ليه اجيب عربيه بروتون ؟؟؟

**AMADO2015** · 07-01-2015 11:18 PM

هو ده اللي مخوفني منها الشكاوي الكتير اللي فيها

**eng.m7md.ali** · 07-01-2015 11:48 PM

المشاركة الأصلية كتبت بواسطة thebilott

باشا انا بيتهيالي انك زعلان اننا بننصحه بلا انا بس عايز اقولك انا جبت برسونا 2013 ماشي بيها لحد دلوقت 39000 مش عايز اقولك اولا غيرت بطاحه امامي وجليه دونجل بتاع المقص الخلفي والبابين اللي ورا بيدخلو تراب في العربيه من جوا والمساعدين اللي ورا بتخبط عايزه تتغير وغيرت قاعده ماتور من اللي تحت وعندي صوت غريب بيظهر من الماتور وطالع عين اهلي علشان الاقي تيل مبيصفرش مش لاقي وعندي طقمين تلاته مرميين في البيت بيصفرو ومثبت السرعه سعات بيعلق عايز ايه تاني مع العلم ان من النوع اللي بيحسس علي العربيه امال بقي لو مش بحسس كان ايه اللي حصل

انا متابع مشاكل حضرتك

عربية حضرتك في الضمان يعني تصورلهم قتيل عشان يحلو المشاكل دي

انا من كام يوم كنت هناك المهندسين الجداد دمهم تقيل وطريقة كلامهم مش حلوة واتخانقت معاهم مرتين

دخلت للمهندس مصطفي حكيتله واحد اتنين تلاتة قالي لو في اي مشكلة عندك تعلالي انا وقالي كمان لما تيجي تتصل تحجز قولهم هحجز مع المهندس مصطفي .. الراجل ده محترم فعلا وبيفهم وانا من رأيي عربية حضرتك في الضمان يعني ليك عندهم حق ولازم تاخده

**eng.m7md.ali** · 07-01-2015 11:51 PM

المشاركة الأصلية كتبت بواسطة amado2015

يعني انت رايك هي حلوه ليه ؟؟؟؟

بص ياكبير انا كان معايا واجا من سنة 2009 كنت مخنوق من كتر المشاكل اللي فيها وفكرت كتير ابيعها

بعد ماخلصت الضمان سبحان الله العربية اتظبطت من كل حاجة وكنت مبسوط بيها وبعد ماركبت عربيات كتير فعلا مفيش عربية تستاهل اجيبها بالسعر ده غير بروتون وجبت جين2 زيرو دلوقتي لانك مش هتلاقي التميز والاعتمادية والثبات والموتور المحترم في الفئة دي غير في بروتون

لو قلقان منها يبقي بلاش مشاكلها كلها تافهة مش مشكلة ماستر فرامل ولا فرامل بتهرب ولا صدا ولا الكلام ده ... التقفيل مش شايفه وحش بالمقارنة بعربية زي الشارك والريو .. هما احسن اه بس الفرق عادي ومش فارق معايا حاج انا يهمني الاقي عربية تحت رجلي مش عربية هيا اللي تتحكم فيا

**carrier** · 08-01-2015 12:28 AM

المشاركة الأصلية كتبت بواسطة noureldenadel4

بص يا كبير انا برضه كنت زيك و الكل قالى ابعد عن البرتون من غير ابداء اسباب و ركبت دماغى و جبت برسونا 2009 اتوماتيك مستعمله بقالها معايا شهر و بجد كنت هندم لو كنت جبت حاجه تانيه و على فكرة انا نازل من النترا 2006 اتوماتيك حسيت انى عليت كتير بجد ركوبه محترمه

ربنا يبارك فى عربيتك يا نور ويديك خيرها ويكفيك شرها

انت عربيتك مميزة رغم انها مستعملة برده الخليجى ارقى مفيش كلام

..... عملت ايه فى الكاوتش هتغيره زى ما انا عملت من كام يوم ...

