الموضوع: أفضل مكان أشتري منه لآب توب مستعمل ؟!؟

المشاركة الأصلية كتبت بواسطة elkorany

شكرا لحضرتك
بس ممكن تفهمنى
انا مش فاهم ايه الرق بين الوسيط وتشترى مباشرة
انا دخلت على ايباى
كلهك ناس بيبيعو
يمكن اكون مدورتش كويس
مستنى ردك

العفو على ايه؟ ح اقولك

اول حاجة فيه ناس بيبيعوا و بيكونوا مش بيشحنوا لمصر فدور الوسيط هنا انه بيكون عنده فرع مثلا فى امريكا بيشحن عليه و بعدين الفرع ده بيشحن عليه هنا فى مصر و بعد كده بيسلمهولك

تانى حاجة موقع زى الايباى فى طرق الدفع لازم بالباى بال و ده لسه مفتوح لمصر من فترة قريبه و انا فتحه و زى قلته يعنى ممنوع حد يدفعلك عليه حاجة و فى نفس الوقت المسموح بيه فقط اللى انت تدفع و المشكلة كمان ما ينفعشى اللى انت تحول رصيد من حسابك علشان تدفع بيه

تالت حاجة اللى فقعانى بصراحة ان الوسيط مطلع نفسه من الليلة و بيقولك انت اللى تختار الحاجة اللى انت عاوزها على ضمانتك و انا ماليش دعوة و تيجى اول ما تختار الحاجة و تعمل امر شراء يقولك الدفع مقدما زائد الجمارك زائد عمولته و بيخلى حساب الشحن لما بتيجى تستلم الحاجة بيقولك قيمة الشحن كذا

انا لما جبت التابلت سلموهولى من غير اى حاجة و لا شاحن و لا وصلة و لا الهوا و لما قولتلهم فين الباقى قاللولى هو جى كده قولتلهم لا انا معايا الرابط و فيه حاجات ناقصة راحوا غيروا كلامهم و قاللولى انه اتحجز فى الجمارك و فضلت اتخانق معاهم لحد ما قالولى اختار الشاحن اللى انت عاوزه من الايباى و احنا ح نجيبهولك على حسبنا