السلام عليكم
بناء على تجاربكم مين أفضل محل بيتزا في مصر
عرض للطباعة
السلام عليكم
بناء على تجاربكم مين أفضل محل بيتزا في مصر
انا عن نفسى بتعجبنى جدا بيتزا هت....ولكن
لو عايز تاكل بيتزا هت كويسه لازم تاخد بالك من مجموعة اشياء
1- متاكولش فى Food Court فى اى مول وخصوصا كمان لو كان زحمه
2- ابتعد عن الفروع الزحمه
3- ابتعد عن ايام الجمعه والاجازات الرسميه
4- الافضل تبعد عن الاوقات اللى فيها ضغط يعنى بلاش السعه 3 الى 5 كل يوم
وبالهنا والشفا
ممتازة النصائح دي
ياريت كل واحد بيرجح محل معين يقولنا برده نصايحه من واقع خبرته أو على الأقل سبب ترشيحه للمحل ده عن الباقيبن
أنا عن نفسي بفضل بيتزا كينج بعد تجربة بيتزا هت ودومينوز بيتزا وبابا جونز لكن برده ممكن يكون حكمي جائر لأني معتاد على الشراء من بيتزا كينج دائما ولم أشتري من بيتزا هت غير حوالي مرتين أو ثلاثة ومن دومينوز مرة واحدة ومن بابا جونز مرة واحدة أيضا لذلك لو كل واحد يقولنا أسرار الطلب من كل محل زي ما الأستاذ أحمد عمل ساعتها هنقدر نجرب كله ونطلع بأحسن اختيار
ليه أنا بسأل عن محلات البيتزا ؟ لأنها في وجهة نظري أفضل طعام فاست فود تقدر تاكله مع أقل ضرر لأنها عبارة عن "عجينة" مع بعض المكونات اللي غالبها بتكون طبيعية زي الأجبان والزيتون والطماطم وما شابه على خلاف باقي الأكل الفاست فود مثل كنتاكي أو ماكدونالدز وغيرهم بيبقى أكل غير صحي بالمرة ومليء بالكوليسترول ونقدر نقول إنه سم قاتل مع الوقت لذلك بلجأ للبيتزا في حالة إن أردت التغيير عن أكل البيت اللي لا يُعلى عليه طبعا حتى لو مكنش بنفس طعم أكل المطاعم لكن يكفي إنه صحي ومضمون
الافضل بيتزا لاكازيتا ... ممتازة
لو جربتها مش حيعجبك بيتزا هت وكنج ودومينوز تانى
نابولى
احلى بيتزا دوقتها تجنن
لسه فاتح جديد فى مدينة نصر
وفاتح من زمان فى الرحاب
دومينوز بيتزاحلوة بردو بس جودتها قلت كتير عن زمان
بس والباقى اى كلام
انا متاكد ان الاعضاء اللي بيقولوا بيتزا هت الافضل ...مدخولهاش من زمان
بيتزا هت لا تختلف عن البيتزا اللي بيعملها افران العيش
ناشفه ورقيقه واخرها 20 جنيه
انا بجيب بيتزا من محلات مش معروفه وبتبقي افضل من المحلات اللي زي هت وكينج وخلافه
بيتزا هت أسوأ بيتزا على الإطلاق والجودة لا تتفق مع القيمة السعرية خالص.
الحاجة الوحيدة الحلوة عندهم هي ال Chicken Wings فقط لا غير.
الأفضل هو دومينوز بس تكون Thin Crust.
كواليتي عالي + سعر مناسب
تجيب عرض ال 3 لارج ب 100 جنيه واحده تشيز (اجباري) وواحده تونه وواحدة بيبروني.
امتى تعرف ان البيتزا محترمة؟ لمّا ما تحتاجش كاتشب معاها :) ده معناه ان صوص البيتزا لوحده مكفّيها :)
لو حسّيت انك محتاج كاتشب مع الأكل تعرف ان البيتزا مش قد كده.
في بقى Vinny's Pizzeria في المعادي شارع تسعة بس دي عايز سبيشال أوكيجن لإنها غالية.
معرفش ايه هيا أفضل بيتزا في مصر لكني عارف مين هو أسوء مطعم بيتزا في مصر اللي هو بيتزا هت الذي لا ينافسه فس السؤ اي مطعم بيتزا آخر
شيخ العرب :google1:
افضل من دا كلة
اتعلم البيتزا واعملها في البيت
مضمونة + رخيصة + انت اللي بتختار مكونتها + نظيفة
العيب الوحيد انك هتحتاج نص يوم كامل علشان تعملها
فعلاً البيتزا بالنسبالي بتكون الأختيار الأول لما بفكر أبوظ في الدايت عشان ضررها أقل من أي فاست فوود تاني..
