ألاقي فين 118i Sport موديل ٢٠١٤ زيرو؟!

**OldVic** · 20-01-2015 10:47 PM

مساء الخير!

أول إمبارح رحت عملت تست درايڤ لل 118 في الباڤارية فرع التجمع. دي أول بي إم أسوقها، و أول عربية دفع خلفي، و الحقيقة بعد ما جربتها رجحت كفتها عن كام عربية تانيين كنت بأفكر فيهم زي ال DS4 و ال DS5؛ لكن لسه محتار مع نزول البيجو ٣٠٨ الشكل الجديد ككماليات و كقيمة مقابل النقود. الحاجة اللي مخلياني متردد هي فقر الكماليات في البي إم ال Premium، زي مثلا الكشافات الهالوچين، السماعات ضعيفة مقارنة بالسيات ألتيا (عربيتي القديمة)، مفيش كروز كنترول إلخ. و في نفس الوقت، ال Sport غالية شوية. محدش يعرف معرض محترم عنده Sport ستوك قديم (٢٠١٤) بسعر كويس؟! زيرو فقط، معنديش استعداد للدخول في مهاترات المستعمل.

شكراً مقدماً :)

**khaledmekawy2008** · 21-01-2015 12:17 AM

طيب انت عارف الفرق بين البريميوم والسبورت؟؟؟

**OldVic** · 21-01-2015 07:04 AM

المشاركة الأصلية كتبت بواسطة khaledmekawy2008

طيب انت عارف الفرق بين البريميوم والسبورت؟؟؟

هاهاها، ده سؤال ولا امتحان؟

السبورت تزيد زينون و فتحة سقف و كروز كنترول (البريميوم فيها محدد سرعة بس)، و صالونها فيه خياطة بالأحمر و التابلوه اسود لامع (بدل ال inserts الفضي) مع خط أحمر. مش متأكد اذا كان فيه اختلافات تانية

**khaledmekawy2008** · 21-01-2015 07:46 AM

المشاركة الأصلية كتبت بواسطة oldvic

هاهاها، ده سؤال ولا امتحان؟

السبورت تزيد زينون و فتحة سقف و كروز كنترول (البريميوم فيها محدد سرعة بس)، و صالونها فيه خياطة بالأحمر و التابلوه اسود لامع (بدل ال inserts الفضي) مع خط أحمر. مش متأكد اذا كان فيه اختلافات تانية

هههههههه مش امتحان ولا حاجة
اصل انا قلبت النت عشان اعرف الفرق بالظبط معرفتش بصراحة
فعايز اعرف هل الفرق يستاهل اني اجيب السبورت ولا لا ....
انا زيك كده مستعجل بس مس عايز اتهور وارجع اندم اني مجبتش السبورت منها
بس صحيح اللي انت عمبتلها تست درايف كانت بريميوم ولا سبورت؟؟

**ENG.MaRk** · 21-01-2015 09:34 AM

اوعي تقارن أبداً البي ام 118 بالبيجو 308 لأن النتيجة معروفة و إن كانت الكماليات و ربما الشكل في صالح البيجو و لكن البي ام إحساس مختلف تماماً أثناء القيادة و هتحس بالقوة و المتعة و انت سايق و خصوصاً إنها RWD ... ماتتنازلش عن الفئة الsport لأن الpremium فعلاً كمالياتها مش قد كدة و إن كانت الpremium بتنزل برة مصر بكماليات أحسن من الsport في مصر :) ... ليه استبعدت الDS5 ... علي فكرة عربية ممتازة و بحر كماليات حتي و لو مش RWD !!!
خلاصة القول حرام تدفع كل ده في عربية مفيهاش كماليات انت عايزها ... لو تقدر تيجي علي نفسك شوية و تشتري الsport يبقي تمام و لو مش هتقدر ممكن تقسّط الفرق علي سنة مثلاً !!!

**2CODE** · 21-01-2015 01:52 PM

طبعاً بعد التست درايف عرفت الفرق كويس في البي ام ايه :d

نصيحة اشتري السبورت واعمل زيي اشتري بالمره لان هو الواحد بيشتري البي ام زيرو كام مره في حياته ؟؟ !!!!

