اللوجان الحديدة بتعوم فعلا على االسرعات العالية بين الحقيقة و الشائعات
أرجو أن ما حدش يظن بى ظن السوء أنا غرضى من الموضوع ده أثبات الحقيقة التى هى أمانة سنتحملها جميعا أمام الله و حتى لا تصبح رؤؤسنا مدفونة فى الرمال لابد أن نبجث فى هذا الموضوع
عايزين اللى يشارك فى الموضوع ده يكون هدفه أمام الله أثبات الحقيقة مش أننا فى قسم اللوجان يبقى العربية تمام وزى الفل و كسر رجل اللى يقولها أنها بتعوم و على الأساس ده خنتكلم فى مجموعة النقاط الأتية :-
1- الموضوع ممكن يكون شائعة سخيفة من أحد المنافسين شاف أن العربية بالسعر ده تعتبر كارثية على مبيعات سيارته فقرر إطلاق هذه الشائعة و هو عارف أننا شعب بيتأثر بأى حاجة يعنى مثلا أنت صاحب عربية لوجان و سمعت أنها بتعوم و كذا واحد قاللك الكلمتين دول يبقى أنت على طول حتصدق أن العربية بتعوم و حيخش جوه نفسك شعور بالريبة من العربية و ممكن يكون واحد مش عاجباه اللوجان أصلا أو واحد أشترى عربية تانية غير اللوحان و عايز يقنع نفسه و يقنع اللى معاه أنه خد القرار الصح بأنه يبعد عن العربية دى نهائيا و دى عادة المصريين و أنا لا أعفى نفسى من هدا ويكون سبب فى الترويج لهده الشائعة
2- الموضوع حقيقى
طيب أزاى يا جماعة ده اللوجان القديمة ما حدش أشتكى من النقطة و بما أن الأتنين نفس العفشة بل يمكن الجديدة أحسن بعد أضافة عمود الميزان لكل الفئات ماعدا الأولى تقريبا حسب ما بأسمع
طيب قالوا أن العربية عالية عن الأرض الله طيب ما القديمة كانت كده برضه بالعكس دى القديمة كان شكلها غير أنسيابى بالمقارنة بالجديدة يعنى المفروض انها أحسن يعنى نظريا الكلام عن أنها بتعوم ده لا يمكن يكون فى الشكل الجديد
الأسباب
1- أحنا كنا زمان بنشتكى من أن الكاوتش فى اللوجان القديم بيخلى الفرامل تزحلق فهل ممكن نوع الكاوتش فى الجديدة يخليها تعوم
2- تغيير فى أحدى القطع أو مكونات العفشة ربما للأسوء مما أثر على أتزان السيارة
3-هل فى حد من ملاك السيارة الشكل القديم ليه ملاحظات على أتزان السيارة بعد 140 كيلو
ارجو من الجميع المشاركة و أن ماحدش يدعى على أنا مش ناقص و لو الأدمين أو حضراتكم شاف أن الموضوع ده مالوش لازمة أنا حأطلب من المشرف على القسم أه يحذف الموضوع أو هو يحذفه من نفسه المهم أن ما يكونش فى حد متضايق منى أو متضايق من طريقة تناولى لهدا الموضوع
الحمد لله ثبات النيولوجان
السلام عليكم
لقد شاءت الظروف أن أسافر أنا وأخى إلى القاهرة.
(أخى خلاص هيستلم النيولوجان أتوماتيك الأسبوع القادم إن شاء الله) وكنا ماشيين على طريق الجيش بسرعه 150 تقريبا بالبيجو 505 ومرت من جنبنا لوجان بسرعه كبيرة جدا ,الحقيقة زودت السرعة أكثر لكى ألحق باللوجان السريعه.
وركزنا على العربيه وإحنا نسير وراها وبدت لنا أنها ثابته على الطريق ومش بتعوم على هذة السرعه العالية اللى كانت تقريبا حوالى 150كم.
ولما أتيحت لنا فرصة الأقتراب من اللوجان أشرنا لسائقها الذى إستجاب وخفف السرعه لنستطيع التحدث معه
وسألناة عن السرعه اللى كان ماشى بيها قال إنها 160كم.
وإنة ماشى بيها من الغردقة اللى القاهرة بسرعه 160-170كم تقريبا وإنها ثابتة على الطريق و معومتش منه. ربنا يحافظ لة عليها والحمد لله