بالصور بعض المعدات التى يجب تواجدها فى سيارتك لتنقذك فى المواقف الطارئة
مع ظروف التنقل بالسيارة من مكان إلى مكان وقيادتك للسيارة لفترات طويلة وفى بعض الأحيان بتتعرض لظروف بتبقى محتاج فيها لحاجه بسيطة وتقول ياريتنى كان معايا كذا أو كذا ، فأنا جمعت شوية معدات تنقذك فى بعض الظروف الحرجة اللى ممكن تتعرض ليها وانت على الطريق، ودى عن طريق الخبرة وبعض القراءات ، والحاجات دى فيه منها ضرورى ولابد من وجوده فى سيارتك وحاجات زيادة للى بيسافر كتير بالعربية وبيروح أماكن ممكن تكون مقطوعة شوية :
المعدات اللازمة:
١- طفاية الحريق ( تكون متأكد إنها شغاله يعنى فيها التيلة الصفرا مش مكسورة أو تعملها صيانة فى بافاريا أو أحد الموزعين التابعين لها مثلاً كل سنتين).
٢- شنطة الإسعافات الأوليه.
٣- كوريك ( وتكون مجربه هل بيقدر يرفع العربية ولا مش بيطولها ومحتاج أورمه خشب تعليه بيها تبقى موجوده برضه معاك من ضمن الكوريك).
٤- مفتاح عجل وتكون مجربه على مسامير عجل عربيتك.
٥- فردة إستبن متكونش مهوية ( إتعود تقيسها وتزودها كل ماتروح تزود الأربع فرد التانيين).
٦- عدة العربية الأساسية ( مفكات ومفاتيح).
٧- جركن مياه ٥ لتر.
٨- - (٣) متر سلك كهربا.
٩- مثلث عاكس بقاعدته:
http://i1383.photobucket.com/albums/...psf25e2bb1.jpg
١٠- توصيلة بطارية :
http://i1383.photobucket.com/albums/...ps3fbabbad.png
١١- كشاف للإنارة بالبطاريات بتاعته:
http://i1383.photobucket.com/albums/...psdfc3223c.jpg
١٢- حوالى ١٠ قفزان بلاستيك مقاسات مختلفة:
http://i1383.photobucket.com/albums/...ps1b58b2f6.jpg
١٣- شريط دكت تاب (الرصاصى) :
http://i1383.photobucket.com/albums/...ps92e92183.jpg
١٤- جوانتى مطاط أو قماش :
http://i1383.photobucket.com/albums/...psca0fd28b.jpg
http://i1383.photobucket.com/albums/...psc26c4194.jpg
١٥- بنز متعدد الإستخدام أو(ليذرمان):
http://i1383.photobucket.com/albums/...ps25ea910b.jpg
١٦- مقاس كاوتش :
http://i1383.photobucket.com/albums/...psc58c5aa1.jpg
http://i1383.photobucket.com/albums/...psebc1147f.jpg
١٧- حبل أو حزام قطر:
http://i1383.photobucket.com/albums/...psbe638a39.jpg
١٨- كومبريسور يعمل على ولاعة السيارة:
http://i1383.photobucket.com/albums/...ps76112f00.jpg
١٩- حرمله مشمع (بالطو مشمع) للحماية من المطر:
http://i1383.photobucket.com/albums/...psf7acd163.jpg
٢٠- حذاء للمطر والطين:
http://i1383.photobucket.com/albums/...ps8f4b0aa2.jpg
** المعدات من رقم (٨) إلى رقم (٢٠) ممكن تحطهم فى شنطة هاندباج قديمه مش محتاجها.
*** المعدات من رقم (١٥) إلى رقم (٢٠) ليست ضرورية لكل الناس ولكن متروكه لصاحب السيارة حسب إستخدامه وإحتياجه بالفعل لهذه المعدات.
**** طبعاً ممكن حد يقولك الحاجات دى كتير حانحطها فين ؟؟؟
المعدات من رقم (١) إلى رقم (٩) أكيد موجودين فى كل العربيات بالفعل وباقى المعدات الزيادة ممكن تحطها فى شنطة هاندباج صغيرة ومش بياخدوا مكان كبير وكمان ممكن تحطهم فى العربية لو مسافر او رايح مشوار كبير وتشيلهم منها أثناء الإستخدام اليومى العادى للعربية فى المشاوير القصيرة - ولو بصيت على منفعتهم الكبيرة لما تتزنق حاتخلق لهم مكان .
