تغير كنترول لانوس 2008

**a7med.7assan** · 13-01-2015 02:35 PM

المشاركة الأصلية كتبت بواسطة swimmer25

على كل حال لازم عدد لفات الموتور تكون أعلى لما العربية تكون مور بس ماشية.. بس الطبيعي يكون بيوصل لكام مش متأكد
هل نضفت البوابة ونضفت فلتر الهواء أو غيرته لو قديم أوي؟ دول بيأثروا جامد
نضف البوابة وحط عليها wd-40 لتزييت الأكس بتاعها
إتأكد إن البوابة بتقفل تماما لما تكون مش ضاغط على دواسة الإكسلاتير
ونضف فلتر الهواء أو غيره لو قديم
وبعدين إفصل سالب البطارية ربع ساعة مع دوستين ثلاثة للفرامل والبطارية مفصولة عشان الكنترول يفقد كل شحنته وإرجع وصل البطارية وإعمل أيدل ليرن وشوف العيب لسه موجود بنفس الطريقة ولا فيه حاجة إتغيرت

شكرا لهتمامك ووقتك يا ريس
اه صحيح فلتر الهواء عايز يتغير ... لكن حتى لما كان الفلتر ده جديد كان نفس العيب

تم تنضيف البوابه قبل كده لكن دون جدوى .. لكن الحقيقه متاكده من موضوع انها بتقفل تماما .. لانى بصراحه اللى عمل الموضوع ده الميكانيكى .. لكن انا معرفش اتاكد ازاى انها بتقفل كويس لما بشيل رجلى من ع البنزين

موضوع فصل البطاريه ربع ساعه ده انا مكمنتش اعرفه ... وكمان موضوع دوسة الفرامل عشان الشحنه دى جديده عليه .... عجبنى المعلومه بصراحه وهجرب وشوف

وشكرا مره تانيه ليك يا باشا

**a7med.7assan** · 13-01-2015 02:41 PM

[QUOTE=Haitham Gamal;3875867973]بص يا باشا انا زيك والله كان الموضوع دة هيجنني وزيك بردو كنت لما بسأل اي حد كان بيقولي حساس سلانسية او تي بي اس ووديتها لكذا كهربائي زي ماقولتلك ومحدش عرف يظبطتها وغيرتاها حساس السلانسية والتي بي اس علي تجربة طبعا ولما طلوا شغالين رجعتهم واخدت فلوسي
واللي قالي علي موضوع الضفيرة هو الكهربائي والحمد لله هي كدة معايا اهي بقالها 20 يوم تقريبا وظبوطة ومية مية واتمني مايحصلهاش حاجة تانية ....
بس وقت ماكان عداد الار بي ام بيرفع ماكنش في اي مشاكل تانية بتحصل في العربية .
ربنا يكرمك وتعرف المشكلة فين وتحلها لاني عارف انها حاجة تحرق الدم
بالتوفيق ياكبير[/

تمام يا استاذ هيثم
انا هعمل زى ما قولتلى وهروح للكهربائى يوم الصبح وقعد معاه بقه وقوله يبص ع الصفيره كلها ويبص ع ضفيرة الايديال وياباشا انا مستعد ادفع لحد 200 جنيه مش 100 بس المهم المشكله دى تتحل

تحياتى ليك يا زعيم

**swimmer25** · 13-01-2015 02:58 PM

الحل في كهربائي محترم وبيفهم وهو هيقولك طبيعي ولا مش طبيعي
زي ما قالك طارق أعتقد هو جرب محمد السيد
فيه البوست ده

لورشه بتاعته اول ماتنزل من كوبري الدقي بعد مكتبة سمير و علي هتلاقي جامع علي الناصيه الورشه بتاعته الناصيه تانيه علطول
و الراجل ده شغل انضف من النضافه علشان فاهم و امين في شغله هو بعيد بس احسن واحد شفته في شغل الكهربا

والموضوع ده كمان
http://www.nilemotors.net/Nile/75433-a.html

**swimmer25** · 13-01-2015 02:59 PM

المشاركة الأصلية كتبت بواسطة MMamdouh

ألرقم الجديد 01116625226

MMamdouh

**a7med.7assan** · 14-01-2015 10:50 AM

المشاركة الأصلية كتبت بواسطة haitham gamal

احمد باشا علشان ماتغرمش وخلاص والراجل يفكلك الضفيرة وبس انت لو شغلت العربية وحاوت تحرك الاسلاك اللي موجودة بتاعتها ولقيت اي تغيير في صوت المتور سواء بيعلي او بيخف شوية يبق اكيد فيه عيب
يعني حاول تشغل العربية سواء كانت عالية او مظبوطة وحاول تمشي كدة مع الاسلاك بتاعة الضفيرة يعني هزها حرجكها بس مش جامد قوي لو حصل اي زيادة في الصوة بالارتفاع او اتظبط وانت بتحرك الاسلاك يبق اكيد اكيد اكيد العيب في منطقة من الضفيره
بالتوفيق ياباشا

كلام جميل يا استاذ هيثم
لكن فى حاجه ياريت توضحهالى اسلاك ايه اللى احركها لان الضفيره اعتقد انها ممتده فى كل اجزاء العربيه ولا تقصد اللى فى الكبورت تحديدا ... طبي ولو فى الكبوت فى اسلاك صعب حصرها ده عدد كبير جدا

وبعدين معظمهم مربوط بكويلات صعب حركتهم جدا ... اسف للاطاله وكتر الاسئله ... انا طمعان فى كرم اخلاقك يا زعيم

تحياتى ليك