بيتزا عندي يعني بابا جونز, و بيتزا هت تأتي في المرتبة التانية, و بيتزيتي المفضلة هي three cheese..
دومينوز جربته مرة واحدة و معجبنيش خالص, حسيت فعلاً أنها مجرد عجينة عليها بواقي أكل..
عن نفسى
papa johns >> smokey & chicken barbecue
لو عايز حاجة كويسة برده بسعر اقل
دى نابولى
عن نفسى بحب المارجريتا - نابولى - سوبر سوبريم - سلامى - ببررونى و الاحجام هايلة
جوعتونى يا جماعة
البيتزا مدارس ونواع
في ناس تحب البيتزا يكون عليها كمية موزاريلا رهيبه ومكونات كتير أوي
وفي ناس تحب البيتزا تكون بسيطه ودي أقرب للبيتزا الإيطاليه
بس حابب أقول حاجه مهمه
لو البيتزا فيها موزاريلا كتير أوي والبيتزا رخيصه، تأكد تماماً إنها محطوط عليها موزاريلا مضروبه :)
واحد صاحبي فتح محل فطير وجاب واحد صنايعي يشتغل عنده. الصنايعي ده كان شغال في سلسلة محلات فطير وبيتزا مشهوره جداً.
الصنايعي قاله يا باشا كل محلات الفطير المشهوره بتجيب الموزاريلا من مصنع في المنصوره بيبيع الكيلو بـ 9 جنيه :) وطبعاً دي مافهاش ريحة اللبن أصلاً. بتكون عباره عن مواد كيميائيه وبودرة سيراميك :)
أنا شخصياً بافضل بابا جونز في الأنواع المشهوره.
في محل عالمي في شارع جانبي صغير في ميدان لبنان إسمه da franco
بس المحل ده بيعمل بيتزا إيطالي زي ما بيقول الكتاب ... يعني ممكن ما تعجبش كل الناس
ايوه انت عندك حق
الموزاريلاااااااااااااااا ااااااا ا اهم حاجه فى البيتزا
بس كل المحلات دلوقتى بتحط شيدر مستورد لانها بتسيح زى الموزاريلا ورشه خفييفة موزاريلا
انا فعلا معجبنيش بابا جونز عشان مكونات البيتزا قليلة جدا
والطعم عادى جدا مفهوش حاجه مميزة
يعنى بيسترو احسن منه كتيررررررررررر
ودومينور بيحطوا رشة خفيفة على الاطراف جبنه بارميزان
اما دى نابولى عجبتنى عشان المكونات كتير وسايحة فى الجبن الشيدر والموزاريلا الكتيرررررررررة
البيتزا عنده ريتش وغنيه كده
بس
وابقى سلملى على الدايت
دومينوز بيتزا علي طول بجيب العرض 3 كبار وواحد جبنة اجباري بطلبها عجينة اورجينال بس ساعات الي بيفرد العجينة بتبئا مفرودة زيادة عن اللزوم وبيحط المكونات بالعدد بتبئا وحشة :d
دومينوز بشرط
Thin Crust + إكسترا شيز
هت أسوء بيتزا و غالى على طعمه بزياده حتى فى أفضل حالاته - أوفر و طعم و مكونات فاكس - معندوش غير سلطة :)
بصراحة اكتر بحبها هى بيتزا كنج السوبرسوبريم و السى فود و لما بحب اعمل دماغ عالية بجيب جنبهم خبز بالثوم بالسلامى البقرى
البيتزا اللى يعديها هى دومنيوز بيتزا اللى بالجبنة اى طعم تانى مش حلو بحس انه مر
في الاسكندرية
الافضل باباجونز؛ تشيكن رانش و السموكي
يليه دومينوز؛ خارج العروض...لان بيتزا العرض تعبانة جدا و مكوناتها قليلة
بيتزا هت رشدي في المطعم بيبقى معقول بس أبعد عن ايام الزحمة و المناسبات
و الصراحة لما جربت بابا جونز و بيتزا هت في ماليزيا
عرفت أن أحنا بناكل عيش فينو ببواقي أكل
هناك حاجة تانية خالص و مستوى أخر من المتعة
البيتزا البيتزا البيتزا
شى جابى فى اسكندريه - ورا مبنى الاوبرا بشارع الحريه
على الحطب و مقاس 26 سم ب 25 الى 30 جنيه
صحاب المحل جريك من الخمسينيات و كله بيتى فى بيتى
حتى الصلصة بالزعتر بيتى
جوعتونا:)
مارينو بيتزا الرحاب جامده جدا:049::049::049:
