الموضوع: ارتجاج البمخ!

عمرى 17 عام وقعت على رأسى من الخلف على ارض بلاط منذ 6 اشهر ولم افقد وعيى بس كنت مشوش جدا وتاية وبلخبط فالكلام ومش عارف انا كنت بقول ايه. وروحت تانى يوم للدكتور قالى اعمل اشعة ct وعملتها وطلعت سليمة الدكتور قالى ارتاح اسبوع. انا بقى مرتحتش ولا يوم وبقيت ببحث عالنت على حالات مشابهة لحالتى علشان اطمن نفسى. انا من النوع الموسوس جدا. وكمان انا ثانوية عامة فخايف من اى حاجه تحصلى تأثر عليا. وانا دلوقتى حاسس انى بنسى كتييير ومش زى زمان ومش عارف اركذ. ونظرتى للحياه اختلفت بمعنى انى زمان لما كان بيحصلى حاجه مثلا نسيت حاجه مكنتش بفكر كتير انما دلوقتى بفكر فى ايه حاجه بتحصلى واقول هو انا كنت كدا زمان ولا لا... وانا دلوقتى مش قادر افتكر انا زمان كان تفكيرى عامل ازاى وهل انا كنت زى دلوقتى ولا لا. فهل فعلا الوااقعة مأثرة عليا ولا لا؟ افيدووونى انا دلوقتى بقت كل حياتى تفكير فالوقعة وبقيت حاسس انى هتجننن ومش عارف اذاكر ولا اعمل حاجه بسبب التفكير...

مخ الانسان محدش عرف يوصل ﻷسراره حتى الآن
عدم فقد الوعي بعد إرتجاج المخ اللي حصل يعتبر علامة كويسة. أما موضوع النسيان اللي بتشتكي منه، فيه أبحاث ذكرت ان الموضوع ده بيحصل بعد الإصابة في 25% من اﻷشخاص وممكن يستمر شهور بعد الإصابة (انا بتكلم عن نسيان اﻷحداث المستقبلية -antegrade- مش الماضي)
بس اتطمن الموضوع مؤقت وحترجع زي ما كنت.