البطاريه ريحت في اليومين التلج الي احنا فيهم

**hagagatc** · 08-01-2015 07:35 PM

البطاريه عندي ريحت كنت راكن العربيه اسبوع رجعت لاقيتها نايمه والعريه مش عايزه تدور
اخت واصله من واحد ودارت ومشيت بيها مشوار بتاع كيلو ووقفت ودارت بعدها عادي بعد ساعتين قلت يمكن في تهريب بيفضي البطاريه المهم انا ركنتها حوالي يومين تاني انتوا عارفين الجو ميشجعش الخروج خالص وجيت ادورها نفس القصه هل البطاريه كده بيباي ولا الجو قاسي شويه علي البطاريه

ولو هي كده باظت ممكن حد يقلي افضل نوع بطاريه موجود حاليا في السوق
اجيب فارتا ولا اي سي ديليكو ولا بنر ولا الكوري وبكام ومنين لو امكن
مع العلم الي عندي نوعها maxxis ومكملتش سنتين
وممكن اعرف الاسعار العربيه اوبل فيكترا ٢٠٠٠ سي سي اجيب ٤٤ امبيز زي الي في الكاتالوج ولا اجيب ٦٦ زي الي فيها دلوقتي عادي و لا لو الامبير اعلي يضر العربيه سوال مهم

**نور كمال** · 09-01-2015 04:05 AM

الشتاء تيجي و تبدأمشاكل البطاريات أنا حصل معايا نفس الموقف أنا ركنت العربية حوالي أسبوع من غير ما دورها نهائي خلال الأسبوع ده المهم جيت طالع بعد الأسبوع الحلو ده و في البرد الجميل ده لاقيت البطارية وخده تعسيلة حاولت معها بس فضلت نايمة المهم عملت واصلة من بطارية واحد جاري و دارت و بعد كده مفيش مشكلة بس أنا عايز أعرف أنا جايب البطارية دي جديدة من فترة قصيرة جدا و هي جافة 70 أمبير كلورايد المهم البطارية ممكن تنام حتى و لو جديدة جافة أو ميه لو ركنت العربية فترة من غير مادورها و لو كان الأمر كده كيف أتجنب مشاكل نوم البطارية في الشتا بالذات و لو عايز أركنها لكذا يوم مثلا أفصل الكابلات بتعتها و لا أعمل إيه بالظبط أرجو من أي عضو يكون فاهم كويس في الموضوع ده يرد عليا بالتفصيل و له جزيل الشكر لأن الأمر ده يهم ناس كتيرة من أصحاب العربيات

**carrier** · 09-01-2015 06:47 AM

المشاركة الأصلية كتبت بواسطة نور كمال

الشتاء تيجي و تبدأمشاكل البطاريات أنا حصل معايا نفس الموقف أنا ركنت العربية حوالي أسبوع من غير ما دورها نهائي خلال الأسبوع ده المهم جيت طالع بعد الأسبوع الحلو ده و في البرد الجميل ده لاقيت البطارية وخده تعسيلة حاولت معها بس فضلت نايمة المهم عملت واصلة من بطارية واحد جاري و دارت و بعد كده مفيش مشكلة بس أنا عايز أعرف أنا جايب البطارية دي جديدة من فترة قصيرة جدا و هي جافة 70 أمبير كلورايد المهم البطارية ممكن تنام حتى و لو جديدة جافة أو ميه لو ركنت العربية فترة من غير مادورها و لو كان الأمر كده كيف أتجنب مشاكل نوم البطارية في الشتا بالذات و لو عايز أركنها لكذا يوم مثلا أفصل الكابلات بتعتها و لا أعمل إيه بالظبط أرجو من أي عضو يكون فاهم كويس في الموضوع ده يرد عليا بالتفصيل و له جزيل الشكر لأن الأمر ده يهم ناس كتيرة من أصحاب العربيات

اولا تدوها لمدة 5 دقايق يوميا
ثانيا تشيلها خالص فى البيت لو هتركنها فترة
ثالثا البطاريات الخليجى فى الجو دا
بتصمد
اسبوع كامل جوه العربية وسنة كاملة بالمنزل بلا تهريب شحن

**DR.M** · 09-01-2015 12:39 PM

البطاريه جديده من اسبوعين و طولت شويه في الدوارة بس الصبح في الجو ده

ده عادي؟

كل سنه وانتم طيبين . سنه سعيده ان شاء الله

**Mecha** · 09-01-2015 01:40 PM

طبعا ٦٦ او ٧٠ امبير افضل خصوصا في ظروف البرد الصعبه,ودايما اكتب التاريخ ع البطاريه ,شوف شحن الدينمو الاول ,ممكن تشتري كسوة ليها او غطيها ببطانية قديمة