يعنى من التجربة كده .... الباب المصفح ولا الباب الحديد فوق الباب الخ
عرض للطباعة
يعنى من التجربة كده .... الباب المصفح ولا الباب الحديد فوق الباب الخ
يعنى من التجربة كده .... الباب المصفح ولا الباب الحديد فوق الباب الخشب
عن تجربة .
مفيش افضل من الباب المصفح.
اشترى التركى... مش اقل من 90-120 كيلو ... ممتاز
بلاش الصينى .
تجربة الباب الحديد الى على باب خشب ملهاش 30 لازمة ... الباب المصفح بياخد وقت أكتر فى سرقته (بمعنى ان كل الأبواب بتتسرق لكن المصفح بياخد وقت أطول ) فالحرامى بيتجنبه .
الناس دي كويسة
شركة سيفتي هوم للأبواب المصفحة - Safety Home for Steel Wooden Doors
بس خليكي في التركي بلاش الصيني
هو الباب المصفح بيجي بالحلق بتاعه ؟
وينفع يركب بعد المحاره والسيراميك ؟
لا يوجد باب افضل من الابواب المصفحة ولا تفكر فى اى اختيار تانى اصلا سواء من حيث الشكل الخارجى الرائع او الامان الكامل
انا اشتريت باب صينى من 2011 كان وقتها ب 2200 جنيه ولا يقل عن النوع التركى وشكله تحفة واظن الان السوق بقى فيه انواع كتيرة تبدا من 1300 ولكن ذات جودة وسمك منخفض جدا
فافضل انك تاخد صينى نوعية محترمة حتى لو غالى شوية لانه التركى والايطالى هيكون غالى جدا ولن يكون الفارق جوهرى
يعنى انا باجهز البيت عندى اليومين دول ولفيت وشوفت اسعار وانواع كتيرة وباكلمك على خلاصة الموضوع
وحتى الصينى التعبان ابو 1300 احسن بكتير من الخشب المدعم او الناس اللى بتركب بوابة حديد امام باب الشقة واختراقة صعب جدا جدا من اى حرامى
الباب يباع كامل بالحلق والاكسسوار والشركات اللى بتبيعه كتير منها مكرم عبيد مدينة نصر ومحلات الخشب اللى فى الاميرية وعندك انواع والوان واشكال ومنه بيفتح يمين وشمال ومنه درفتين كمان
الشركة اللى بتشترى منها بتبعت لك صنايعى يركبه والحلق والباب بيتثبت بمسامير فيشر قوية جدة وكبيرة وتجيب واحد يمحر على التكسير بعد كدة
تقبل تحياتى