الموضوع: الخرطوم ده بتاع ايه؟

قبل ما أدور العربيه امبارح لقيت بقعتين تحت العربيه من تحت الكبوت يعني تحت المكنه.. لمستهم بايدي وشميت الريحه ملقتهاش بنزين ولقيت ملمسهم زيتي يعني مش ميه

المهم قعدت أبص تحت كويس يمين وشمال واتأكدت انه مش زيت الفرامل ولا زيت من كارتيرة الزيت ولا من الفتيس

فتحت الكبوت وقعدت أبص جوه لقيت خرطوم مقطوع و"مندي" يعني عليه طبقة زيت عند القطع والحته اللي عندها القطع عند مشترك حرف t وتخانة الخرطوم حوالي 1 - 1.5 سم

رحت لميكانيكي قعد يلف مع الخرطوم ده وطلع الطرف بتاعه ولقيه مش واصل في حاجه وقاللي ده لبخر الزيت وهو المفروض يوصل على المنافو اللي في الكربيراتير بس علشان صوت المكنه ميعلاش علشان العربيه انجكشن طلعوه من بره وربطه بقفيز بلاستيك مع خرطوم تاني مش عارف بتاع ايه وسابه وقاللي مش هيعمل حاجه

قلتله هل يعني فيه مشكله قاللي لأ مفيش حاجه وبس

أنا مش فاهم ممكن تفهموني ايه الحوار؟

العربيه شاهين 2007 انجكشن لسه واخدها من شهر ونص

خرطوم نفس للمكنه ,بيطلع تهريب الكبس ,المفروض يخش ع المنفولد عشان يتحرق تاني