اقتباس المشاركة الأصلية كتبت بواسطة m_m_sh_a مشاهدة المشاركة
اللي حصل مع واحد صاحبي بالضبط ..إنه كان ماشي في طريق عكس إتجاه وما يعرفش إن الطريق ده إتجاه واحد مش إتجاهين ..فجأة لقي ضابط جه عليه بموتوسكيل وقاله رخصك ونزله وقاله إركب البوكس ..ونزل أمين شرطه هيسوق العربيه بتاعة صاحبي لغاية نيابة المرور ..طبعا صاحبي قاله الله ..ما تسحب الرخصه وإعملي مخالفه إنت واخدني فين..وبعدين ما الدنيا كلها ماشيه زي أهو إشمعنى أنا يعني ..قاله ما دام متلبس يبقى فيها سنة حبس أو غرامه 1050 جنيه ..طبعا صاحبي إتصل بزوجته في البيت وقالها بيعي أي حاجه في عفش البيت أو بيعي عيل من العيال ..المهم تجيبي 1100 جنيه وتيجي على نيابة المرور في المنطقة الفلانيه ..وقد كان ..الفلوس حضرت المخالفه إتدفعت خرج صاحبنا

بالسؤال عرفنا ألآتي ..عكس الإتجاه فيه حبس في حالة إن اللي مسكك ضابط الكمين ..ويكون ماسكك متلبس ..ولازم اللي يكون ماسكك متلبس ضابط ..يعني لو أمين شرطه ما ينفعش ..لازم ضابط الكمين هو اللي يكون ماسكك متلبس عشان ياخدك ويحبسك وقتي ..إنما لو أمين الشرطة أو العسكري خدلك المخالفه وإنت ما تعرفش أو تعرف وخلعت منه وقتها ما ينفعش يبقى فيها حبس وبترسى على غرامه 3000 بيتم تخفيضها ل 1300 جنيه وده وقت التجديد

متهيألي في القانون الجديد ..وده رأي الشخصي ..ممكن يكون جعل حالة التلبس فيها حبس بالإضافة لإلزامك بالمخالفة ..أنا بقول ده رأي الشخصي ما عرفش بالضبط هي عامله إزاي..المهم بس في حالتنا دي إن مفيش تلبس في الموضوع ..ولو فيه ما حدش يقدر يحقق التلبس ده غير ضابط الكمين بس ..

دي معلوماتي وعن تجربه مع صديق ليا وبعد السؤال في نيابة المرور ...والله أعلم
شكرررا على التوضيح

الكلام ده من امتى ؟ قبل القانون الجديد ولا بعده ؟