محتار يا رجالة من عيب في السيفيك وعايز تأكيد

**AhmedEzz883** · 28-12-2014 01:20 AM

السلام عليكم،

أنا كنت بغير عربيتي الجين 2 المانيوال لحاجة اوتوماتيك وبما إني بحب العربية اللي بركبها وبحب عشرتها ومعاملتها معاملة محترمة فباخد وقت في قرارات شرا العربية بالذات :)

محتار بين السيفيك ال2009 أو 2008 و بين الفلوانس 2011، المهم بعد ما قريت كتير هنا في المنتدي عرفت ان فيه ناس كتير بتشتكي من السيفيك عشان واطية وإتعالج الموضوع ده في الشكل الجديد ال 2012، هل ده مظبوط؟

معنديش أي مشاكل تانيه مع السيفيك متهيألي ومن زمان نفسي فيها وتقريبا هي أقرب عربية للكمال في الفئة ديه (والكمال لله وحده)
أما الفلوانس فإمكانيات وكماليات وبرضه مفيهاش عيوب تذكر إلا ان سحبها بطيء شوية (علي ما قريت)، اللي مخليني محتار ان بيقولوا توكيل رينو أحسن توكيل واسعار قطع الغيار مناسبة

أنا فعلاً محتار لو حد يعرف يفيدني عشان خلاص نيوت أخلص الحوار ده قبل بداية السنة الجديدة.

**AhmedEzz883** · 28-12-2014 01:27 AM

صحيح وكنت عايز اعرف فيه فرق بين السيفيك ال 2008 وال 2009 ؟

**zillo** · 28-12-2014 07:44 AM

ياباشا دا مش عيب السيفيك,دي مشكلة الطرق في مصر,وممكن تتغلب عليها بعلايات وصدادات انما العربية زي الفل

**madooomad** · 28-12-2014 11:05 AM

الفرق مابين ٢٠٠٨ و ٢٠٠٩ فرامل و كاسيت تقريبا ال ٢٠٠٩ فرامل اكبر و ديسكات ورا و قدام .... و من ٢٠٠٩ بدا يكون فيه موديل ال vti اللي فيه فتحة سقف و بادل شيفت و فرش جلد و جنوط بس كدة

**AhmedEzz883** · 28-12-2014 01:11 PM

ياباشا دا مش عيب السيفيك,دي مشكلة الطرق في مصر,وممكن تتغلب عليها بعلايات وصدادات انما العربية زي الفل

ما هو إحنا برضة عايشين في مصر يا معلم انا فاهم انو عيب الطرق :)، طيب العلايات ديه لو هتحل الموضوع يبقي كده قشطة مفيش مشاكل في السيفيك. هل تركيبها سهل ولا فيها مشاكل ؟

الفرق مابين ٢٠٠٨ و ٢٠٠٩ فرامل و كاسيت تقريبا ال ٢٠٠٩ فرامل اكبر و ديسكات ورا و قدام .... و من ٢٠٠٩ بدا يكون فيه موديل ال vti اللي فيه فتحة سقف و بادل شيفت و فرش جلد و جنوط بس كدة

شكرا يا باشا علي التوضيح، الفرق مش كبير إذن :))

**madooomad** · 28-12-2014 01:22 PM

لا بصراحة لو مش فارق معاك تدفع لحد 140 اشتري ال 2009 او 2010 Vti الفرامل فيها فرق و فتحة السقف و كمبيوتر الرحلات

**swimmer25** · 29-12-2014 10:25 AM

المشاركة الأصلية كتبت بواسطة AhmedEzz883

ما هو إحنا برضة عايشين في مصر يا معلم انا فاهم انو عيب الطرق :)، طيب العلايات ديه لو هتحل الموضوع يبقي كده قشطة مفيش مشاكل في السيفيك. هل تركيبها سهل ولا فيها مشاكل ؟

شكرا يا باشا علي التوضيح، الفرق مش كبير إذن :))

فعلا زي ما قال الأخ madooomad الفرق كبير في الفرامل ودي أهم حاجة في العربية
بس هي واطية شوية فلو قدرت تعلى لموديل 2012 يبقى أفضل ولو مش هيفرق معاك العلو يبقى خليك في 2009 vti وإبقى عدي المطبات ببطء والعالية بزاوية

**AHMED_HAMDY** · 29-12-2014 11:37 AM

ال 2010 Vti انسب اختيار واحسن شكل نزل في السيفيك حبيته بعد ال 92-95

انا بقولكال 2010 لاني بحب دايما اخر سنه نزل فيها الشكل ببقى موديل لسه جديد شويه

ال 2012 حلوه واخر الياباني للهوندا بس كشكل انا بفضل ال 2010

وربنا يوفقك ف الاختيار وتلاقي حاجه نضيفه