الموضوع: افيدوني افادكم الله عيوب ظهرت بعد الاستلام ولا دا طبيعي

المشاركة الأصلية كتبت بواسطة ahmedvero

اولا يا جماعه السلام عليكم ورحمة الله وبركاته
بفضل الله استلمت اللوجان امبارح بس ليا استفسارات
1 . بسمع صوت تكتكه او طقطقه جاي من الكبوت ناحيه السائق بس المشكله اني مبعرفش احدد منين عشان بيحصل فقط وانا ماشي وبزود بنزين
2 . العربيه بتفصل مني بس مش عارف احدد عيب من اني لسه متعودتش ع الدبرياج ولا عيب كهربه ومش عارف احدد لا العربيه مبحسش فصلت امتي الا لما باجي ادوس بنزين
3 . النور بتاع الصالون المفروض يشتغل عند فتح الابواب بس مبيحصلش عندي كده مع ان كل الفاتيح ع النص
4 . شكل لمبه الحراره ايه ؟
5 . اظبت الكوتشات علي كام ورا وقدام ؟
وهل اللي ذكرته دا يقلق ولا ارخص عادي انا بس مش عايز ارخص عشان لو في عيوب اغيرها ارجوكم افيدوني وخصوصا صوت التكتكه دا تقريبا زي ما يكون شراره
6 . المروحه بتاعه الراديتير اتاكد انها شغاله ازاي عشان انا شغلتها ربع ساعه بس حسيت انها مسخنتش ولما بطلع بيها بنسي ابص عليها

i feel sad :h_angry[1]:

1 . بسمع صوت تكتكه او طقطقه جاي من الكبوت ناحيه السائق بس المشكله اني مبعرفش احدد منين عشان بيحصل فقط وانا ماشي وبزود بنزين
بص الصوت اللى حضرتك بتقوله ده غير مفهوم المصدر
لأن ممكن ده يكون العجل ممكن يكون قفل الكبوت و لما تروح لهم فى صيانة الألف قولهم أهم حاجة ما تخليش حد يلعب و لا يظبط و لا يقرب ناحية العربية
2 . العربيه بتفصل مني بس مش عارف احدد عيب من اني لسه متعودتش ع الدبرياج ولا عيب كهربه ومش عارف احدد لا العربيه مبحسش فصلت امتي الا لما باجي ادوس بنزين
طبيعى جدا أنا أول مرة سوقتها بطلت منى 5 مرات لسه رجلك ما أتعودتش عليها
3 . النور بتاع الصالون المفروض يشتغل عند فتح الابواب بس مبيحصلش عندي كده مع ان كل الفاتيح ع النص
4 . شكل لمبه الحراره ايه ؟
5 . اظبت الكوتشات علي كام ورا وقدام ؟
29 قدام و 32 ورا ممكن فى الشكل الجديد تكون أتغيرت الضبطة الصح مكتوب على قايم بواب السواق
وهل اللي ذكرته دا يقلق ولا ارخص عادي انا بس مش عايز ارخص عشان لو في عيوب اغيرها ارجوكم افيدوني وخصوصا صوت التكتكه دا تقريبا زي ما يكون شراره
كل اللى حضرتك ذكرته ده عادى جدا و ما يقلقش

6 . المروحه بتاعه الراديتير اتاكد انها شغاله ازاي عشان انا شغلتها ربع ساعه بس حسيت انها مسخنتش ولما بطلع بيها بنسي ابص عليها

و ألف مبروك على الأستلام و ربنا يجعلها قدم اتلخير عليك و يديك خيرها و يبعد عنك شرها أمين يارب العالمين
أهم حاجة ما تخليش حد يلعب و لا يظبط و لا يقرب ناحية العربية

المشاركة الأصلية كتبت بواسطة corsair

مفيش كلام يتقال بعد كلام بشمهندس عادل

وفعلا يا ابو حميد متشتتش نفسك وامسك ورقه وقلم ودون كل ملاحظاتك وفي صيانة ال 1000 رصهم للتوكيل واتاكد ان كل حاجه اتحلت قبل ما تمشي من عندهم

ياباشا تسلم أيدك كلامك فعلا تمام كل حاجة يكتبها و يروح ليهم بيها