وبدأت رحلة الـ bm 316 بمشيئة الله

**KING_LEDO** · 15-01-2015 05:05 PM

فى الأنتظار

**cptmero** · 15-01-2015 06:20 PM

الف مبرووك ربنا يديك خيرها ويكفيك شرها , انا كنت سئلت عليها من شهرين كانت ب 140 سعرها كدا مناسب , ربنا يباركلك وتوصل بالسلامه بس ياريت تكون شاحنها في شركه شحن محترمه انا واحد صاحبي شحن في شركه والعربيه وصلت مخبوطه ولحد دلوقتي مخدتش حاجه شيك عليها كويس وقبل ماتعمل ورق الجمارك

**cptmero** · 15-01-2015 06:22 PM

المشاركة الأصلية كتبت بواسطة chef

هههههههه مقولتك دى ان مش اى حد معاه فلوس يركب بى ام فى محلها فعلا .. وبالمناسبه انا زيك بالضبط حاجز بى ام 320 من السعوديه توكيل الدمام عند استاز عادل وهو محتار معايااا جداا لدرجه انه بيزن عليا اختار ال316 لا ان فيها ميزات مش موجوده فى ال320 زى الكروم النيكل اللى فى الخلف وكمان الجنط شكله افضل ... بس انا ميال اوووى ل320 وليكنمايكون جمارجها بس لو انت خلصتها فى الجمارك فى مصر بسعر افضل اكيد هافكر تانى فيها .. وانت طبعاا عارف الحيرة فى الاختيار تخنق اد ايه .. عموماا ربنا يوفقك ويجعلها قدم الخير على حضرتك

ال320 هتخش في جمارك 135 % على ما اعتقد !

**chef** · 15-01-2015 10:33 PM

المشاركة الأصلية كتبت بواسطة ayman_saad

أمين يارب العالمين
أنا معاك أن ال 320 طبعا موتور جبار ولكن تقدر تاخد ٣١٦ نفس الشكل وكماليات ال ٣٢٠ وتزيد الكروم كمان ،
والاهم أنك بتتكلم في شريحة مختلفه تماما من الجمارك ، لأن ال ٣٢٠ ٢٠٠٠ cc وده طبعا بيدخلك في شريحة عاليه جدا
تقريبا الضعف ،
عامة بعد ماتخلص الأجراءات هبلغ حضراتكم بكل التفاصيل الماليه من أول ما أشتريت لحد ماتوصل بأذن مكانها بأذن الله .

ياباشا ان شاء الله انا مش ناوى انزلها دلوقتى خالص مش اقل من خمس سنوات على الاقل فالسؤال باردو الجمارك هاتفضل زى ماهى ؟ وبعدين ان المفروض حالياا الجمارك على الاوربى تنزل 10% يعنى 36% ولا كلام وخلاص من الجمارك

**Ayman_saad** · 16-01-2015 06:03 AM

المشاركة الأصلية كتبت بواسطة hisham80

ألف مبرك ربنا يديلك خيرها ويكفيك شرها

الله يبارك في حضرتك
شكرا علي ذوقك

**Ayman_saad** · 16-01-2015 06:04 AM

المشاركة الأصلية كتبت بواسطة mohamed bander

الف مبروك،، توصلك يالسلامة

الله يبارك في حضرتك
الله يسلمك
شكرا يافندم

**Ayman_saad** · 16-01-2015 06:05 AM

المشاركة الأصلية كتبت بواسطة king_ledo

فى الأنتظار

الله يبارك فيك يافندم
بأذن الله الأنتظار مش هيطول ،
هانت

**Ayman_saad** · 16-01-2015 06:09 AM

المشاركة الأصلية كتبت بواسطة cptmero

الف مبرووك ربنا يديك خيرها ويكفيك شرها , انا كنت سئلت عليها من شهرين كانت ب 140 سعرها كدا مناسب , ربنا يباركلك وتوصل بالسلامه بس ياريت تكون شاحنها في شركه شحن محترمه انا واحد صاحبي شحن في شركه والعربيه وصلت مخبوطه ولحد دلوقتي مخدتش حاجه شيك عليها كويس وقبل ماتعمل ورق الجمارك

الله يبارك فيك وعقبالك بأذن الله
اه هي فعلا كانت كده بس عملوا عليها عرض ونزلت إلي ١٣٠ الف ريال
بالنسبة للشحن ربنا يستر ، والحارس ربنا ، للآسف مفيش بأيدنا حاجه ، ندعو الله أن يحفظها
شكرا لمرورك الكريم وتنبيهي