**carrier** · 08-01-2015 12:40 AM

المشاركة الأصلية كتبت بواسطة amado2015

هو ده اللي مخوفني منها الشكاوي الكتير اللي فيها

العربة دى مشاكلها كلها دلع

هيا ملهاش مشاكل اصلا .... انا بتكلم عالجين2

**Omar Mahmoud** · 08-01-2015 02:55 AM

اي عربية غير هيونداي/كيا/لانسر بومة/كريستالة/نيسان/تويوتا/دايو
طبيعي هيقولولك ملهاش قطع غيار و غالية نااااااار و لما تزنق واحد منهم في الكلام ميعرفش يرد
و هتسمع اللي يقوللك اصل لما تعمل بيها واحد امبليه مش بتديك اتنين فرقعة في الشكمان و كلام غريب
انا فضلت فترة مقتنع إن خامات بروتون زبالة من ناحية التابلوه
شفت بيجو 301/اكسنت/ريو/شارك ملقتش فرق اللي هو يستاهل
حتي التقفيل في الموديلات الجديدة بقي كويس بس اقل منهم بردو
بالنسبة لقطع الغيار المحلات موجودة و كتير و الحاجات متوفرة جديد و استيراد
انا مش بنكر إن في ناس عندها مشاكل دي حاجة واردة في اي عربية زي bmw الفئة السابعة اللي عربيته فيها مشاكل زي مشاكل البيجو 301 زي المشاكل اللي حصلت مع عربيات اوبل.

**noureldenadel4** · 08-01-2015 03:48 PM

المشاركة الأصلية كتبت بواسطة carrier

ربنا يبارك فى عربيتك يا نور ويديك خيرها ويكفيك شرها

انت عربيتك مميزة رغم انها مستعملة برده الخليجى ارقى مفيش كلام

..... عملت ايه فى الكاوتش هتغيره زى ما انا عملت من كام يوم ...

ازيك يا بشمهندس خالد وحشنى كتير انا طبعا هغيره بس مستنى حضرتك تقولى اجيبه منين زى ما اتفقنا

**AMADO2015** · 09-01-2015 02:23 AM

يعني رايكم عربيه محترمه

**eng.m7md.ali** · 09-01-2015 01:52 PM

التجربة خير دليل ... انصحك تجربها الاول في التوكيل

**Eslam.Elrefaey** · 09-01-2015 03:04 PM

بص من الآخر الفئة دى تطلع منها الصنى دى تماماا وكفايا المشاكل الى الناس عمالة بتشتكى منها وقضايا وقرف
ال301 عربية لسه جديدة وحلوة عايز تجربها براحتك بس انا مش بشوفها فى الشارع كتير والتوكيل معرفش ايه نظامه ولا قطع غيارها بس انت بنفس سعر الجين هتجيب الفئة الاولى وحط ده فى الاعتبار
قدامك حل من ثلاثة بقا يا ريو وهتبقى فئة قليلة ومش ختبقى حلوة الا لو اعلى فئة والفرق بينها وبين الجين فى التقفيل احسن واحسن كتير كمان بس متتركبش الا اعلى فئة وهتبقى سيتى كار لا بتاعت غرز ولا شد ولا تعدى ال 140 دى هتبقى حلوة معاك
الحل التانى تجيب شارك وتزنق نفسك فى الفلوس او تدفع الى معاك مقدم والباقى قسط والعربية بدأت تنتشر وهتبقى زى البوما قريب لو كملت على الحال بتاعها دلوقتى
يا تجيب الجين شكل وثبات وموتور وكل حاجة قطع غيار عايز توكيل موجود وفى نفس الوقت فى بدائل تانية كتييييرة جدا مشاكلها كلها كمشاكل اساسية يعنى فى التقفيل يعنى زراير مالتى تعلق زجاج كهربا يعلق كلها حاجات بسيطة اتصلحت عن الموديلات السابقة ولكنها مازالت موجودة
اتمنى انى مكنتش لخبطك زيادة وعرفت تاخود قرارك