عايز اقلب العربية اتوماتيك حد ينصحنى !!

**mazenomar** · 19-12-2014 01:42 PM

العربية هوندا جاز 2003 وانا عايز اعمل كدا عشان تعبت من تغير الاسطوانة والديسك
بغيرهم تقريبا كل سنة مرة مع العلم انا سواقتى كويسة جدا وعارف اية الى ممكن ياكل الاسطوانة وبتجنبة وبجيب الطقم الاصلى بتاعها ب 2000 جنية تقريبا وسألت على الفتيس الاوتوماتيك فى الحرفيين ب 3000ج
بس مش عارف اعمل كدا ولا لأ وهل دا هيأثر على حاجة فى العربية او هيتعبنى فى حاجة بعد كدا ولا لا ؟؟؟؟؟
ارجو الناس تساعدني !!

**1000مبروك** · 19-12-2014 03:35 PM

متعملش كده أبداً

الحل الوحيد بالنسبالك تبيع العربية وتشتري واحدة تانية أوتوماتيك

.

**Ahmed Tarek 00** · 19-12-2014 07:11 PM

بلاش ... بيعها وهات اتوماتيك

**J A G U A R** · 19-12-2014 09:00 PM

بيع العربيه

**خالد دياب** · 20-12-2014 12:00 AM

يا باشا المانويل علشان تتقلب اتومتك بهدله وفي الاخر مش هتظبط بيعها وهات اتومتيك احسن وبالتوفيق

**SAMEH_FOUAD** · 20-12-2014 09:45 AM

طيب هو مبدأيا تحويل السيارة من مانيوال لاتوماتيك ( مكلف جدااا ) يعنى تكلفتة بتوصل فى الجاز ل 7000 جنية شامل كل حاجة والمصنعية , فطبعا التكلفة عالية جدااااااااا , فالافضل انك تبيع وتشترى اوتو جاهز

موضوع بقى انك بتغير اسطوانة كل سنة , دة امر مستحيل , انت لو جايب اسطوانة صينى هتكمل معاك السنة

انت بقى شوف عندك ال fly wheel هتلاقى فيها مشكلة - فية مشكلة عندك فى سحب واداء السيارة بيخليك دائما محمل على الاسطوانة عشان تسحب معاك العربية , الدبرياج عندك عايز يتظبط ممكن يكون محمل على الاسطوانة

كل دة بص علية وشوف الاسطوانة اللى طالعة هل طالعة ملسوعة ولا متاكلة من الاجناب او فيها عالى وواطى , والديسك نفسة طالع عامل ازااى

**mazenomar** · 27-12-2014 09:17 AM

شكرا يارجالة على النصيحة

**mazenomar** · 27-12-2014 09:21 AM

طيب معلش انا كل ما اروح لميكانيكى يقولى الدبرياج بتاعك باكم يعنى مالوش ظبط زى الواير (يعلى او يوطى)
مش عارف اعمل اية ؟
وكمان الاسطوانة هى بس الى بتطلع متاكلة والديسك بيطلع سليم
طيب ممكن يكون بستم الدبرياج فى حاجة ؟ واعرف ازاى انه فى حاجة ؟؟؟