خلاص .. خلاص بجد .. دي مش عيشة بني أدمين

**emadfk** · 05-11-2008 02:36 PM

ربنا يتمم شفاء اختك و يرحمنا برحمته

**MMamdouh** · 05-11-2008 02:48 PM

لا حول ولا قوة الا بالله

حسبى الله و نعم الوكيل

MMamdouh

**M.Mokhtar** · 05-11-2008 02:57 PM

لا حول ولا قوة الا بالله
حسبى الله ونعم الوكيل

ان شاء الله هتقوم بالسلامه وتبقى احسن من الاول
ان شاء الله ربنا يقويك وتعدوا المصيبه دى على خير

ما تنساش الدعاء وذكر الله
وادعى على اللى عمل كده بحسبى الله ونعم الوكيل
وربنا مش بيضيع حق حد

ولو محتاج اى حاجة احنا كلنا اخواتك ومتكسف تطلب اى حاجة مننا

**Sharky** · 05-11-2008 03:03 PM

لا حول و لا قوة إلا بالله
حسبى الله و نعم الوكيل

ربنا ينتقم من الواد دا

الحمد لله إن أختك سليمة

**Ahmed Anwer** · 05-11-2008 03:08 PM

الحمد لله

قدر الله و ما شاء فعل

ربنا يصبركم

**أشرف العدوي** · 05-11-2008 03:10 PM

ربنا يشفيها يارب و يقومها بالسلامة

و كله كوم و انا طالع بعربية الإسعاف مع أختي كوم .. ناس مش عايزة تعدي العربية و ناس تزنق عليها !! و مشغلين السارينة و بنقول معانا مريض ولا حد معبرنا .. لدرجة واحد عالمحور ماشيين وراه بالسارينة و هو ماسك الشمال و بنقلبله نور قام مدينا إشارة شمال !! يعني طز فيكوا .. و اما وصلنا منطقة الزحمة بتاعة المحور و الطريق وقف تماماَ كان هيجيلي إنهيار

انت تحمد ربنا انهم كانوا مشغلين الثرينة و بيقولوا معانا مريض
انا والدي ارلله يرحمه طلبتله عربية اسعاف الحكومة دي و بصراحة جت بسرعة بس مهذله على الطريق تهريج مع باقي السيارات و الكارثة زفة ماشيا قعد يزف العربية و يقولهم الف مبروك طبعاً لزقته قفا زعق روحت مناولة واحد تاني اتعدل على طول

و ما اقولكش على المستشفيات الخاصة ( الصفا في المهندسين ) قمة السفالة و الابتذاذ و قلة الأدب محدش بيقولك صباح الخير غير لما تديله فلوس
كل حاجة في والدي الله يرحمه سليمة ( حسب تقريهم و الأشعة الي مالهاش لازمة )
و الحالة الفعلية تددهور كل ساعة أنيل من الأول حتى فقد القدرة على الحركة و من بعدها الوعي و من بعدها الوفاه كل هذا في 4 أيام قبل الوفاه بيوم أخدت التحاليل و الأشعة و التقارير لواحد دكتور كبير في ميدان لازوغلي الراجل كاد ان يبكي و الله قالي مفيش أمل خالص و أدعيله ان ربنا ما يطولش عليه
قولتله ليه ( بعيداً عن القارئين و ربنا يبعد عنكوا الامراض ) سرطان كبد و انتشر في العظام و الدم و أصبح خارج نطاق السيطرة
قولتله مافيش علاج قالي مافيش و لو ينفع برة كنت قولتلك ( انا بعيط دلوقتي لما افتكرت )بيع الي وراك و الي قدامه و سفره و شرحلي بقى تطورات الحالة شلل و عمى و بعد كدة ألم يستعدي عيادات علاج الام إلى ان يتوفاه الله
كل ده و البهوات في المستفي مش عارفين و الي خلا الحالة تتطور في 4 أيام كمية الاشعاع الي اتعرضلها مع جلسات علاج طبيعي بأشعة ( كان في دكتور متخلف اسمه عاطف الطحاوي عيادة عند وزرارة الداخلية قاله انت عندك غضروف ) و للعلم هو الي كان بيشرف على حالته في المستشفى
تخيلوً واحد بيتمنى ان والده يموت علشان يستريح من الالم الي هو فيه ( هو أنا ) !!!!!

**hossam_elwani** · 05-11-2008 03:34 PM

فعلا البلد دى **** اى حد يعيش فيها... انت ملكش اى تمن فيها ساعات بسأل نفسى البنى ادم فى مصر ملوش قيمة ليه ؟ هل من عدد السكان الكتير يعنى مش حتفرق واحد من الف من عشر تلاف ؟ لكن ارجع اقول طيب ما المانيا اكثر من عدد سكان مصر حوالى 85 مليون ومساحتها اقل من مساحة مصر فعرفعت ان العيب فينا لابنطبق الاسلام بمنهجه الى يصلح اى خطأ فى الدنيا ولا المبادىء العلمانيه الى الغربيين عيشين بيها .... حسبى الله ونعم الوكيل

=========
تنبيه مشدد للعضو بتوخي الحرص في اختياره للألفاظ
لقد خالفت القاعدة رقم (9) بند (أ) من قواعد المنتدى والمخالفة التالية سوف تستوجب حصولك على العقوبة (إنذار مع وقف أسبوع).