الموضوع: لخبراء المواتير اليابانى .. مساعدة عاجلة

السلام عليكم ورحمة الله

اتمنى الحصول على مساعدتكم .. الموضوع بختصار معايا تويوتا كورلا عيون موديل 98 .. الموتور 1300 عامل 283 الف وبدأ يقرفنى .. غيرت جوان وش سلندر وللأسف لعبت فى الكاربرتير وفكيته ونضفته .. بس مشكلة التقطيع والدخنة زادت .. رحت قست كابس الموتور لقيته 65% وقررت انى اسقطت موتور .. وبعد لفة كبيرة فى الحرفيين لقيت ربع رموش .. المتور بالتابلوه بالعفشة بالفوانييس بالكوبت بالرفرفين عامل 13 الف ونص .. المكنة اللى فيه zz الراجل بيقول بتاعت 2007 .. التابلوه برضوا غريب عن العيون والرموش .. المكاينكي قالى اضمن حاجة نجيب موتور من قطعية..

السؤال هنا اشترى الربع واعدل العيون الى رموش مع اعلم انى كده هاخد من الربع الأكصدام بالكبوت بالرفرفين؟

السؤال التانى هل الموتور ده وهو مانويل و1600 ومتركب فى الربع ليه قطع غيار ؟

التابلوه عندي بدق يشقق والتبلوه ده شيك الصراحة وأول مرة اشوفه وللأسف مش هينفع يتباع الا مع الموتور عشان الوصلات هل اشتريه ولا ينفع اصلح القديم ولو ينفع اصلحه فين ؟

المشاركة الأصلية كتبت بواسطة mecha

يباشا عمره صح تعد ع الاقل 200,000 موش 60,000 كم ,
60,000 اقل من عمر سير وش تقسيمة كاوتش اصلي

أنا عمرت قبل كده هيونداي وفيه اكتر من عضو عمر كانت النتيجة مشاكل وتسريب ناهيك على أن مافيش حد سمعت عنه اصلا بيعمر صح من ميكانيكي لخراط