الموضوع: ميتسوبيشى اتراج 2015 بسعر 17 الف جنيه حتى 31 الف جنيه الجمارك و الضرائب المصرية سرقة

المشاركة الأصلية كتبت بواسطة Delta Force

كنت عايز اعرف بندفع للدولة كام ضريبةو جمارك رغم ان احنا مش بننتج مسمار يوحد الى خلق من اول الرئيس لحد اقل واحد فى مصر و المفروض الدولة الغير منتجه زى مصر متعملش ولا ضرايب ولا جمارك زى ليبيا او حتى زى السعودية لكن احنا فر مصر السرقة طبع فى الدولة لكن سرقة بقانون بس المبدأ مختلفش عن حرامى الغسيل او حرامى شباشب المساجد

اتراج 2015 فى مصر تبدأ بسعر 97 الف حتى 111 الف
خد عندك ضرايب و جمارك 80 الف
يعنى اول فئه بسعر 17 الف حتى اعلى فئة بسعر 31 الف

رينو لوجان 2015 فى مصر بسعر 97 الف
جمارك و ضرايب 55 الف
يعنى سعر العربيه 42 الف

احنا بندفع المبالغ دى فى عربيات دة سعرها
و المفروض قانونا مفيش دولة تفرض جمارك و ضرايب ان لم يكن لديها انتاج محلى
و احنا اقسم بالله العلى العظيم ماعندنا انتاج محلى
يبقى فرض الرسوم دى بيخالف كل دول العالم
اذا احنا عندنا حرامية
اذا كلنا مغفلين و بنتسرق
منهم لله الناس فى مصر لسه بتركب 127 بسعر ميتسوبيشى اتراج
الناس كل يوم بتموت بسبب العربيات الى الايرباج فى مصر كماليات و فئة اعلى تدفع عشانها 10 الاف او 15 الف زيادة
الناس كل يوم بتموت بسبب الاسفلت المتكسر زى سنان المسئولين لما الشعب هيديهم فيها فى القريب العاجل ان شاء الله
الناس بتركب ميكروباصات و اتوبيسات و مواصلات عامه التحرش فيها زى صباح الخير و شئ عادى
كل ده ليه ؟
الموضوع سرقة فلوس و ارواح بتموت و كرامة و شرف للى عندهم لسه كرامة و شرف فى البلد دى
و دة لينك الموضوع اتفرجوا و شوفوا فلوسكم و تحويشه عمركم بتتسرق ازاى

ننشر قائمة اسعار سيارات 2015 .. والرسوم الجمركية عليها - جريدة البورصة

انا متفق معاك على ان الجمارك مبالغ فيها جدا
و دا موضوع عن الجمارك كن كاتبه
http://www.nilemotors.net/Nile/453275-a.html

و لكن اختلف معاك بشدة من ناحية ان الاتراج تمنها من غير جمارك من 18-31 دا رقم قيمته لا تغطى ثمن محركها بالفتيس زيرو خارج من المصنع .
التداخل عند حضرتك فى نقطة بسيطة جدا.
و هى انك لا يمكن ان تقارن قيمة الجمارك التى تفرض على السلع المستوردة لمواطن العادى و بقيمة الجمارك التى تفرض على الشركات المستوردة و دى ليها اعتبرات كثيرة جدا و منها على سبيل المثال لا الحصر :
المواطن العادي بيشتري عربية مثلا من السعودية (فبيدفع ثمن السيارة من المصنع و ثمن نقلها من الدولة المصنعة و هامش ربح المستورد و ضريبة و جمرك السعودية فكل دا بيضخم رقم شراء السيارة و الرقم دا منه بيتحاسب المواطن عليه فى القيمة الاجمالية للجمرك ) حيدفع جمرك كبير جدا. و لو بيشتري من الدولة المصنعة برده مش حيشتري بسعر المصنع .

و لكن الشركات المستوردة (توكيل ) بيروح يتعاقد مع الشركة المصنعة و بيتعاقد على كميات كبيرة و بمواصفات معينة و كل دا بيقلل من ثمن شراء المنتج من المصنع و تيجي مرحلة النقل و دى بسيطة و نجي عند الجمارك حنلاقي الشركات بتلعب جامد جدا يعنى مثلا شركة بترشي المصنع و يعمله فواتير بارقام اقل من الواقع فيدفع جمارك اقل بكثير جدا و اشهرهم (توكيل شغال على الاوروبي و الامريكي و له قضية فى المحاكم ) يجي توكيل تانى انصح شوية فيستورد العربية بدون بعض قطع الغيار (زى البطاريات و الزجاج و غيره ) و يبدلهم بمصري و بياخد خصم على الجمارك و يجي توكيل انصح شويتين يستورد السيارة كقطع غيار و دى بتدخل بقيمة جمركية اقل من قيمة سيارة كملة بنسبة 1/8 تقريبا (بس طبعا دا توكيل محترم لانه بيجمع و بيشغل مصريين المفروض ).

فاكيد لو المواطن العادي حيدفع 80 الف فدا مش الجمرك اللى بتدفعه الشركة المستوردة .