زيت الموتور لاينقص أبدا طوال مدة استعماله لكن

**hassanmm** · 28-12-2014 03:43 PM

عندى سيارة لادا سمارا مو 91 1500 cc منذ فترة لاحظت عدم انتظام دوران المحرك . فكيت البوجيهات وكشفت عليها فلاحظت وجود رشح زيت عليها . سألت اكثر من صديق قالو لازم تعمل طقم شنبر او عمرة موتور . فقلت لنفسى كيف ذلك وانا اقوم بتغيير زيت الموتور كل 3000 كيلو ولاينقص اى شىئ من الزيت طوال هذه المدة وكذلك لايوجد دخان أبيض يخرج من الشكمان...... وطبعا بعد تركيب بوجيهات جديدة انتظم دوران المحرك ... مع العلم ان البوجيهات السابقة تم تركيبها قبل 500 كيلو فقط ثم رشح الزيت عليها ..... ارجو من أهل الخبرة ممن مروا بهذه المشكلة إفادتى بسببها وكيف تم حلها ولكم جزيل الشكر...........................

**samihanwar** · 29-12-2014 11:39 AM

الافضل انك تروح لميكانيكى ثقه وفاهم وهو هيقولك على اللى فيها بدل مدوخ نفسك

**kaza** · 29-12-2014 12:13 PM

انت متاكد ان الرشح علي البوجيهات زيت ولا بنزين نيئ نتيجة ضعف البوجيهات ..عموما غير البوجيهات بنوع كويس واضبط الموتور وراقب الزيت ولو الزيت ما نقصش والبوجيهات شغالة بدون تقطيع بيقي المشكلة من البوجيهات القديمة واتحلت

**akmm** · 29-12-2014 01:09 PM

معرفش ............. ولكن كان عندى المشكله دى في موتور متسوبيشى وكان السبب ان تحت كل بوجيه من اتصاله بالقاعده حلقه كاوتش وظيفتها منع تسريب الزيت على سن البوجيه وكانت الاربع حلقات نشفوا وفقدوا المقدره على احكام المنع وتم تغييرهم وانتهى الموضوع .... علشان كده بقول معرفش ان كان عندك فو موتور اللادا نفس الكاوتشات المدوره دى ولا لأ .