تجربه تحسين جودة الصوت في تويوتا كورولا 2011 وخيبةامل @

**sfi** · 04-01-2015 04:09 PM

السلام عليكم ورحمه الله وبركاته
دلوقتي انا جبت سماعات كينوود 400w 9*6 بيضاوي لكورولا 2011 عشان السماعات الاصليه بتاعتها الي وره ولاكانها شغاله هي بس شغال كانها تويتر بس اما الي قدام تريبل وبيز حلو اوي
المهم لما طلعتهم باين عليهم انهم سماعات تكاتك مش عربية وحطيت السماعات الكينوود
جيت اشغل بقه واسمع والصدمه ! ولا كأني غيرت السماعات ودفعت 300 جنيه في الهوا انا كنت متوقع اسمع صووت علي الاقل زي بتاع الانسر بسماعاتها الاصليه وزي الالنترا الي بتدب دب بسماعاتها الاصليه
فالراجل الي ركبت عنده السماعات قلي العيب من headunit (وعلي فكره هو الاصلي بتاع العربيه ) الي مابيوصلش watt فعلي كويس للسماعات الي وره بالذات فالحل تغير ال headunit أو تركيب جي ام اسهل وارخص وهيديك صوت ممتاز وقالي مش مهم ان الكاسيت يكون فيه rca انا هركبلك ال جي ام عالسماعات
علطول فياتري كده صح ولا ايه؟
فدلوقتي ايه احسن جي ام اقدر اجيبه ويكون سعره كويس عشان يقوم السماعات الي ورا ويخليها تشتغل باقصي قوه
وكمان يقدر يقوم صب صغير في المستقبل
وشكرا

**hany63** · 04-01-2015 05:21 PM

لازم جي ام و صب او بازوكا عشان تحس بالفرق
انا بقى عملت حاجه مختلفه و مبسوط بيها جدا و فرقت جامد في صوت البيجو ٥٠٨
ركبت ايبود على ال Aux و حاطط له شاحن باستمرار الجهاز قلب هاي باور بالاكولايزر
و ده عشان الايبود فيه اكولايزر داخلي فالصوت اللي خارج منه انقى ما يمكن

**sfi** · 04-01-2015 05:47 PM

المشاركة الأصلية كتبت بواسطة hany63

لازم جي ام و صب او بازوكا عشان تحس بالفرق
انا بقى عملت حاجه مختلفه و مبسوط بيها جدا و فرقت جامد في صوت البيجو ٥٠٨
ركبت ايبود على ال Aux و حاطط له شاحن باستمرار الجهاز قلب هاي باور بالاكولايزر
و ده عشان الايبود فيه اكولايزر داخلي فالصوت اللي خارج منه انقى ما يمكن

انا بصراحة مش عاوز امشي بالعربية واعمل فرح لأ انا عاوز اسمع حاجه زي سماعات الانترا 2008 دي سماعتها عليهم شوية بيز مع انها سماعات المصنع مش aftermarket
وومكن اركب صب صغير في المستقبل
اما حكايه الايبود انا بصراحه مجربتش ايبود بس جربت ايفونات كثير و تليفونات android كثير
مكانش الفرق الي يستاهل بس اكيد البيجو 508 سوند سيستم تاني خالص عشان كذا الايبود عامل الواجب وزياده لان السستم نفسه مساعد انما عندي في الضياع هههه