الموضوع: ابواب مصفحة

ممكن حصرتك تعملي باب حديد خارج الباب الخشب العادي.
ميزته أنه رخيص عن الباب المصفح الجاهز. وبتختاري التصميم والشكل المناسب لزوقك وسواء حديد فقط أو حديد وله طبقة زجاج أو أي شكل آخر.
وبيكون له حلق حديد أيضا خارج حلق الباب الخشب.

أنا عملته في الشقة عندي في أول الثورة في 2011 وطلبت من الحداد تصميم معين علشان يكون مؤمن 100% عن طريق إن الباب يكون له حز يغطي الحلق الحديد والكالون واللسان. والحلق يدخل في الأسمنت المسلح مسافة 15 سم من 8 نقاط أساسية و 2 نقطة فرعية..
وله كالون عادي و2 ترباس حديد داخلي بأقفال و2 ترباس حديد خارجي بأقفال في حالة السفر وغلق الشقة من الخارج.

بعد ما الراجل عمله علي التصميم بتاعي ضحك وقالي: حيكون حظك وحش قوي لو المفتاح ضاع منك. لأن أنا نفسي مش حعرف أفتح الباب دا غير لما أهد الكتف كله :)

اي كالون ممكن تفورو بالشنيور وفيه الوقتي صاروخ ببطارية تقطع بيه الحديد.الامان الصح في رايي باب حديد مصمت والقفل مغناطيسي او اكتروني

المشاركة الأصلية كتبت بواسطة elkorany

كمل جميلك وصور الباب وشرح تفصيلى للى حضرتك عملته
الموضوع شكله كبير

ححاول أصوره وأنزل الصور في أقرب وقت..

المشاركة الأصلية كتبت بواسطة mecha

اي كالون ممكن تفورو بالشنيور وفيه الوقتي صاروخ ببطارية تقطع بيه الحديد.الامان الصح في رايي باب حديد مصمت والقفل مغناطيسي او اكتروني

مش ممكن فتحه حتى لو الكالون تم تفويره بشانيور لأن اللسان حيظل في مكانه داخل الباب والحلق لأن الكالون غير ظاهر تماما. تخيل معايا إن الكالون داخل ماسورة مربعة مش باين منها غير المكان إلي بيدخل منه المفتاح فقط.
ولو أستعمل صاروخ لازم يقطع ماسورة حديد بسمك 5 مم وبطول حوالي 270 سم علشان يظهر الكالون واللسان وبعدين يقطع الكالون.

دا لو في صحراء جرداء حياخد ساعة شغل وحيصحي الناس الي في السودان وليبيا :) :)

اللي بيحصل بتجيب بنطة كوبالت وتتقب مكان دخول المفتاح ,كدا اللوك انتهي وتجيب مفك وتلف البواقي تسحب اللسان لورا
لو عندك شغال ممتاز

المشاركة الأصلية كتبت بواسطة mecha

اللي بيحصل بتجيب بنطة كوبالت وتتقب مكان دخول المفتاح ,كدا اللوك انتهي وتجيب مفك وتلف البواقي تسحب اللسان لورا
لو عندك شغال ممتاز

شوف حضرتك. أنا مهندس ومقتنع إن أي حاجة ممكنة .. لو وصلت لدرجة مخيفة من التأمين فلا يوجد تأمين كامل لأنها أفكار بشرية في النهاية.
المقصود من أي نظام أمني هو تعطيل عملية إقتحام المكان وتصعيبه وليس منعه من الأساس.
الكلام إلي حضرتك بتقوله دا ممكن جدا في حالة إني بتكلم عن بوابة بنك أو وزارة دفاع. لكن لا أظن أن أحد ما حيبذل كل هذا الجهد والخطر علشان يقتحم منزل مهما كان.

عمليا الطريقة دي حتحتاج تجهيزات مثل عوازل صوت لأن الصوت حيكون عالي جداااا ووقت لا يقل عن 30 دقيقة ودا غير متوافر غير في أماكن محدودة جدا...

أنا لو حرامي حشوف حاجة أسهل من كدا.. :)

اتفق معاك تماما الحرامي يحب السرقه السهلة ,وافضل شئ ان المكان يكون ماهول ومتغبش عنة كتير
الاحلي نظام انذار بسرينة وكاميرا لو حد اقتحم
تحياتي