الموضوع: ابواب مصفحة

المشاركة الأصلية كتبت بواسطة eng_amg

ممكن حصرتك تعملي باب حديد خارج الباب الخشب العادي.
ميزته أنه رخيص عن الباب المصفح الجاهز. وبتختاري التصميم والشكل المناسب لزوقك وسواء حديد فقط أو حديد وله طبقة زجاج أو أي شكل آخر.
وبيكون له حلق حديد أيضا خارج حلق الباب الخشب.

أنا عملته في الشقة عندي في أول الثورة في 2011 وطلبت من الحداد تصميم معين علشان يكون مؤمن 100% عن طريق إن الباب يكون له حز يغطي الحلق الحديد والكالون واللسان. والحلق يدخل في الأسمنت المسلح مسافة 15 سم من 8 نقاط أساسية و 2 نقطة فرعية..
وله كالون عادي و2 ترباس حديد داخلي بأقفال و2 ترباس حديد خارجي بأقفال في حالة السفر وغلق الشقة من الخارج.

بعد ما الراجل عمله علي التصميم بتاعي ضحك وقالي: حيكون حظك وحش قوي لو المفتاح ضاع منك. لأن أنا نفسي مش حعرف أفتح الباب دا غير لما أهد الكتف كله :)

الف شكر لحضرتك .... وده اتكلف كام؟

المشاركة الأصلية كتبت بواسطة hanan ahmed

الف شكر لحضرتك .... وده اتكلف كام؟

حوالي 2500 جنيه. بس طبعا الأبواب الحديد العادية بتتكلف أقل من كدا بكتير وبتبدأ من 1000 أو ممكن أقل. لكن التصميم دا معقد إلي حد ما وأخد وقت وخامات أكثر من المعتاد علشان كدا التكلفة تضاعفت.