استلمت عربيتى البرسونا من اسبوعين وخت خبطة تحت الفوج الايمن

**agamy_80** · 23-02-2009 08:22 PM

استلمت عربيتى البرسونا من اسبوعين وخت خبطة تحت الفوج الايمن من ميكروباص هى بسيطة بس شكلها وحش ولون عربيتى اسود اعملها فى التوكيل ولا استنا لصيانة1000 وعيز رايكم فى الفرش الداخلى اعملى ايه اسود فى احمر ولا اسود فى رصاصى والفرش جلد طبعا وعيز اعرف استهلاك البنزين ادى ايه اعرفه منين وحاجة تانى ما حدش فى التوكيل قال لى حاجة عن نوع زيت الموتور لانى عيز اسافر ومش عارف احط زيت للموتور ولا لا وشكرا جزيلا لكل اعضاء برتون

**husseinodeba** · 23-02-2009 09:29 PM

اولا الف مبروك يا استاذ عجمى

بالنسبه لخبطه الحمد لله انها جات بسيطه وانا لومكانك اسيبها شويه اهى تبعد العين دا لو بسيطه زى انت مابتقول

الفرش ده انا فعلا مأدرش افيدك فيه خالص

اما استهلاك البنزين فبتعرفه من الساعه اليجتال اللى ادامك ...الزرار اللى على اليمين تدوس عليه هيظهرلك نسبه استهلاك البنزين ..>ونصيحه اقرأ المانيول كويس فيه حجات كتير مهمه

فى صيانه الالف هم هيغيرولك الزيت ..انت مش لازم تعمل اى حاجه مع الزيت ..وعلى العموم هم بيستخدمو زيوت توتال

يا ريت تاخد فكره عن الموضوع ده
http://www.nilemotors.net/Nile/showthread.php?t=57118

**Ayman_52** · 23-02-2009 09:52 PM

المشاركة الأصلية كتبت بواسطة husseinodeba

اولا الف مبروك يا استاذ عجمى

بالنسبه لخبطه الحمد لله انها جات بسيطه وانا لومكانك اسيبها شويه اهى تبعد العين دا لو بسيطه زى انت مابتقول

الفرش ده انا فعلا مأدرش افيدك فيه خالص

اما استهلاك البنزين فبتعرفه من الساعه اليجتال اللى ادامك ...الزرار اللى على اليمين تدوس عليه هيظهرلك نسبه استهلاك البنزين ..>ونصيحه اقرأ المانيول كويس فيه حجات كتير مهمه

فى صيانه الالف هم هيغيرولك الزيت ..انت مش لازم تعمل اى حاجه مع الزيت ..وعلى العموم هم بيستخدمو زيوت توتال

يا ريت تاخد فكره عن الموضوع ده
http://www.nilemotors.net/Nile/showthread.php?t=57118

+10000

والف مبروك عالبيرسونا...وربنا يباركلك فيها يارب ويحفظهالك من كل شر....

وبخصوص الفرش اظن الرصاصى هيمشى مع البيرسونا اكتر...وحضرتك سيب الخبطه افضل عشان العين..وكمان ليه المشوره حضرتك فى صيانه الالف ابقى اسال وشوف هيعملوها ولا ايه....لانهم ممكن يقولوا عاوزين محضر ولا حاجه عشان التامين...وربنا يحفظلك عربيتك..

**khpopo** · 23-02-2009 10:27 PM

مبروووك بيرسونا الجميلة ربنا يحفظهالك .. زى ماقلك الاخوة الافاضل
ربنا يوفق

**agamy_80** · 23-02-2009 11:11 PM

الف شكر ياجماعة على الردود الجميلة وربنا يبارك فيكم وان شاء الله هنتظر صيانة ال1000 بس السؤال هنا انا لسة ما امنتش على العربية اعمل التامين دلوقتى ولا استنا بع صيانة ال1000 علشان الخبطة دى وياريت حد يدلنى على شركة تأمين كويسة ومحترمة ولكم جزيل الشكر

**Ayman_52** · 23-02-2009 11:27 PM

اظن ان حضرتك لازم تأمن بسرعه...لان حضرتك عارف شوارع المحروسه عامله ازاى...واظن ان قبل التامين حضرتك تصلح الخبطه وهى بسيطه هتترد على طول ان شاء الله...عشان شركة التامين بيعملوا معاينه قبل اصدار البوليصه ولازم تبقى العربيه مافيهاش حاجه..

وبخصوص شركات التامين ..انا مامن من عز ..والعربيه اتخبطت والصراحه عاينوا العربيه بسرعه وعز بدا الشغل فيها..يعنى الحمد الله مش بيتاخروا...الشركه اللى مع عز اسمها -التامين التكافلى-...وفى كمان اليانز شركه محترمه جدا..وكمان كونتكت

ولو فى اى استفسار انا تحت امرك..وربنا يوفقك للخير ان شاء الله

**agamy_80** · 24-02-2009 12:41 AM

ان شاء الله هصلح الخبطه واروح عز اسال على موضوع التامين خصوصا ان انا شارى من هناك العربية

**M.Nabil** · 24-02-2009 02:04 PM

الف مبروك يا باشا .
والاخوة الافاضل ردوا على كل استفساراتك, وموضوع الخبطة تترد بسهولة بس متعملهاش في التوكيل علشان هتكلف جامد جدا.
حضرتك ممكن عند اي سمكري كويس يعملهالك في ثواني ومش هتكلف حاجة.

**agamy_80** · 24-02-2009 09:15 PM

انا جنبى كذه سمكرى هشوف وربنا يسهل لان الخبطة تعتبر تقشير للدهان مع نقره بسيطة والف شكر نبيل باشا على النصيحة

الموضوع: استلمت عربيتى البرسونا من اسبوعين وخت خبطة تحت الفوج الايمن

LinkBack

أدوات الموضوع

عرض

-

-

-

-

-

المواضيع المتشابهه

باركولى استلمت البرسونا امبارح الساعة 6 فاكرنى كنت مواعدكم اقولكم تقرير عنها

اخيرا الحمد لله استلمت البرسونا

استلمت البرسونا يا رجاله و شكر واجب للاستاذ احمد ابراهيم

الحمد لله رب العالمين استلمت البرسونا

اول خبطة فى عربيتى الالنترا قبل متكمل (1500) كيلو!!!!!!

الكلمات الدلالية لهذا الموضوع

المفضلات

المفضلات

ضوابط المشاركة