**OldVic** · 21-01-2015 09:42 PM

المشاركة الأصلية كتبت بواسطة khaledmekawy2008

هههههههه مش امتحان ولا حاجة
اصل انا قلبت النت عشان اعرف الفرق بالظبط معرفتش بصراحة
فعايز اعرف هل الفرق يستاهل اني اجيب السبورت ولا لا ....
انا زيك كده مستعجل بس مس عايز اتهور وارجع اندم اني مجبتش السبورت منها
بس صحيح اللي انت عمبتلها تست درايف كانت بريميوم ولا سبورت؟؟

هاهاها، أنا بانكشك بس. كانت بريميوم، و كانت عاملة ٦ آلاف كيلو. لونها midnight blue. طب قول لي،وعملت حاجة ولا لسه؟ أنا أخدت أجازة من الشغل بكرة و هأروح فرع ال resale يمكن ألاقي حاجة تشدني، مع إني موسوس و مش من أنصار المستعمل.

**OldVic** · 21-01-2015 09:43 PM

المشاركة الأصلية كتبت بواسطة 2code

طبعاً بعد التست درايف عرفت الفرق كويس في البي ام ايه :d

نصيحة اشتري السبورت واعمل زيي اشتري بالمره لان هو الواحد بيشتري البي ام زيرو كام مره في حياته ؟؟ !!!!

كلامك صح، بس السيولة بتحد الواحد.

**khaledmekawy2008** · 21-01-2015 10:10 PM

المشاركة الأصلية كتبت بواسطة oldvic

هاهاها، أنا بانكشك بس. كانت بريميوم، و كانت عاملة ٦ آلاف كيلو. لونها midnight blue. طب قول لي،وعملت حاجة ولا لسه؟ أنا أخدت أجازة من الشغل بكرة و هأروح فرع ال resale يمكن ألاقي حاجة تشدني، مع إني موسوس و مش من أنصار المستعمل.

انا فعلا اتفرجت علي عربية ماشية 40 الف كيلو مفهاش خربوش واحد ولونها ابيض تحفة جدا
عليها طقم جنط من التوكيل ب 20 الف جنيه منطق العربية بصراحة مطلوب فيها 210 الف فانا شايف ان سعرها كويس جدا بالنسببة لحالة العربية بصراحة...انت ايه رايك ؟؟

المشكلة انها بريميوم وانا برضه موسوس فنقطة اني استني اشوف واحدة سبورت احسن..

انا قررت انزل بكرة اروح أي فرع من فروع التوكيل اعرف الليلة كلها لاني مفيش معلومات عن العربية دي بما فيه الكفاية عالنت

**khaledmekawy2008** · 21-01-2015 10:13 PM

ومن رأيي كمان بلاش تجيب زيرو دلوقتي استني الفيس لفت لما تنزل عشان بصراحة لما تركب عربية زيرو وبعدها بكام شهر ينزلها تعديل فالشكل هتزعل اوي والفيس ليفت اللي هتنزل شكلها بصراحة وهم انا من رايي تجيب مستعمل ولما الفيس لفت ينزل بيعها وهات الفيس لفت زيرو وايبقي اسمك راكب اخر شكل للعربية ومنعرفش هل هتفرق فالاوبشنز ولا لا؟؟؟

الموضوع: ألاقي فين 118i Sport موديل ٢٠١٤ زيرو؟!

LinkBack

أدوات الموضوع

عرض

-

-

-

-

المواضيع المتشابهه

مطلوب تيجو ٢٠١٤ كسر زيرو

شارك ٢٠١٥ زيرو ولا بومة ٢٠١٤ زيرو و لا بيجو ٣٠١ ٢٠١٥ زيرو

شيفروليه كروز ٢٠١٤ ولا فولكس فاجن بولو سيدان ٢٠١٤ ولا كيا ريو هاتشباك ٢٠١٤ هايلاين

هوندا سيفيك ٢٠٠٩/٢٠١٠ ولا شارك ٢٠١٤ زيرو ولا هوندا سيتى ٢٠١٣ زيرو ولا سيراتو زيرو

لسه ممكن ألاقي شارك 2013 هايلاين زيرو؟

الكلمات الدلالية لهذا الموضوع

المفضلات

المفضلات

ضوابط المشاركة