الموضوع: سلبيات الهجرة

المشاركة الأصلية كتبت بواسطة yasser farid

bbc news - pharmaceutical industry gets high on fat profits

دا اية دخلو بالهجرة؟

المشاركة الأصلية كتبت بواسطة prof2013

والله ياجماعة انا مرتاح في الوقت الحالي ومش محتاج اهاجر عندي وظيفتي وشغل النت اللي يكفوني كأعزب
بس انا ببص لقدام عايز اعمل حاجه لعيالي اللي لسه ماجوش مستقبلا واخواتي الصغيرين علشان غلابه والحاج سافر 20 سنه ومش سايبلنا الا البيت اللي قاعدين فيه وبيقولنا كل واحد يكون ويجوز نفسه
بجانب اني لما اتجوز المسئوليات هتكتر وهحتاج دخل اكبر من الحالي بجانب المشاكل المعروفة زي مشاكل التعليم والصحه والطرق .... الخ
انا دالوقتي مش حاسس بيها لاني مش بخرج كتير لاني اعزب لكن لما اتجوز هواجه المشاكل دي كلها فعايز اختصر الطريق من دالوقتي احسن
ربنا يكرمنا بخوجايه محترمه ان شاء الله علشان مش عايز اتجوز مصرية

لية تجوز اساسا؟
وهو لازم لما تجوز تخلف 4عيال مينفعش تجيب واحد و تهتم بالجودة مش الكمية؟

المشاركة الأصلية كتبت بواسطة 1000 مبروك

كلام مخالف للواقع
البيئة والمجتمع بتأثر تأثير شديد على النشأ رغم أنف الجميع
ولا يستطيع بشر أن يمنع تأثير المجتمع على أبنائه سواء أولاد أو بنات بنسبة كبيرة مهما فعل
إلا إذا كان سيبني لهم سجن ويضعهم فيه ويعزلهم تماماً عن المجتمع

لو بنتكلم في إقناع وتربية ده ممكن يحافظ بنسبة 30% أو 50 % بس كده

كلامك صح نسبيا لان مفيش حد بيربي صح
احنا المفروض نربي بالأقناع مش بانو كدا و خلاص لو انا مش متربي على الاقناع و اتربيت عالاجبار فانسى حكاية انك هتفضل كدا لانك طول الوقت هيكون جواك شك وبالذات لان في اهالي بتألف و تكدب ولما الابن يكدب
يعني لما ابنك مثلا ال13 سنة يجي يسألك لية متفرجش على أفلام أبيحة متقولش لانو حرام او تقولو لانو هيجبلك شلل رعاش اقنعو بطريقة سليمة و مناقشات و بعدين الواحد بياخد خبرة من احتكاكه اما انت لو اديتو الحاجة جاهزة فملهاش لازمة
الحكاية بالظبط عاملة زي الطالب الي فاهم الحاجة و الطالب الي حافظ الحاجة
الأولاني ممكن يناقشك التاني لو قلتلو "بخ" هيتردد ويشكك في كل كلامك

المشاركة الأصلية كتبت بواسطة prof2013

ههههههه ليه اتجوز !
اممممممممم مش عارف بصراحه
انا شايف الناس بتتجوز فعايز اتجوز زيهم ... اشمعنا هما

لا بصراحة هي انت لو حسبتها بتحسب الي هتستفادو و هو الطبيعي حلو و جميل فاهمني؟
بس في المقابل هتقعد عليك مسؤلية زيادة وممكن تتعب

المشاركة الأصلية كتبت بواسطة 1000 مبروك

الهجرة بتكون للضرورة
ده حتى إسمها هجرة
وبالتالي مينفعش أهاجرة من ضرورة أقل لضرورة أكبر

معارفي مهاجرين أوروبا
كل حاجه ماشيه معاهم تمام
لغاية ما العيال الصغييرين وصلوا لسن المدارس
العرب والمصريين هناك مشكلتهم الكبيرة إن الدولة التانية بتربيلك عيالك على هويتها ومنهجها وفكرها
ومبتقدرش تعمل حاجه كتير
وبالتالي بعضهم قرروا ينزلوا مصر
او ينزلوا العيال بأمهم وييجوا مصر كل 6 شهور وده صعب
وبعضهم بيحاول يشوف دولة خليجية نضيفة يعيش فيها بجنسيته الأوروبية ويشتغل ويبقى حل وسط
وبعضهم قالك هي عيشة وخلاص ومش مهم أي حاجه بعد كده (ربنا يهديهم)

الواحد يخللي دينه ودين أبناؤه أهم حاجه في حياته وبعدها هيلاقي نفسه بياخد القرار الصح

نفس المشكلة اللي أنا واقع فيها دلو قتي بنتي عندها اربع سنين وقدامي حل من الآتين يا ارجع مصر واستحمل العيشة فيها اي أشوف لي دولة عربية وغالبا الإمارات وهو ده اللي ماشي فيه حاليا ولو مفيش نصيب يبقي هرجع مصر