رقم العضوية : 5912
تاريخ التسجيل : 18Feb2008
المشاركات : 371
النوع : ذكر
الاقامة : Maadi
السيارة: SEAT Altea XL 2011
السيارة[2]: Mercedes A200 Style, 2015
الحالة :
لازم آخد قرار الشراء النهاردة و البي إم ١١٨ ضمن ال short list بتاعتي و كنت عايز أعرف رأي ملاكها إيه بعد تجربتهم الشخصية ليها و إيه الفئة اللي راكبينها، سبورت ولا بريميوم. أنا كنت عملت تست درايڤ ليها لكن حاسس إن البريميوم فقيرة شوية في الكماليات و مش متحمس لجودة السماعات، و عندي إحساس إن بدال الفرامل مرحّل ناحية الشمال بزيادة (يمكن ده نتيجة إني لسه مش متعود عليها). أخوكم مزنوق :)
رقم العضوية : 157318
تاريخ التسجيل : 13Mar2014
المشاركات : 2,257
النوع : ذكر
الاقامة : Stuttgart-Hamburg
السيارة: E63 AMG / Audi R8 / Audi A6
السيارة[2]: peugeot 508 2015 Highline
دراجة بخارية: Honda NC700X
الحالة :
-أكيد الsport أحسن بكتير و فرق الكماليات مقابل فرق السعر مش كتير يعني في مصلحتك تجيب الفئة الأعلي :) !!!
-العربية rwd و 170 hp يعني ممتعة جداً في السواقة و مستحيل تبقي مش مستمتع و انت سايقها :)
-الفئة ديه برة مصر بيسمّوها pocket rocket و ده لأنها صغيرة في الحجم و في نفس الوقت قوية جداً (قلب فيل علي جسم نملة)
-فكّر في الA200 لو موضوع البنزين ال95 مش فارق معاك :)
-لو مش فارق معاك برضه موضوع الدفع الخلفي و عايزها hatchback يبقي سيتروين DS5 و لو عايزها سيدان يبقي أوبل انسيجنيا أحسن خيار ليك
-بالنسبة لموضوع الفرامل المترحلة شمال ده عادي هتتعود عليه :)
في النهاية أياً كان اختيار حضرتك أتمني ربنا يوفقك و تعيش و تتهني بيها و ماتنساشناش في التقارير الحلوة بقي :) ... تحياتي
المفضلات