفضل تعمل وظائف كلى وموجات صوتية عالقلب

ان شاء الله يكون شيء عارض بس المهم تتابع

المشاركة الأصلية كتبت بواسطة muhamednabil

الافضل تروح لدكتور يكتبلك التحاليل اللازمة عشان تعرف لو فى حاجة بتسبب الضغط العالى
بس ممكن القلق من الوضع ده يكون سبب فى علو الضغط
و عموما متخدش دواء ضغط بدون طبيب

الحجات البتوطى الضغط

- الكركديه
- لمون ف مياه بدرن سكر على الريق
- المشى السريع شوية
و حتلاقى حجات كتير طبيعية على الانترنت تنفعك عن ازاى توطى الضغط بالحجات الطبيعية

شكرا لردكم والحقيقه انتم اكتر من اخوات
انا روحت لدكتور وقالي اعمل تحليل وظائف كلي وكليسترول وبول ودهون ثلاثية...بس مقاليش موجات صوتية علي القلب....و قيست الضغط لايته 160/100 وطبعا يعتبر عالي...
هنتظر نتيجه التحاليل وان شاء الله خير

**ahmad--ezzat** · 26-12-2014 07:01 PM

المشاركة الأصلية كتبت بواسطة elpasha1

روح لدكتور انف واذن خلية يغسل لك ودانك

فكرتني باللمبي :d ...انا كنت هروح لانف واذن بس قلت اشوف الباطنة الاول

**MuhamedNabil** · 26-12-2014 10:50 PM

المشاركة الأصلية كتبت بواسطة ahmad--ezzat

شكرا لردكم والحقيقه انتم اكتر من اخوات
انا روحت لدكتور وقالي اعمل تحليل وظائف كلي وكليسترول وبول ودهون ثلاثية...بس مقاليش موجات صوتية علي القلب....و قيست الضغط لايته 160/100 وطبعا يعتبر عالي...
هنتظر نتيجه التحاليل وان شاء الله خير

التحليل دى اغلبها محتاجة صيام من 9-12 ساعة يعنى تعرف اخر حاجة اكلتها امتى قبل متنام و بعد عدد السعات دى تروح تعمل التحليل

انا كان جالى من شهر تقريبا ضغط عالى قعد معايا شوية و التحليل بينت ان الكوليسترول عالى جدا.

اسرع حاجة تنزلك الضغط المشى السريع عن تجربة لو مشترك فى نادى او فى مكان تقد تمشى فية امشى نصف ساعة كده حتظبط معاك جامد و متقلقش نفسك عشان القلق ده لوحده بيعلى الضغط. حول كده تسترخى و موضوع المشى ده حيسعدك جدا.

و اشرب من 4-5 كركديه فى اليوم و قلل الاملاح عشان تقلل الضغط, و الموز من الحجات البتدوب الاملاح الفى الجسم

طهور انشاء الله و تقوم بالسلامة

**د.هشام** · 26-12-2014 11:33 PM

ألف سلامة
محتاج متابعة مع الطبيب، وإنشاء الله الضغط العالي يطلع حاجة عارضة. خد بالك لو انت متوتر جامد أو مرهق الضغط حيطلع عالي
بعض النصائح العامة لمرضى الضغط العالي اللي ممكن تساعد مريض الضغط انه يستغنى أو حتى يقلل جرعة دواء الضغط (تحت إشراف الطبيب طبعا):
1- تقليل الملح في الأكل
2- الإقلاع عن التدخين
3- الرياضة أو المشى 30 دقيقة في اليوم
4- تقليل الوزن
5- الأكل الصحى اللي فيه خضراوات وفاكهة
6- معرفة الأدوية والمشروبات التي ترفع الضغط مثل الكورتيزون، المسكنات، أدوية البرد وإحتقان الأنف والعرقسوس

**ahmad--ezzat** · 27-12-2014 07:26 PM

تم عمل التحاليل والنتائج كالاتي...
الكليسترول 193
الدهون الثلاثية 55
الكرياتين...1 mg
blood urea ة28 mg
يورك اسيد...4.6 mg

تحليل البول طبيعي ...النتايج مرضيه الي حد ما...وللاسف الضغط عالي 160 /95 اخر قياس...خت دوا اسمه كابوتن معملش حاجه...وخت لازكس امبارح ومفيش نتيجة

حد عندة فكرة

**MuhamedNabil** · 28-12-2014 12:58 AM

الكوليسترول بيكون ليه تلات حجات

Serum cholesterol ؟
HDL ؟
LDL ؟
Trglycrides دى هى الدهون الثلاثية

و الاملاح اخيرها ايه ؟

لو انت متوتر بسبب الموضوع ده الضغط مش حينزل و لازم تجرب المشى دى اكتر حاجة بتجيب نتيجة
و التحليل لازم تراجعها مع الدكتور

**speed_magnum** · 28-12-2014 02:00 AM

الف سلامه عليك
وخد بالك في بعض ادوية البرد بيكون عليها مواد قابضة للاوعيه الدمويه زي مادة. pseudo ephedrine. ودي بتعلي الضغط طبعا لو بتاخد حاجه منها وقفها

**ahmad--ezzat** · 29-12-2014 10:52 PM

شكرا لردكم...
تم زياره طبيب باطنه امس وتم قياس الضغط وكان 130/80 وانا اتفاجئت بصراحة
بس قالي ان ضربات القلب سريعه عنديحوالي 104 ف الدقيقه...واداني دواء اسمة ابروفال 300 للضغط...واندرال 10 جم...وطلب مني تحليل غدة درقيه عشان قالي لو بتفرز كتير...يبقي الموضوع منها

عملت التحليل وجبت النتيجه انهرده وكان سليم...ورحت لدكتور تاني خالص باطنة...وتم قياس الضغط وقالي انه 130/80 ....وقالي اوعي تقيس ضغط ف صيدليات ولا باجهزة ديجيتال....لازم دكتور..وقالي كمان الغي دوا الضغط خالص وخليك علي اندرال عشان ضربات القلب عاليه شويه من التوتر والخوف و ضغط الحياه والشغل ...وقعد يقولي انت مفكش مرض ولا حاجه

انا مش عارف...ايه رايكم ف الكلام دة...انا بحس بدوخه في الراس بعد الاكل...حاسس ان جسمي ضعيف ومش شايلني....انا جسمي معقول ومناسب للطول...وهل في اقراص مقويه او مكمل غذائي ممكن امشي عليه?

الموضوع: حد يعرف ايه الاعراض دى

LinkBack

أدوات الموضوع

عرض

-

-

-

-

-

-

المواضيع المتشابهه

ظاهرة الصفع(التسقيف): الاعراض والأسباب

الاعراض دي طبيعية

حد عنده الاعراض دي في اللوجان بتاعته؟

لما طقم الشنبر بيفوت ... ايه الاعراض ؟

متى استع لعمرة الموتور الاعراض والعمر

الكلمات الدلالية لهذا الموضوع

المفضلات

المفضلات

ضوابط المشاركة