الموضوع: امبليفير + جهاز فصل للسيارة

المشاركة الأصلية كتبت بواسطة bestlove2

السلام عليكم ورحمة الله
كل عام وانتم الى الله اقرب بمناسبة المولد النبوى الشريف

اولا انا اسف ان الموضوع ممكن يكون طويل بس قلت انى لازم اشارك اخواتى فى المنتدى الغالى

انا لى زميل دماغة حكاية فى مجال الإلكترونيات فعرضت عليه كذا فكرة وقالى انه يقدر ينفذها وبتكلفة اقل من السوق بكتير ويضمنها برقبته لأقصى درجة شغل واداء

الفكرة الأولى :
أمبليفير 1000 وات ( الف وات )زى بتاع الديجيهات بالظبط بس هنا هيكون فى حجم اصغر بكتير وهيكون خرج 4 شانل عشان اللى عايز يشغل عليه سماعات وبازوكا وصب من غير ما يحتاج لكذا واحد فانا مأكد عليه ان يكون الحجم صغير + كفاءة الشغل وبالفعل بدأ فى التنفيذ وشغال فى الدائرة وتكلفتها هتكون اقل بكتير من بره يمكن اقل من الأمبليفير 400وات فانا قلت له يعملى واحده اجربها واقولكم على النتائج 0

الفكرة الثانية :

كلنا عارفين موضوع السرقات بالإكراه وفى اجهزة حماية كتير منها انى اوقف السيارة برسالة وكده بس انا هنا ميهمنيش ده لأن الحرامى هياخد الموبايل ويقلب كل اللى معاك فعقبال متعرف تتصل بحد او تيجى توقع العربية ممكن يكون وصل الوكر بتاعه وهنا المشكله وتبدأ المساومة وكلنا عارفين الشرطة انها بتروح تجيب العربيات _ههههههههههههه_ وحتى لو زرار فصل فصلته وانت نازل من العربية الحرامى هيجبرك انك تشغلها ياكده ياموته وبالأعمار بيد الله

ففكرتى بقا تتلخص فى ايه ان يكون قريب منى وانا نازل تحت الإكراه زرار رى الفصل بس هنا بقا الزرار ده متوصل بتايمر من خلال دائرة الكترونيه وليكن مده 5 دقائق فلما يجى الحرامى ينزلك تضغط عليه وهتفضل العربية دايرة عقابل ما يقلب السائق وياخد اللى معاه يكون عدى 2:3 دقائق مثلا ويمشى بالعربية وبعد دقيقتين العربية هتقف لوحدها نتيجة الضغط على الزار ومتدرش تانى غير بتوصيل الزرار تانى فبكده انا مطمن ان العربية مش هتبعد كتير اكتر من كيلو لو هما بيجروا قوى ومش هيلحقوا يوصلوا الوكر فالبتالى هيطروا يسيبوها واكون انا فى الأمان بعيد عنهم

فدى الفكرة التانية وهتكون اقل بكتير من أجهزة اللى موجوده فى السوق فهيعملها خلال الأسبوع ده لأنه مشغول شويه فلو حد حابب انا تحت امركم وربنا يسترها معانا جميعا

وفى افكار تانية كتير احلى من كده بس انا قلت نبدأ بالأهم

وأسف على الإطالة

افكار ممتازة خصوصا فكرة التايمر بتاع فصل العربيه موفق بإذن الله