**ENG.MaRk** · 16-01-2015 08:47 AM

المشاركة الأصلية كتبت بواسطة Ayman_saad

الله يبارك فيك باشمهندس ،
المرسيدس طبعا عربية ولا كلمة وكنت ومازلت معجب بيها جدا ولكن صدقني
ال bm لها طعم تاني برضو
وزي ماقالوا ( أي خد معاه فلوس يقدر يركب مرسيدس ، ولكن مش أي حد معاه فلوس يركب bm )
طيب بذمتك المقوله دي صح ولا لأ ،
شكرا علي مرورك يافندم

أنا كأب و عندي أسرة مش بيفرق معايا الجري خالص و مع ذلك عوامل الأمان بتفرق ... المرسيدس إحساس بالفخامة و الأمان و البي ام لا تتفوق إلا في السحب و بفرق يكاد يكون مش ملحوظ ... أنا شخصياً مش من عشاق البي ام للأسف لكن ابني بيموت فيها و يمكن بيحبها أكتر من الamerican muscles ... المقولة صح 100% لأن اللي بيقدّر البي ام ده دماغ لوحده :) و فعلاً أي حد معاه فلوس يقدر يركب مرسيدس ... مبروك مقدماً و ماتنساش تكتب تقرير عن الفرق بينها و بين النسخة المصرية

**Hosam_Optrawy** · 16-01-2015 12:43 PM

المشاركة الأصلية كتبت بواسطة chef

ياباشا ان شاء الله انا مش ناوى انزلها دلوقتى خالص مش اقل من خمس سنوات على الاقل فالسؤال باردو الجمارك هاتفضل زى ماهى ؟ وبعدين ان المفروض حالياا الجمارك على الاوربى تنزل 10% يعنى 36% ولا كلام وخلاص من الجمارك

خصم الجمارك على الأوروبى لازم تكون جايبها من المانيا مباشرة وانت المالك الأول ليها

اما لو نزلت عربيه اوروبى من الخليج ماعليهاش تخفيض اوروبى ، بيطبق عليها خصم الإستعمال فقط اللى هو 10 % من تمن العربيه أول سنه وبعد كدا كل سنه ينزل 5 % كمان بحد أقصى 50 % بعد 9 سنوات

لكن الجمرك هايبقى ثابت 135 % + 45 % ضريبة مبيعات + 5 % رسم تنميه ، دا عشان ال 320 اكتر من 1600 سى سى

للتوضيح كمثال لو إفترضنا ان تمن العربيه 300 الف جنيه مصري

الجمرك هايبقى 300 الف * 135 % + 45 % + 5 % هايطلع حوالى 770 الف جمرك بس !! يعنى هاتبقى واقفه عليك فوق المليون

لو هاتنزلها بعد 5 سنين هايبقى عليها خصم إستعمال 30 % يعنى بدل مايحسبلك الجمارك على 300 الف هايحسبهالك على 210 الف

يبقى 210 الف * 135 % + 45 % + 5 % هايبقى حوالى 540 الف جنيه يعنى برضه هاتبقى واقفه عليك فوق ال 800 الف جنيه

الخلاصه ان تنزيل عربيه فوق ال 1600 خساره ماديه فادحه

- - - - - - - - - - - -

لكن لو هاتشترى العربيه النهارده من المانيا وتنزلها بعد 5 سنين هاتبقى جماركها حنينه عن كدا بكتير اوى

لان الجمارك النهارده عالعربيات الاوروبى اللى جايه من أوروبا مباشرة بقت 67.5 % بدل 135 %

وبعد 5 سنين كمان ان شاء الله هاتبقى صفر جمارك

كمثال برضه ال 320 تمنها في المانيا بيبدأ من 36.400 يورو يعنى حوالى 308 الف جنيه قول 300 برضه عشان نعرف نحسبها بسهوله

بعد 5 سنين هايبقى عليها خصم استعمال 30 % يبقى تمنها 210 الف

وبعد خمس سنين برضه الجمارك ان شاء الله هاتبقى صفر

يبقى 210 الف * 45 % + 5 % الجمرك هايبقى حوالى 110 الف جنيه

واسف على الإطاله والإحباط أيضا :)