رخصة القيادة

**sep0508** · 03-11-2008 06:20 PM

منين اجيب شهادات طبية باطن و عيون للرخصة؟

يوم الامتحان العملي هل هاتبقى الاجراءات اسهل لو كنت تبع مدرسة مرور مش مدرسة خاصة؟

شكرا

**Mohamed_Ibiza** · 04-11-2008 12:22 AM

بالنسبة للشهادات الطبية تقدر تحصل عليها من اي مستوصف او عيادة دكتور او مستشفى

فقط اطلب منهم شهادة باطن وعيون لرخصة القيادة

وبالنبة لمدرسة القيادة تبع المرور هيكون الموضوع سهل اوي اوي وهيعدوك في اختبار الاشارات اما القيادة بقى عليك وعلى الراجل اللي قاعد جنبك

وان شاء الله تطلع رخصة بسهولة يا باشا

**sweetheart_** · 04-11-2008 12:38 AM

بالنسبة للشهادات الطبية يفضل الحصول عليها من مستشفى حكومى عشان ختم النسر وكمان تبقى مضمونه ومش ناقصة اى ختم
لو انت قريب من المنيره اعملها هناك عشان هما فهمين وعرفين انت محتاج ايه وعلى فكرة الشهادات زادت سمعيات لما تروح تعملهم هيدوك باطنة ونظر وسمعيات وفصيلة دم وهيتكلفوا كلهم حوالى 28 جنيه ومتنساش تاخد معاك صور 4*6
وهتاخد الشهادات و صورة شهادة التخرج مع الاصل لو البطاقة مش مكتوب فيها مؤهلك عشان تثبت انك متعلم وصورة البطاقه وصور شخصية وتروح المرور وهناك هيقولولك تشترى استمارات ومع الورق اللى معاك دا هتبقى كملت كل حاجه وبالنسبة للاختبار العملى اللى انا اعرفة انه فى نفس اليوم بس لو روحت روح بدرى عشان تلحق تخلص الورق وتدخل اختبار الاشارات .
وربنا يوفقك للى فية الخير

**sep0508** · 08-11-2008 03:18 PM

خالص شكرى لمن قاموا بالرد

**Michael_Lanos** · 08-11-2008 07:05 PM

ما تنساش الفكه والخمسين جنيه بتاعت السواق

**mashma** · 09-11-2008 02:26 PM

بالنسبة للشهادات الطبية: روح لاى دكتور باطنة او عيون وقله عايز شهادة لاستخراج رخصة وسيب التاريخ فاضى .ابقى املاه وقت ما انت رايح تمتحن. ولو كنت تبع مدرسة مرور هيبقى الموضوع سهل جدا.وماتنساش تظبط الراجل اللي قاعد جنبك فى القيادة.