بالصور بعض المعدات التى يجب تواجدها فى سيارتك لتنقذك فى المواقف الطارئة

**nagy wassef** · 27-12-2014 11:49 AM

حاجات مهمة جدا و عملية
لكن اذا جبت كل ده هل هيتبقى مكان فى الشنطة لشنط السفر :)

**zillo** · 27-12-2014 12:01 PM

معاك لاند كروزر ,نيسان باترول يتبقي مكان وممكن تطوي الكنبة الخلفيه
الرحلة عادة اتنين بس ممكن تجر مقطوره صغيره تجيب ناس ومكان
الاكل تجهز معلبات ولحم استيك وعصائر وموقد بيوتان
وتجهز خيم نوم ,تطلع سفاري صيد واستكشاف وتستمتع ب عالم الرجال

**م/أحمد عبد الفتاح** · 27-12-2014 01:01 PM

المشاركة الأصلية كتبت بواسطة ahmed_eng2001

ايه ترتيبات الفور باى فور و الرانجلر فى الاشياء الواجب توافرها فى السيارة ؟

إنت عندك مجموعة عادية للإستخدام العادى اليومى للسيارة حاتبقى المجموعة الموضحة فى الأول
وعندك مجموعة للرحلات الصحراوية ودى بتبقى فيها معدات قطر للغرز التقيل ومعدات إسعافات وسلامة ومعدات إصلاح وأكل ومياه و.... حاجات كتير وده لينك لموقع بيحدد الحاجات دى
Offroad Checklist for the Off Road Trip

**م/أحمد عبد الفتاح** · 27-12-2014 01:05 PM

المشاركة الأصلية كتبت بواسطة nagy wassef

حاجات مهمة جدا و عملية
لكن اذا جبت كل ده هل هيتبقى مكان فى الشنطة لشنط السفر :)

أنا مجاوب على السؤال ده :)
(**** طبعاً ممكن حد يقولك الحاجات دى كتير حانحطها فين ؟؟؟
المعدات من رقم (١) إلى رقم (٩) أكيد موجودين فى كل العربيات بالفعل وباقى المعدات الزيادة ممكن تحطها فى شنطة هاندباج صغيرة ومش بياخدوا مكان كبير وكمان ممكن تحطهم فى العربية لو مسافر او رايح مشوار كبير وتشيلهم منها أثناء الإستخدام اليومى العادى للعربية فى المشاوير القصيرة - ولو بصيت على منفعتهم الكبيرة لما تتزنق حاتخلق لهم مكان ).

**zillo** · 27-12-2014 01:15 PM

متنساش اللحم الاستيك في الرحلة اوف رود له طعم تاني
تحياتي

**م/أحمد عبد الفتاح** · 27-12-2014 01:32 PM

المشاركة الأصلية كتبت بواسطة ahmed_eng2001

ايه ترتيبات الفور باى فور و الرانجلر فى الاشياء الواجب توافرها فى السيارة ؟

وأهم حاجه فى موضوع الغرز والقطر إن تكون العربية مجهزة إنها تقطر أو تتقطر بتجهيزة محترمة زى الصور المرفقة :

دى بتتركب فى المربع إللى فى الشاسية علشان تقطر أو تتقطر منها

وكمان الأقفال بتاعة القطر تكون من النوع اللى بصامولة وتيلة ( زى الصورة) مش اللى بقلاوظ منه فيه

ومقاس حزام القطر بيبقى تقريباً فى حدود ١٠ متر ويتحمل قوة لغاية ١٠ طن (بيبقى مكتوب عليه)

**zillo** · 27-12-2014 01:35 PM

لوز لوز ياحج اماديوس,ايه الفتوح دا كلو

**م/أحمد عبد الفتاح** · 27-12-2014 01:35 PM

المشاركة الأصلية كتبت بواسطة zillo

متنساش اللحم الاستيك في الرحلة اوف رود له طعم تاني
تحياتي

إنت عاوز مقطورة من ماكدونالدز تطلع معاك أحسن

**zillo** · 27-12-2014 01:43 PM

المشاركة الأصلية كتبت بواسطة amadios

إنت عاوز مقطورة من ماكدونالدز تطلع معاك أحسن

ااباشا ,ستيك بقري علي حبة اوسو بوكو ,ساعة العصاري بعد مشوار قرص في البوش او الصحرا تحط حتتين في طاسة مع حتة زبدة بقري علي موقد بيوتان ,وجبة حلوة بعد يوم شاق كانها مكافآة
كمان لازم تبسط نفسك في الرحلات دي مش طالبه شقا وبعدين جوع تجيب اكتئاب صحراوي
تحياتي