الموضوع: S×4 2015

المشاركة الأصلية كتبت بواسطة manny3000

طب ما تجرب فرع ابو رواش و نتصل بالشركة الام ازاى ما كده كده وكيلها فى مصر هو اللى برده هيتعامل معانا . دى عايزة نجمع اكبر عدد من ماليكى السيارة و نروح هناك شكوى جماعى و لازم نقعد مع حد مسئول و نشوف حل للمشكلة دى و بعدها نقرر هنعمل ايه سواء اننا نروح حماية المستهلك و منها على النيابة لو خدنا ورق من هناك بيقول ان قطع الغيار مضروبة

للأسف فرع أبو رواش بيقولوا إنه مثل فرع الهايكستب بالتمام ، وبالنسبة لتجميع أكبر عدد من مالكى سوزوكي ومش شرط مالكى s×4 لأن العربية لسة مانتشرتش إلى الآن ، المهم كنا عايزين نعرف جهاز حماية المستهلك أخذ قرار إيه بالظبط مع التوكيل ، قرأت فى المنتدى إن شوارع مصر كانت هاتنتشر فيها أنواع سوزوكي المختلفة ولكن لسوء سمعة التوكيل الناس بقت تحجم على شراء سوزوكي، مش عارف الواحد أتصرف صح لما اشترى هذه السيارة الغالية فى ثمنها وغاليه فى كماليتها ولكن الواحد ماحسبهاش صح وعمل حساب المعاملة بعد البيع ، طولت عليك أن متفق معاك فى كل كلمة قولتها. تحياتي

السلام عليكم جميعاً تخيلوا إن قطع الغيار الخاصة بسيراتنا المحبوبة لنا s×4 لم تسعر حتى وقتنا هذا العربية موجودة بالسوق المصرى من شهر أكتوبر الماضي 2014 وحتى الآن لا تعرف أسعار قطع الغيار. تم الاتصال بفرع مودرن موتورز مدينة نصر ولا يعرفوا حاجة عن الأسعار وهل قطع الغيار وصلت ما فيش أخبار .ده بالذمة يدل على إيه. الناس فى التوكيل المذكور مكبرة دمغاتها . طيب لقدر الله الواحد محتاج قطع غيار لازم يذهب إلى فرع أبو رواش عشان تعرف إذا كانت قطع الغيار موجودة ولا لسه مجتش وسعرها لسه لم يتحدد. عجبى على دى ناس. تحياتى.

انا عرفت من صديق ليا ان نزلت قطع الغيار فى فرع التوكيل اللى فى الدقى و اسعارها عندهم هناك

I used to go to the Dokki branch when I had my Suzuki Vitara, and they were fine.
I even changed the driving chain there. It was good service (but cost much ~ 10K LE)

المشاركة الأصلية كتبت بواسطة احمد فهمى

عربيه محترمه انا كنت شاري لقريبي اول انتاج لها من سنين وكانت فنظري افضل من كل المثيل وانا متآكد ان الجديده تمام

بصراحة موديل 2015 لا يعلو عليه فى النعومية والابشن ياباني بنكهة اوربى ما شاء الله عليها العربية دى لو كان اتعملها دعاية صح كانت هاتنتشر اكتر من الكورى بس العيب على التوكيل لم يقم بالدعاية الكافية ولكننى أنصح بشرائها لكل محبى سوزوكي

ربنا يرزقك خيرها ويكفيك شرها

استاذ Mody Basha معلش عندى شوية اسئلة عشان انا عايز اغير عربيتى و شكلى كده هحن لنفس الموديل تانى بما انى مشفتش اى حاجة وحشة منها و كمان الموديل الجديد فيه كل الاوبشن اللى كانت ناقصة عندى...

ايه اخبار العربية عموما مع حضرتك؟ يعنى هل بتحس بمتعة القيادة و انك حاببها؟
هل العفشة ناشفة زى الموديل السابق؟
الفتيس CVT هل بتحس فيه بالنقلات ولا لأ؟و مدى استجابته؟
العزل على السرعة المنخفضة و العالية؟
استهلاك البنزين؟و بتستخدم 92 و لا 95؟
الثبات على السرعة العالية؟
هل وجهتك اى مشاكل؟
ايه عيوب العربية من وجهة نظرك؟

معلش الأسئلة كتير شوية بس ده لانى ملاقيتش تقيم ليها يضم الايجابات...

الأسئلة طبعا لحضرتك او اى مالك للسيارة يحب يرد عليها او يضيف اى حاجة...

شكرا...