الموضوع: مقص وبطاحة ولا بارات دخلى وخارجى ولا هتطلع علبة دركسيون ؟

السلام عليكم
أعضاء المنتدى الكرام
عربيتى سريون 2009 gl ولسة عامل صيانة ال 45 .. فى صيانة ال 35 التوكيل قالى إن علبة الدركسيون محتاجة تتغير والحمد لله غيروها وكان خلاص الضمان بيخلص.
بقالى فترة ملاحظ إن فى الأرض المكسرة وحتى بسرعة قليلة بحس إن فيه زنة أو خروشة فى التابلوه من ناحية اليمين والدركسيون تحت إيدى الهبد بتاع الطريق مسمع فيه
فى صيانة ال 40 المهندس قالى البطاحة بتاعة المساعد اليمين فيها بوش وسألنى لو جبت الدركسيون يمين على الأخر بتسمع صوت ؟ قولتله لأ قالى يبقى نسيبها للصيانة الجاية ونشوف
فى صيانة ال 45 بقى المهندس قالى فى عندنا حاجتين: المقص اليمين أشد ضررا والبطاحة بعد منه
قلتله المقص ؟!!! فجأة كدة ؟ قالى عادى
المهم مشيت وقلت أشوف برة .. روحت لصنايعى فى فيصل ثقة تبع صديق ليا .. رفع العربية وقالى فك الموسوجر (طبعا مكنتش فاهم فى الأول هو قصدة إيه لأن معلوماتى فى العربيات على قدى وده سبب مرواح التوكيل حتى بعض الضمان ما خلص المهم كان عايزنى أدور العربية) وقعد يحرك الفردة اليمين ولقيت الدركسيون بيلف لواحده.
قالى عايزه بارات دركسيون داخى وخارجى. قلتله طب والمقص والبطاحة ؟ قالى مفيهمش حاجة !!!!
طبعا وبسبب إن معلوماتى على قدى فبقوله من باب العلم بالشئ أنا كنت مغير علبة الدركسيون من فترة
قالى مهو البارات دى تبع العلبة !!!!!!!!!!!!!!!!!!!!!!!!!!!!!!
قلتله يعنى العلبة باظت تانى ؟؟؟؟؟ قالى لأ هى البارات بس عايزة تتغير

التوكيل بقى بينصب؟ ولا الفنى اللى فى التوكيل مش فاهم؟ ولا الراجل ده اللى بيفتى؟ ولا إيه بالظبط؟

الرجاء بقى من الأخوة الأفاضل يشوروا عليا أعمل إيه وأجيب إيه منين وأروح فين

معذرة للإطالة