اول خبطة فى عربيتى الالنترا قبل متكمل (1500) كيلو!!!!!!

**red_elantra** · 04-11-2008 11:51 PM

بسم الله الرحمن الرحيم

مبدأيا كدا العربية مكملتش الالف وخمسية كيلو وخبط الرفرف الشمال تخيلوا بقى حرقة الدم حتى صيانة الالف كيلو متعملتش .المهم قدر الله مشاء فعل . المهم الرفرف راح فى دهية والبوية نطط والصاج وتم استعدالة على البارد بس اكيد باين علشان ولا اى سمكرى ممكن يجيب السوكة زى الاول.انا دلوقتى مش عارف اغير الرفرف ولا لاء . ولو اتغير هيعمل كام فى التوكيل بالرش .ياريت حد يساعدنى ويقولى اعمل اية . وبردة فى حوار تانى حاسس ان العربية على السرعة البطيئة كانها نزلة فى حفرة بس الكلام دة على خفيف هو السمكرى قالى الفردة عايزة تتزود مع العلم ان الاسطوانة سليمة والفرامل سليمة وبردة صوت الماتور حاسس انة عالى سنة بسيطة عن الاول .مع العلم ان الخبطة جات كلها فى الرفرف مفيش حاجة جات ناحية الفردة خالص. حد يساعدنى بليز وقريبا انشاء الله الصور بتاعتها وهى بتترد وبعد الرد وقبل الرد...........شكراااا

**sNIPER_007** · 04-11-2008 11:59 PM

لا حول ولا قوه الا بالله

الحمد لله انها جت علي كده

انا برضو خبطت زيك بالظبط كده قبل ما اكمل 1500 والفانوس اتكسر بس سبته ياخد عينه بقه

واعتقد التوكيل مش هيرش التوكيل هيغير الرفرف ممكن تشوف سعره من الناس الي تعرف هنا

**saifsaadmohamed** · 05-11-2008 12:05 AM

فداك و حمدا لله على سلامتك
الحمد لله انها بتيجى فى الصاج

**red_elantra** · 05-11-2008 12:09 AM

المشكلة فى حاجة فى الصاج بان والبوية نطط فى 3 اماكن حجمها مثلا 1فى1 سنتمتر

**ZIMOFOX** · 05-11-2008 12:11 AM

اخى الكريم قدر الله وماشاء فعل
متعلزش ممكن بالخبطة ديه ربنا رفع عنك شر
متغيروش معلش وخليه يا خد العين زى ما قال اخى الفاضل
ومادمت بخير واهلك بخير تيجى فى الحديد مش مشكلة

**ouba2** · 05-11-2008 12:11 AM

لا حول ولا قوه الا بالله

**sNIPER_007** · 05-11-2008 12:11 AM

ولا يهمك سيبها شويه تاخد العين ودا طبيعي وبيحصل ل ناس كتير هتتضايق شويه انا حاسس بيك بس ف الاخر دي عربيه وياما كلنا بنشوف منها

**red_elantra** · 05-11-2008 12:20 AM

اوكى ماشى اللهم ملا اعتراض . المهم هيتعمل فيها اية بعدين هل اغير رفرف ولا اية بالظبط مش عارف هيا الردة مش وحشة بس مش عارف ياريت اى حد من الخبراء يرد عليا بسرعة .