المقارنة سخنت أوي بين بابا جونز وبيتزا هت
بابا جونز لأول مرة يتفوق على بيتزا هت بفارق نقطة
يللا يا جماعة عايزين نشوف مين هيكسب :)
بيتزا هت
بيتزا هت سيئ جدا والحشو قليل جداا وغاليه على الفاضى ومش بحب حاجة فيها غير سلطة الكلو سلو :d
أفضل بيتزا لاكازيتااااااااااا
بعدها ماجيستى ميدان لبنان
هو دي نابولي عنوانه فين في مدينة نصر ؟؟
افضل بيتزا في مصر بشهادة موقع trustious هي دي نابولي في الرحاب او في مدينة نصر رخيص جدا وطمعه خطير لازم تجربوه
عنوانه في الرحاب في السوق وفي مدينة نصر في مصطفى النحاس بعد ما تخلص مكرم عبيد تخش يمن على مصطفى النحاس بتاع 500 متر هتلاقيه على يمينك
انا ساكن فى الرحاب
دى نابولى حلو بس مش علاطول
التلاته المفضلين ليا توماس - سبارو ... بس قفل و لا بوار ... عجينته فظيعه
بتزاهت
سوبارو كان حلو فعلا قفل ليه؟؟؟؟
ومجربتوش بيتزا بيسترو ليه
دى تجنن جدا
جربوها على ضمانتى
انا صوتي لبيتزا بيسترو وبدون اي تردد
من يوم ما جربته ما دخلتش مطعم بيتزا غيره
بيتزا بيتي
هو دي نابولي بيعمل ديليفري لمصر الجديدة ؟
انا اللي نحس باه.. لازم اجيربها طالما اسمها اتذمر كتير كده ف الموضوع ده
شوقتوني ليها فقلت أجرب أستهبل أتصل بيهم وأسألهم بيوصلوا لمدينة العبور ولا لأ وطبعا الرد كان لا وألف لاااا :D
بس لاحظت إن ملهمش لا ويب سايت ولا حتى صفحة فيس بوك ملهمش ذكر تقريبا على النت غير على موقع منيو ويلو بيدجيز مفروض يتطوروا ويعملولهم شوية e-marketing عن كده
بعد تجربة بيتزا دي نابولي
احب اؤكد اني لسه
متمسك برأيي بيسترو هو افضل مطعم بيتزا اكلت فيه
واللي هيجربه هيعرف ليه
مش فاهم ازاي الناس مش عارفه بيتزا بيسترو
هو بدايه كده مطعم بيتزا ومكرونات وشويه وجبات تانيه وكمان ازحم مكان شوفته كتير جدا بروح بيبقى المطعم كله كومبليت وفي ناس كتير برا ويتنج
عموما في مكرم عبيط بين مصطفى النحاس والاوتوستراد في شارع على نصيته صيدليه اسمها افريقيا تقريبا ..الشارع ده في اتجاه الاوتوستراد
تدخل الشارع ده تمشي شويه تلاقيه على الشمال
وفي فرع في مساكن شيراتون تدخل من جنب شيراتون يمين وتمشي في اتجاه الجامع الكبير الي هناك
هو تاني تقاطع قبل الجامع شمال هتلاقي على اليمين
احسن بيتزا عنده الباتشينو الارج منها بحاجه وخمسين تقريبا ياكلوها اتنين جعانين موت ويدوروا على حد يشيلهم للعربيه بعد كده .. مكوناتها جبنه بصوص ريكفورت وفراخ وتركي وصوص طماطم طبعا باختصار ده فعلا احلى محل بيتزا في مصر بجد دوقته الى الان
اما بقى عن بيتزا هات فهو تعبان جدا في كل مكوناته وجدتها خصوصا السي فود لما بطلب منه بجيب على مزاجي بيتزا عجينه رفعيه ستافت او دبل ستافت كراست مارجريتا عليها سلامي وشكرا على كده بس بجد بحب فيه سلاطاته مالهاش حل فعلا الهوت وينج والبطاطس المشوري وكل المكملات بتاعته حلوه بس في النهايه لما بطلب ده لوحدي بلاقي نفسي داخل في فوق ال 100 جنيه
دومينوس حلو وبابا جونز طبعا حلو بس يعتبروا شكل اكتر ما يكونوا طعم وافاده يعني شكل بيتزا مختلف طعم مختلف ولكن في النهايه مش وجبه حلوه الواحد يطلع يقول انه كبسها ومبسوط
اما بقى بيتزا بلاس ولا بيتزا كينج والكاتيجوري ده ميعرفش حاجه عن البيتزا اساسا