الموضوع: حصرياً انضمام 2015 Ciaz لعائلة سوزوكى محلياً

المشاركة الأصلية كتبت بواسطة ahmed zoghpy

الكلام ده لو بقى يا صديقى يعنى انت كده بتشترى سمك فى ميه والله اعلم التوكيل هيظبط نفسه ولا لا يعنى مثلا السويفت كانت بدأت بسعر 98000 والتسليم كان شهرين بس فجاه السعر زاد وبقت 102000 والاستلام بعد 6شهور والمعارض بقت تبيعها بسعر 114000 فمش طبيعى ان هروح اشترى العربيه دى بالسعر ده وده كفيل بان العربيه مبيعاتها تقل ومتبقاش منتشره وهنا المشكله ان مش هتلاقى حد يعبرك فى قطع الغيار يعنى مثلا لو حصل لا قدر الله مشكله فى العفشه وهتغيير مقصات ومساعدين وكده ومفيش قطع غيار بره التوكيل يبقى انت سلمت نفسك تسلين اهالى ليهم وعيش يا معلم وكذلك عدم انتشار العربيه هياثر فى ال resale بتاعها انا عن نفسى كنت مقتنع بيها ولغايه دلوقتى لسه بفكر ومحتار

يبقى الافضل ننتظر نشوف اية الحيتم الشهور الجاية منتسرعش وبالنسبة لقطع الغيار ففى مستوردين لقطع غيار سوزوكى خارج التوكيل المشكلة فى الصيانة لو مفيش اهتمام او سيئة ..

المشاركة الأصلية كتبت بواسطة RamyAhmed

ايه الفرق بين

Kerb weight 1020 vxi -
Gvw 1500 -
ودى حاجة كويسه ولا لأ

Kerb weight الوزن الاجمالى للسيارة بدون ركاب او امتعة
ووزن السيارة 1020 اظن مناسب على سعة المحرك 1.4 لان كل ما السيارة كانت اثقل كل ما كان فى جهد اكبر على المحرك فى التسارع وكل ما كانت اخف كان ثباتها اقل على السرعات العالية وهنا وزنها مناسب على حجمها ..

اما المصطلح الثانى(GVW) هو اختصار لجملة gross vehicle mass المشتقة من جملة gross vehicle weight rating (GVWR) ومعناة الحد الاقصى للوزن لعملية تشغيل السيارة والسير بيها وبيتم تحديد الرقم من قبل الشركة المصنعة ويشمل الوزن كلاً من (الهيكل، جسم السيارة ، المحرك، و سوائل المحرك، و الوقود، و الاكسسوارات، و السائق والركاب ،الامتعة )

المشاركة الأصلية كتبت بواسطة Deshahcoka

باشا حتنتشر حنتنتشر حتى لو منتشرتش انتا شايف مفيش قطع غيار للمروتي ولا التونايه ولا الفيترا الي ماليه البلد من اايم الفتيس الغرز الي كان البشوات بيركبوها قبل الشروكي ؟

اظن بقى فية مستوردين فى الفترة الحالية لقطع غيار سوزوكى وارقامهم وعناوينهم موجودة بالمنتدى ودة ساهم فى وجود بديل للتوكيل .

المشاركة الأصلية كتبت بواسطة abdulkhaleq

ياشباب
رأيي المتواضع
اللي عايز يحجز ويستنى منغير اوفر برايس
هي حلاوتها في سعرها
الاعتماديه
السويفت متجربه وتقريبا نفس المصنع
الموتور 1.4 16 فالف
انا شايفها معقوله جدا بصراحه وبديله لعربيات كتير اغلى منها

رأي حضرتك يحترم سعرها على قد تجهيزاتها ويارب متزدش عن كدة لان دة العامل الوحيد الحيحدد نجاحها من عدمة الفترة الجاية - السويفت فعلاً نفس المصنع - والموتورمتقيم من قبل ملاك السيارة فى الهند انة اداءة جيد ولسة برضو حيبان اكتر لينا الفترة الجاية من تجارب الاشترو .